ကုန်စိမ်းစျေးကွက်သို့ မန္တလေးတိုင်းဒေသကြီးရှိ အမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်နှင့်မိတ္တီလာခရိုင်တို့မှထွက်သည့်ကုန်စိမ်းများ၊ စစ်ကိုင်းတိုင်းဒေသကြီးနှင့် ရှမ်း ပြည်နယ်တို့မှ ထွက်သည့်ပဲသီးတောင့်ရှည်ကုန်စိမ်းများ ဝင်ရောက်မှုများပြားလျှက်ရှိပြီး၊ မိုး ရာသီဖြစ်၍ ပဲသီးတောင့် ရှည်ကုန်စိမ်းစျေးကျဆင်းလျှက်ရှိကြောင်း သိရှိရပါသည်။ စျေးကွက် အတွင်းဝင်ရောက်လျှက်ရှိသည့်ပဲသီးတောင့်ရှည်များအားအစိမ်းရောင်နှင့်ခရမ်းရောင်ပဲသီးတောင့် များ တွေ့ရှိရပါသည်။ မန္တလေးမြို့၊ သီရိမာလာစျေးနှင့်၄၁လမ်းစျေးရှိ ကုန်စိမ်းစျေးကွက်တွင် ၂၀၂၅ ခုနှစ် စက်တင်ဘာလတတိယပတ်အတွင်း ဖြစ်ပေါ်သည့် ပဲသီးတောင့်ရှည်စျေးနှုန်းများမှာ ၁ပိဿာလျှင် လက္ကားစျေး ၃၀၀၀ ကျပ် နှင့် ၃၅၀၀ ကျပ်၊လက်လီစျေး၄၅၀၀ကျပ်နှင့် ၅၀၀၀ ကျပ် စျေးဖြင့် ရောင်းချလျက်ရှိကြောင်း သိရှိရ ပါသည်။ ပဲသီးတောင့်ရှည်ပေါက်စျေးမှာ သြဂုတ်လ နောက်ဆုံးပတ်ပေါက်စျေးနှင့်နှိုင်းယှဉ်ပါက ၁ ပိဿာလျှင် ၅၀၀ ကျပ်ကျဆင်းသွားကြောင်း ကုန်စိမ်းရောင်းချသူတစ်ဦး၏ပြောပြချက်အရ သိရှိရပါသည်။ မန္တလေးမြို့၊ သီရိမာလာစျေး အတွင်း နေ့စဉ်ကုန်စိမ်း သီးနှံဝင်ရောက်မှုမှာ ကုန်စည် အမျိုး အစားအလိုက် (Canter ၁၂ဘီးနှင့် ၆ဘီး)ယာဉ် (၄၀) စီးနှင့်(၆၀)စီးအကြားဝင်ရောက်လျှက်ရှိကြောင်း သိရှိရပါသည်။
DOCA(မန္တလေး)