ရခိုင်ပြည်နယ်၊ တောင်ကုတ်မြို့နယ်အတွင်း ကွမ်းစားထုံးလုပ်ငန်းလုပ်ကိုင်သည့် လုပ်ငန်းရှင်တစ်ဦးသည် ၎င်းထုတ်လုပ်သည့် ကုန်ပစ္စည်းနှင့်ပတ်သက်၍ စားသုံးသူရေးရာဦးစီးဌာန၏ ဥပဒေပြဌာန်းချက်အတိုင်း လိုက်နာဆောင်ရွက်နိုင်ရေး လိုအပ်သည်များသိရှိလို၍ (၉-၉-၂၀၂၂)နေ့ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာန၊ တောင်ကုတ်ခရိုင် ခရိုင်ဦးစီးမှူးထံ လာရောက်တွေ့ဆုံဆွေးနွေးခဲ့ပါသည်။
တွေ့ဆုံဆွေးနွေးမှုအရ လုပ်ငန်းရှင်သည် တောင်ကုတ်မြို့နယ်အတွင်း “စွဲ” အမှတ်တံဆိပ်ဖြင့် အသင့်စားကွမ်းစား ထုံးလုပ်ငန်းကို လုပ်ကိုင်ကြောင်း၊ ဒေသတွင်း ဖြန့်ဖြူးရောင်းချသူတစ်ဦးဖြစ်ကြောင်း သိရှိခဲ့ရာ ခရိုင်ဦးစီးမှူး ဦးမောင်ကျော်မြင့် က စားသုံးသူကာကွယ်ရေးဥပဒေ ၂၀၁၉ ပါ အခန်း (၁၈) ပုဒ်မ (၄၁) (၄၂) (၄၃) ပြဌာန်းချက်များ၊ ကုန်စည်အုပ်စုအလိုက်၊ ကုန်ပစ္စည်းအမျိုးအစားအလိုက် ဖော်ပြရမည့် ကုန်အညွှန်းအမှတ်အသားများအား မြန်မာဘာသာဖြင့်ဖော်ပြရန်အချက်များ၊ စီးပွားရေးလုပ်ငန်းရှင်များ၏တာဝန်များ၊ စားသုံးသူများထိခိုက်နစ်နာမှုမရှိစေရေးအတွက် ဘေးအန္တရာယ်ကင်းရှင်းသောကုန်ပစ္စည်းများထုတ်လုပ်ရေး၊ စာသုံးသူများအသုံးပြုမည့်ကုန်စည်များ အတွက် သက်ဆိုင်ရာအစိုးရဌာနများ၏ စံသတ်မှတ်ချက်နှင့်အညီလိုက်နာဆောင်ရွက်မှုရှိစေရေး အသိပညာပြောကြားခဲ့ကြောင်း သတင်းရရှိပါသည်။
DOCA(ရခိုင်)