မန္တလေးမြို့၊သီရိမာလာပန်းစျေးကွက်တွင် သီတင်းကျွတ်ကာလအချိန်ဖြစ်၍ ပန်းကုံးမျိုးစုံ ဝင်ရောက်မှုများပြားပြီး အရောင်းသွက်လှျက်ရှိကြောင်းသိရှိရပါသည်။ စျေးကွက်အတွင်းသို့ မန္တလေး တိုင်းဒေသကြီးအတွင်း ပုသိမ်ကြီးမြို့နယ်၊ မတ္တရာမြို့နယ်၊ အမရပူရမြို့နယ်၊ ပြင်ဦးလွင်မြို့နယ်နှင့် ကျောက်ပန်းတောင်းမြို့နယ်(ပုပ္ပားဒေသ)နှင့် စစ်ကိုင်းတိုင်းဒေသကြီးတို့မှ ကုံးပန်းများ ဝင်ရောက် မှုများပြီး၊အရောင်းသွက်ကြောင်း သိရှိရပါသည်။ ၂၀၂၅ ခုနှစ် အောက်တိုဘာလဒုတိယပတ်အတွင်း ဖြစ်ပေါ်သည့်ပန်းကုံးလက်လီပေါက်စျေးနှုန်းများမှာ စပါယ်ပန်း အပွင့် ၂၅ ကုံးပါတစ်တွဲလျှင် ၁၅၀ဝိ/-နှင့် ၁၇၀ဝိ/-၊ ဇွန်ပန်း ၂၅ ကုံးပါ ၁၅၀ဝိ/-နှင့် ၁၈၀ဝိ/-၊ စကားဝါပန်း/စကားဖြူပန်း ၁၀ ကုံးပါ ၃၅၀ဝိ/-နှင့် ၄၀၀ဝိ/-၊သနပ်ခါးပန်း၁၀ ကုံးပါ တစ်တွဲလျင် ၃၀၀ဝိ/-နှင့် ၃၅၀ဝိ/-၊ရွှေပန်းနှင့်ငွေပန်း ၁၀ ကုံးပါတစ်တွဲလျင် ၃၀၀ဝိ/-နှင့် ၄၀၀ဝိ/-၊ ကံ့ကော်ပန်း ၁၀ကုံးပါတစ်တွဲလျှင် ၄၀၀ဝိ/-နှင့် ၅၀၀ဝိ/-၊နှင်းဆီပန်း(ဗမာ) ၁၀ ကုံးလျှင် ၃၅၀ဝိ/-နှင့်၄၀၀ဝိ/-စျေးတို့ဖြင့် ရောင်းချလျက်ရှိပြီး၊ ဝါတွင်း ကာလအတွင်း ပန်းကုံးမျိုးစုံအရောင်းသွက်လျှက်ရှိကြောင်း သိရှိရပါသည်။
DOCA(မန္တလေး)