မန္တလေးတိုင်းဒေသကြီး၊ မိတ္ထီလာခရိုင်၊ မိတ္ထီလာမြို့၊ ပြည်သာယာ ဈေးတွင်အာလူးသီး များအရောင်းအဝယ်ဖြစ်ကြောင်းသိရပါသည်။ ဈေးကွက်အတွင်းရောင်းချနေသောအာလူးသီးများကို ရှမ်းပြည်နယ်၊ နောင်ချိုမြို့၊ ကလောမြို့၊ မန္တလေးတိုင်း ပြင်ဦးလွင်ဒေသများမှ ဝင်ရောက်ကြောင်း သိရသည်။ အာလူးသီးသည် ကစီဓာတ်ကြွယ်ဝပြီး အမျှင်ဓာတ်ပါဝင်သောကြောင့် ဝမ်းချုပ်ခြင်း ကိုကာကွယ်ပေး နိုင်သလို ကယ်လိုရီပါဝင်မှုနည်းပြီး ကျန်းမာရေးနှင့်ညီညွတ်စွာ ချက်ပြုတ် စားသောက်ခြင်းဖြင့် အာဟာရဓာတ်များကို အပြည့်အဝရရှိစေပါသည်။ ယခု စက်တင်ဘာလ အတွင်းဖြစ်ပေါ်နေသော အာလူးသီးဈေးနှုန်းမှာ တစ်ပိဿာလျှင် (၄၈၀၀-၅၅၀၀)ကျပ်ဖြင့် ရောင်းဝယ်လျှက်ရှိပါသည်။ ယခင်လနှင့် နှိုင်းယှဉ်ပါက တစ်ပိဿာအပေါ် (၁၀၀၀)ကျပ် ဝန်းကျင်ဈေးမြှင့်လာကြောင်းဈေးကွက် အတွင်းမှသိရသည်။
DOCA(မန္တလေး)