မြင်းခွာရွက်သည် ကလေး၊လူကြီမရွေးစားသုံးသင့်ပါသည် ။ မြင်းခွာရွက်သည် သွေးထဲမှ သကြားဓာတ်ကိုထိန်းပေးခြင်း ၊ စိတ်ဖိစီးမှုကိုတိုက်ဖျက်ပေးနိုင်ခြင်း ၊ မှတ်ဉာဏ်တိုးတက်စေခြင်း ၊ အာရုံကြောဆိုင်ရာရောဂါများကို ကာကွယ်ပေးနိုင်ခြင်း စသည့် ရောဂါများကို ကုသပေးနိုင်ကြောင်း ဆေးကျမ်းစာအုပ်များမှသိရှိရပါသည်။ မြင်းခွာရွက်သည် နွယ်ပင်အမျိုးအစားဖြစ်ပြီးလယ်မြေအမျိုးအစားများတွင်ပေါက်တက်သည်။ မြင်းခွာရွက်ကိုအသုပ်သုပ်၍သော်လည်းကောင်း၊အကြော်ကြော်၍သော်လည်းကောင်း၊ဟင်းချိုချက်၍ သော်လည်းကောင်းအမျိုးမျိုးပြုလုပ်၍စားသုံးကြပါသည်။ကျောက်ဆည်မြို့၊အေးမြကြည်လင်ဈေးနှင့် မြို့မဈေးတို့တွင်ရောင်းချနေသောမြင်းခွာရွက်ဈေးနှုန်းများမှာ(၅)ကျပ်သားလျှင်(၅၀၀/-)ကျပ်၊ (၁၀)ကျပ်သားလျှင်(၁၀၀၀/-)ကျပ်နှုန်းဖြင့် ရောင်းချလျှက်ရှိ ကြောင်းကုန်စိမ်းရောင်းချသည့်ဈေးသည်များထံမှသိရှိရပါသည်။
DOCA (မန္တလေး)