ဈေးကွက်အတွင်း ဈေးကွက်ရောက်ပြီး အလှကုန်နှင့် ကုန်စည်အျမိုးမျိုးအား တရားဝင်ဖြန့်ဖြူး ရောင်းချနေသော လုပ်ငန်းရှင်များကို ဘေးအန္တရာယ်ကင်းရှင်းရေးနှင့် ကုန်အညွှန်းအမှတ်အသား ပြည့်စုံရေးအတွက် စီးပွားရေး လုပ်ငန်းရှင်များ လိုက်နာဆောင်ရွက်နိုင်ရေး အသိပညာပေးဆွေးနွေးပွဲ အခမ်းအနားကို (၁၅-၉-၂၀၂၅ ရက်နေ့ နေ့လည် ၃နာရီအချိန်က ပန်းတနော် အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် အသိပညာပေး ဟောပြောခဲ့ကြသည်။
ဟောပြောပွဲတွင် ပန်းတနော် မြို့နယ် တာဝန်ခံ ဦးအောင်ကျော်သက်က ဌာနသမိုင်းကြောင်းကို မိတ်ဆက်၍ စားသုံးသူရေးရာဦးစီးဌာန၏ လုပ်ငန်းဆောင်ရွက်နေမှုများနှင့်ပတ်သက်၍ ရှင်းလင်းခြင်း၊ စားသုံးသူကာကွယ်ရေး ဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းဆိုင်ရာ သိကောင်းစရာများနှင့် အွန်လိုင်းစနစ်ဖြင့်မှတ်ပုံတင်ခြင်းဆိုင်ရာ သိကောင်းစရာများကို အကျယ်တဝင့် ရှင်းလင်းပြောကြားခဲ့ပြီး ကုန်စည် ရောင်းချသူများအနေဖြင့် ကုန်အညွှန်းအမှတ်အသားကို မြန်မာဘာသာဖြင့် ဖော်ပြခြင်းကသာ စားသုံးသူများအတွက် ပိုမိုလွယ်ကူရှင်းလင်းစွာသိမြင်နိုင်မည်ဖြစ်သဖြင့် လုပ်ငန်းရှင် အတွက်လည်း အကျိုးပိုမိုဖြစ်ထွန်းနိုင်ပါကြောင်း၊ စီးပွားရေးလုပ်ငန်းရှင်များက သက်ဆိုင်ရာဌာနများ၏ သတ်မှတ်ချက်နှင့် ညီမျှသော ကုန်စည်များကို သာ ဈေးကွက်အတွင်းရောင်းချရန် မှာကြားပြီး ကုန်မျိးစုံရောင်းချသူလုပ်ငန်းရှင် (၂၅)ဦး တက်ရောက်ခဲ့ကြောင်း သိရပါသည်။
DOCA(ဧရာဝတီ)