“ပြင်ဦးလွင်ခရိုင်၊ မြို့မဈေးကွင်းဆင်းစစ်ဆေး”

       ပြင်ဦးလွင်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် မြို့နယ်အထွေထွေ အုပ်ချုပ်ရေးဦးစီးဌာန ၊ မြို့နယ်စည်ပင်သာယာရေးအဖွဲ့ ၊ မြန်မာနိုင်ငံရဲတပ်ဖွဲ့တို့ ပါဝင်သော ပူးပေါင်းအဖွဲ့များဖြင့် ပြင်ဦးလွင်မြို့၊ မြို့မဈေးကြီးတွင် ရောင်းချနေသော ဆိုင်ခန်းများအား ဈေးကွက် စောင့်ကြည့်စစ်ဆေးခဲ့ပါသည်။ ထိုသို့စစ်ဆေးရာတွင် ပြင်ဦးလွင်မြို့ ၊ မြို့မဈေးကြီးတွင် ဆန်၊ ဆီ၊ အသား၊ ငါး၊ ကြက်ဥ၊ ဘဲဥ၊ ဟင်းသီးဟင်းရွက် ရောင်းချနေသော ကုန်စုံဆိုင်များသို့ ကုန်ဈေးနှုန်းများ ကြီးမြင့်ရောင်းချခြင်း မပြုရန် စားသုံးသူနစ်နာဆုံးရှုံးမှုများ မရှိစေရန် ဆောင်ရွက်ခဲ့ပါသည် ။

    ဆိုင်ပိုင်ရှင်များအနေဖြင့်လည်း လစဉ်ထုတ်ပြန်ထားသော သတ်မှတ်ရည်ညွှန်းဈေးများဖြင့် ပွင့်လင်း မြင်သာမှုရှိစေရန် ဗီနိုင်းများ ချိတ်ဆွဲရောင်းချနိုင်ရေး သတ်မှတ်ရည်ညွှန်းဈေးထက် ကျော်လွန် ရောင်းချသည်ကို စစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း ပြောကြားခဲ့ပါသည်။

DOCA(မန္တလေး)