ဧရာဝတီတိုင်းဒေသကြီး၊ ပုသိမ်မြို့နယ်၊ ပုသိမ်မြို့ပေါ်ရှိ ဈေးကြီးများနှင့် ကျေးရွာဈေးများတွင် ယခုလို မိုးရာသီကုန်ဆုံးခါနီးကာလသည် ရာသီစာမန်ကျည်းသီးအစိမ်းများ ဈေးကွက်အတွင်းသို့ စတင်ဝင်ရောက်လာသည့် အချိန်ဖြစ်ပါသည်။
မန်ကျည်းသီးအစိမ်း ဈေးနှုန်းများမှာ စတင်ထွက်ရှိချိန်တွင် အခွံနှင့်အတူ တစ်ပိဿာလျှင် ကျပ် ၄,၀၀၀ မှ ၅,၀၀၀ အထိ ရှိခဲ့ပြီး၊ ယခု စက်တင်ဘာလ တတိယပတ်အတွင်း မန်ကျည်းသီးအစိမ်းများ ပိုမိုထွက်ရှိလာသည့်အတွက် ဈေးနှုန်းအနေဖြင့် တစ်ပိဿာလျှင် ကျပ် ၂,၅၀၀ မှ ၃,၅၀၀ ကျပ်ခန့်သို့ ကျဆင်းကာ ဈေးကွက်အတွင်း အရောင်းအဝယ် ဖြစ်ပွားလျက်ရှိကြောင်း သိရှိရပါသည်။
ဒေသခံများသည် မန်ကျည်းသီးအစိမ်းကို ငါးပိချက်၊ ငံပြာရည်ချက်စသည့် ချဉ်ငန်ပြင်းရသာ ဟင်းလျာများတွင် အသုံးပြုရန်နှင့် ချဉ်ဖတ်ထောင်းကြော်ကဲ့သို့သော ဒေသတွင်းအစားအစာများပြုလုပ်ရန် ဝယ်ယူကြသည်ကို တွေ့ရပါသည်။ ရာသီတိုတောင်းသော ဤထုတ်ကုန်သည် ဈေးကွက်တွင် ရက်သတ္တပတ်အနည်းငယ်သာ ပျံ့နှံ့နေမည်ဖြစ်ပြီး စားသုံးသူများ၏ စောင့်မျှော်ဝယ်ယူမှုကို ခံယူလျက်ရှိကြောင်း သိရှိရပါသည်။
DOCA (ဧရာဝတီ)