မန္တလေးမြို့တွင်းသို့ စစ်ကိုင်းနှင့်မုံရွာနယ်ဘက်များမှ နှင်းဆီပန်းများ ဝင်ရောက်မှုရှိသကဲ့သို့ ပြင်ဦးလွင်နှင့် ရှမ်းတောင်ရွာငံဘက်တို့မှ နှင်းဆီပန်းများဝင်ရောက်လျက်ရှိပါသည်။ နှင်းဆီပန်းများကို ဘုရားပန်းတင်ခြင်း ၊ ပန်းအလှထိုးခြင်း ၊ မွေးနေ့လက်ဆောင်ပန်းစည်းများတွင် အသုံးပြုသည့်အတွက် ပန်းဈေးကွက်အတွင်း နှင်းဆီပန်းသည် ရောင်းအားကောင်းသည့် ပန်းတစ်မျိုးလည်းဖြစ်ပါသည်။ ဈေးနှုန်းဈေးကွက်အနေနှင့် စစ်ကိုင်းနှင့် မုံရွာဘက်များမှဝင်ရောက်သည့် အနီနှင့်ကြက်သွေးရဲပန်း (10) ပွင့် (1)စီးလျှင် 1000 ကျပ် မှ 1500 ကျပ် ၊ ရေမွှေးနှင်းဆီပန်းရောင်နှင့်အဝါရောင် (၁)စီးလျှင် 1500 ကျပ် မှ 2000 ကျပ် ၊ အဖြူရောင် (1)စီးလျှင် 2500 ကျပ် ၊ ရှမ်းတောင်ရွာငံမှ ဝင်ရောက်သည့် ပန်းရောင် ၊ လိမ္မော်ရောင် ၊ အဝါရောင် ၊ အဖြူရောင် (10)ပွင့် (1)စီးလျှင် 2000 ကျပ် မှ 2500 ကျပ်ထိ ဈေးရှိပြီး အရိုးရှည်ရှည်နှင့် အပွင့်ထိပ်ပိုင်းတွင် ပိုက်အုတ်များစွပ်၍ ထားသည့်အတွက် ကြာရှည်ခံပြီး ပွင့်အားကောင်းသည့် နှင်းဆီပန်းများဈေးကွက်အတွင်း ရောင်းဝယ်မှုအားကောင်းကြောင်းသိရှိရ ပါသည်။
DOCA(မန္တလေး)