စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် ရာသီချိန်အလိုက် စားဖို ဆောင်သီးနှံများကို တစ်နိုင်တစ်ပိုင် စိုက်ပျိုးရောင်းချလျှက်ရှိကြောင်း၊ ဆလပ်ရွက်ကို မြို့ပေါ်ရပ် ကွက်များတွင်သာမက ကန့်ဘလူမြို့နယ်အတွင်းရှိ နတ်ပေးကျေးရွာ၊ တောက္ကရှပ်ကျေးရွာများတွင် မိမိတို့နေအိမ်ခြံဝင်းများ၊ မိမိတို့ယာကွက်များတွင် တစ်နိုင်တစ်ပိုင်စိုက်ပျိုးကြကြောင်း၊ ဆလပ်ရွက် သည် စိုက်ပျိုးစရိတ်ကုန်ကျမှု သက်သာသည့်အတွက် ထိုက်သင့်သည့်အကျိုးအမြတ် ရရှိကြောင်း သိရသည်။
ဆလပ်ရွက်သည် အစားအသောက်အမျိုးမျိုးနှင့်တွဲဖက် စားသုံးကြသည့်အတွက် စားသောက် ဆိုင်များ၊ ထမင်းဆိုင်များ၊ အကင်ဆိုင်များ၊ အသုတ်ဆိုင်များစသည့် ဆိုင်များမှဝယ်ယူအသုံးပြုသည့် အတွက် အရောင်းအဝယ်သွက်လျက်ရှိကြောင်း၊ ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ဆလပ်ရွက်အပင်ကြီး(၁)ပင်လျှင် (၅၀၀)ကျပ်၊ အလတ်(၁)ပင်လျှင် (၄၀၀)ကျပ်နှင့် အသေး(၁)ပင် လျှင်(၃၀၀)ကျပ်တို့ဖြင့်ရောင်းချကြောင်း၊ ဆလပ်ရွက်မှာ အဝင်နည်းသည့်အတွက် အရောင်းသွက် လျက်ရှိကြောင်း သိရသည်။
DOCA (စစ်ကိုင်း)