မန္တလေးတိုင်းဒေသကြီး၊ ကျောက်ဆည်မြို့ရှိ အေးမြကြည်လင်ဈေးနှင့် မြို့မဈေးတို့တွင် ကန်စွန်းဥနှင့် ပိန်းဥများဝင်ရောက်သည့်အပြင် အာတာလွတ်ဥများလည်း ဝင်ရောက်လျက် ရှိပါ သည်။ ရွာငံ၊ အောင်ပန်း၊ ကလောဒေသများမှ ထွက်ရှိသော အာတာလွတ်ဥများကို ကျောက်ဆည် မြို့ပေါ်ရှိ ဈေးများသို့ ဝင်ရောက်လျက်ရှိပါသည်။ အာတာလွတ်ဥ ဈေးနှုန်းအနေဖြင့် ယခင်လတွင် တစ်ပိဿာလျှင်(၂၈၀၀-၃၀၀၀/-)ကျပ်ခန့်ဖြစ်သော်လည်း ယခုလတွင် အာတာလွတ်ဥများ ဖြိုင်ဖြိုင်ထွက်ပေါ်နေသောကြောင့် ဈေးနှုန်းအနည်းငယ်ကျဆင်းခြင်းဖြစ်ကြောင်း၊ အာတာလွတ်ဥ တစ်ပိဿာလျှင် (၂၄၀၀/-)ကျပ်ခန့်ဖြင့် အရောင်းအဝယ်ဖြစ်နေကြောင်း၊ အာတာလွတ်ဥကို စားသုံးခြင်းဖြင့် ခန္ဓာကိုယ်ကြီးထွားဖွံ့ဖြိုးမှုအတွက် ကူညီပေးခြင်း၊ သွေးအားနည်းခြင်းကို ကာကွယ်ပေးပြီး သွေးလည်ပတ်မှုကိုကောင်းစေခြင်း၊ နှလုံးကျန်းမာရေးအတွက်ကောင်းစေခြင်း၊ ဆီးချိုရောဂါအတွက် အထောက်အကူပြုခြင်း၊ ဝမ်းချုပ်ခြင်း၊ ဝမ်းလျောခြင်းများကို ပျောက်ကင်း စေပြီး သွေးတွင်းသကြားဓာတ်ကို ထိန်းညှိပေးခြင်းစသည့် အကျိုးကျေးဇူးများ ရရှိသည့်အတွက် အာတာလွတ်ဥစားသုံးပေးသင့်ပါကြောင်း ရေးသားတင်ပြအပ်ပါသည်။
DOCA(မန္တလေး)