မန္တလေးတိုင်းဒေသကြီးကျောက်ဆည်ခရိုင် အညာဒေသဖြစ်သည့်အတွက် ရာသီပေါ်ဟင်းသီး ဟင်းရွက်သစ်သီးဝလံများ လာရောက်ရောင်းချလျှက်ရှိရာ မိုးတွင်းကာလတွင် ကင်ပွန်းချဉ်ပင်များမှ အရွက်အညွန့်များ တလူလူနှင့်စတင်ထွက်ရှိပြီး ကင်ပွန်းချဉ်ပင်များကိုအိမ်နောက်ဖေး မြေပိုမြေလွတ် များတွင် စနစ်တကျစိုက်ပျိုး ထားကြပါသည်။ ပူပြင်းသော ရာသီဥတုအချိန်အခါများတွင်ကင်ပွန်းချဉ် ကိုဟင်းအရံအနေဖြင့် ဟင်းချိုအရေကျဲလေးချက်ပြုတ်၍ စားသုံးခြင်းဖြင့် အပူဒဏ်ကိုလျော့စေပြီး ခံတွင်းမြိန်စေပါသည်။ ကင်ပွန်းချဉ်အရွက်သာမက ကင်ပွန်းဥ၊ကင်ပွန်းသီးပါ အသုံးဝင်းသည့်အပြင် ကင်ပွန်းချဉ်ပင်သည် ဆေးအနေဖြင့်လည်းသုံး၍ရပါကြောင်း၊ အရွက်ကိုကြိတ်ပြီး အသည်းရောင် အသားဝါရောဂါသည်တွေကို တိုက်ရင်သက်သာစေပြီး၊ အသည်းရောင်နေတဲ့နေရာကို လိမ်းပေးခြင်း ဖြင့်အရောင်ကျစေပါကြောင်း၊ ကင်ပွန်းချဉ်ရွက်သည် လေနဲ့ပတ်သက်တဲ့ရောဂါကို သက်သာစေပြီး ဝမ်းကိုလည်းပျော့စေကြောင်း၊ ကျောက်ကပ်ကို အားပေးတဲ့အတွက် သောက်သုံးလျှင် ဆီးရွှင်စေပါကြောင်း၊ ကင်ပွန်းချဉ်ရွက်ကို ရေနွေးဖျောပြီး ငှက်ဖျားရောဂါသည်တွေ သောက်သုံးပါက ရောဂါများ သက်သာစေကြောင်း ကျန်းမာရေးဗဟုသုတများအရ သိရှိရကြောင်း၊ ကင်ပွန်းချဉ် ဈေးကွက်အနေဖြင့် ကင်ပွန်းချဉ်(၁၀)ကျပ်သားလျှင် (၁၀၀၀)ကျပ် ၊ (၁)ပိဿာလျှင် (၈၀၀၀)ကျပ် ဖြင့် ရောင်းဝယ်လျှက်ရှိကြောင်း ကုန်းစိမ်းရောင်းသူ တစ်ဦးထံမှ သိရှိရပါသည်။
DOCA(မန္တလေး)