ငါန်းဇွန်မြို့နယ်သည် စိုက်ပျိုးရေးကို အခြေခံသောနယ်မြို့လေးတစ်မြို့ဖြစ်သည့်အပြင် မြစ်ကမ်း ဘေးကျေးရွာများသည် ရေကျချိန်ကျပြီးနောက်တွင် ဆောင်းသီးနှံများ စိုက်ပျိုးရန် ထွန်ယက် မြေပြုပြင်ကြပါသည်။ ယခင်နှစ် ဆောင်းထောပတ်ပဲကို လျာထားဧက(၂၅၅၀)ဧက၊ စိုက်ပျိုးဧက (၂၄၁၃) ဧက၊ အထွက်နှုန်းအနေဖြင့် (၁၃.၀၀)တင်း၊ အထွက်တင်းပေါင်း (၃၁၃၆၉) တင်းထွက်ရှိကြောင်း၊ စိုက်ပျိုးသောမျိုးမှာ မလှိုင်အစေ့ပြားမျိုးကိုအများဆုံးစိုက်ပျိုးကြပြီး ဒေသမျိုးကိုအနည်းငယ် စိုက်ပျိုး ကြောင်း၊ စိုက်ပျိုးသောကျေးရွာများမှာရေလည်သောင်၊မြောက်ကျွန်း၊သောင်ပြင်၊ကုလရွာ၊သိရှိရသည်။ ယခုနှစ် ၂၀၂၅-၂၀၂၆ ခုနှစ်တွင် ဆောင်းထောပတ်ပဲကို လျာထားဧက (၂၅၅၀) ဧက၊ အောက်တိုဘာလကုန်ထိ စိုက်ပျိုးပြီးစီးမှုမှာ (၉၁၂)ဧကဖြစ်ကြောင်း သိရသည်။ ငါန်းဇွန်မြို့ စည်ပင်သာယာဈေးအတွင်းရှိ ပဲလက်လီရောင်းချသူများသို့ ရောင်းချခြင်းရှိပြီး အချို့မှာ မန္တလေးမြို့ သို့တင်ပို့ရောင်းချကြောင်း၊ ယခင်နှစ် ထောပတ်ပဲ တစ်တင်းလျှင် (၁၀၀၀၀၀/ ၁၀၅၀၀၀)) ကျပ် ဖြင့် ရောင်းချရကြောင်း ဒေသခံပဲစိုက်တောင်သူတစ်ဦးထံမှ သိရှိရသည်။
DOCA(မန္တလေး)