ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို ရှာဖွေ၍ ဈေးကွက်အတွင်းသို့ ရောင်းချကြသလို ရောင်းချမကုန်သည်များကို ဟင်းရှားပါးသည့် အရာသီများ အတွက် အခြောက်လှမ်းထားပြီး ဩဂုတ်လ စတုတ္ထပတ်လောက်တွင် ပေါ်ဦးပေါ်ဖျား မျှစ်ခြောက် ကို စတင်ရောင်းချလျက်ရှိကြောင်းနှင့် မျှစ်ခြောက်ပြုတ်များကိုတော့ ယခုလိုပေါ်ခါစကာလနှင့် နွေရာသီ ဟင်းရှားပါးချိန်များတွင် ပြုတ်၍ ရောင်းချကြောင်း သိရှိရပါသည်။
၂၀၂၅ ခုနှစ်၊ အောက်တိုဘာလ ပထမပတ်အတွင်း မျှစ်ခြောက် တစ်ပိဿာလျှင်(၂၂၀၀၀)ကျပ်၊ (၅၀)ကျပ် သားလျှင်(၁၁၀၀၀)ကျပ်၊ (၂၅)ကျပ်သားလျှင်(၅၅၀၀)ကျပ် နှင့် မျှစ်ခြောက်ပြုတ် ဈေးနှုန်းအနေဖြင့် မျှစ်ခြောက်ပြုတ် တစ်ပိဿာလျှင်(၁၀၀၀၀)ကျပ်၊ မျှစ်ခြောက်ပြုတ် (၁၀)ကျပ်သားခန့် တစ်ပုံလျှင် (၁၀၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း သိရသည်။
DOCA(စစ်ကိုင်း)