မြင်းခြံမြို့၊ အနီးပတ်ဝန်းကျင်ရှိ ကျေးရွာများတွင် ခရမ်းကြွပ်သီးများကိုစိုက်ပျိုးကြပြီး အေးမြသီတာဈေးတွင် လာရောက်ရောင်းချလျက်ရှိသည်။ ခရမ်းကြွပ်သီးကို ငပိရည်နှင့်တွဲဖက်၍ အတို့အမြှုပ်အဖြစ်လည်းစားသုံးကြသည်။ ခရမ်းကြွပ်သီးသည် အရောင်အသွေးလှယုံတင်မကပဲ ကျန်းမာရေးအတွက်လည်း အထောက်အကူပြုပေးသည်။ အစိမ်းရောင်၊ အဖြူရောင်နှင့်ခရမ်း ရောင်ဟူ၍အရောင်အမျိုးမျိုးရှိရာ ထိုင်းအစားအစာများတွင် တွင်တွင်ကျယ်ကျယ် အသုံးပြု ကြသည်။ ခရမ်းကြွပ်သီးတွင် ကယ်လ်လိုရီဓာတ်၊ အဆီဓာတ်၊ ကာဗိုဟိုက်ဒရိတ်၊ ကယ်လ်ဆီ ယမ်၊ သံဓာတ်၊ ပရိုတင်း၊ ဗီတာမင်အေ၊ ဗီတာမင်စီတို့ပါဝင်သည်။ ခရမ်းကြွပ်သီးသည် အရေ ပြားကိုလှပစေခြင်း၊ သွေးတိုးသက်သာစေခြင်း၊ ဆီးချိုဖြစ်နိုင်ခြေကိုလျှော့ချပေးခြင်း၊ အစာခြေ စနစ်ကိုကောင်းမွန် စေခြင်း၊ ကိုယ်ခံအားကျန်းမာစေခြင်းစသည့် ကျန်းမာရေးအထောက်အပံ့များစွာ ရရှိစေသည်။ ထိုသို့ ကောင်းကျိုးများသော ခရမ်းကြွပ်သီးကို မြင်းခြံမြို့ရှိကုန်စိမ်း ရောင်းသည့်ဆိုင်များတွင် ယခုအောက်တိုဘာလ ဒုတိယပတ်တွင်(၁)ပိဿာလျှင်(၅၀၀၀)ကျပ်နှုန်းဖြင့် အရောင်းအဝယ်ဖြစ်လျက်ရှိ ကြောင်း သိရှိရသည်။
DOCA(မန္တလေး)