ကွမ်းသီးပင်ကို ရေမဝပ်သော၊ ရေမမြုပ်သော၊ မြေပြန့်နေရာများတွင် စိုက်ပျိုးရပြီး အစိုဓာတ် ထိန်းပေးနိုင်သည့် တောင်တန်း၊ တောင်ပေါ်ဒေသများတွင် အများဆုံး စိုက်ပျိုးဖြစ်ထွန်းလျက်ရှိပါသည် ။ ကွမ်းသီးပင်သည် နှစ်ရှည်ပင်ဖြစ်သောကြောင့် (၅-၆)နှစ်သား ဖြစ်မှသာ စတင်အသီးသီးပြီး ကွမ်းသီးတစ်ပင်ကို အလုံးရေ(၅၀၀)ခန့်အထိသီကြောင်း ၊ ကွမ်းသီးများအား အမျိုးအစားအလိုက်မြိတ်၊ထားဝယ်ဒေသများမှရန်ကုန် ၊ မန္တလေးမြို့ကြီးများရှိ ကွမ်းသီးဒိုင်များ မှ ဝယ်ယူရကြောင်း ၊ ဩဂုတ်လနောက်ဆုံးပတ်တွင် ကွမ်းသီးအခြမ်းအခြောက် တစ်ပိဿာလျှင် (၂၅၀၀၀/-)ကျပ်၊အစိုအခြမ်းတစ်ပိဿာလျှင်(၂၀၀၀၀/-)ကျပ်၊အတုံးတစ်ပိဿာလျှင်(၂၄၀၀၀/-) ကျပ်၊(မြစ်သားအစ)တစ်ပိဿာလျှင်(၂၅၀၀၀/-)ကျပ်ဖြင့် ရောင်းချကြကြောင်း ၊ စက်တင်ဘာလ ပထမပတ်တွင် ကွမ်းသီးအခြမ်းအခြောက် တစ်ပိဿာလျှင်(၃၀၀၀၀/-)ကျပ်၊ အစိုအခြမ်း တစ်ပိဿာလျှင် (၂၂၀၀၀/-)ကျပ်၊ အတုံးတစ်ပိဿာလျှင်(၃၀၀၀၀/-)ကျပ်၊(မြစ်သားအစ) တစ်ပိဿာလျှင်(၃၃၀၀၀/-)ကျပ်ဖြင့်ဈေးနှုန်းမြှင့်တက်လျက်ရှိပြီးကွမ်းစားသုံးမှု များပြားလာသည့်အတွက် ကွမ်းသီး ဈေးကွက်မှာ အမြဲရှိပြီး ကွမ်းသီးများ ဈေးကောင်းလျက်ရှိကြောင်း ၊ ကျောက်ဆည်မြို့ပေါ်ရှိ ကွမ်းသီးရောင်းချသူတစ်ဦးထံမှ သိရှိရပါသည်။
DOCA(မန္တလေး)