ဘူးပင်ကို မြန်မာနိုင်ငံအနှံ့အပြားတွင် စိုက်ပျိုးလေ့ရှိကြပြီး အောက်မြန်ပြည်တွင်မူ ဆောင်းတွင်း ပိုင်း အောက်တိုဘာလတွင် အများအပြားစိုက်ပျိုးကြပါသည်။ စိုက်ပျိုးနည်းမှာ မြေဆွေးမြေဩဇာများ သမအောင် မွှေထားသောမြေကို စိုက်ဘောင်များပြုလုပ်၍ စိုက်ပျိုးကြပါသည်။ ဘူးပင်သည် မြေဩဇာ ထက်သံသောမြေတွင် ပိုမိုစိုက်ပျိုးဖြစ်ထွန်းပါသည်။ ပူနွေးသောရာသီဉတုကို ကြိုက်နှစ်သက်ပြီး အအေး ဒဏ်ကို အသင့်အတင့်ခံနိုင်ရည် ရှိပါသည်။ သို့သော်ဆီးနှင်း ဒဏ်ကိုခံနိုင်ရည်မရှိပါ။ ဘူးပင်ကို တွင်းများဖြင့်လည်းစိုက်ပျိုးကြသည်။ တစ်တွင်းလျှင် အစေ့ ၂ စေ့မှ ၃ စေ့အထိစိုက်ပျိုးနိုင်၍ တစ်တွင်းနှင့် တစ်တွင်း ငါးတောင်ပတ်လည်ထား၍ စိုက်ပျိုးကြကြောင်း သိရှိရပါသည်။ စိုက်ပျိုးပြီး (၁၀) ရက်ခန့် အကြာတွင် ပျိုးပင်ပေါက်လာပြီး အပင်အရွက် (၃) ရွက် ၊ (၄) ရွက်ထွက်လာပါသည်။ စိုက်ခင်းအတွက်မှု (၃) ရက်ခြားတစ်ကြိမ် ရေသွင်းပေးရန်လိုပါသည်။ဘူးပင်ကလေးများ တစ်လသားခန့်ရှိလျှင် ပေါင်းမြတ် များကိုရှင်းလင်းပေးရန် လိုအပ်ပါသည်။ ဘူးပင်များမှာ အသီးခူးဆွတ်ရုံသာမက ဘူးညွန့်များ လည်းရရှိ ပါသည်။
ဘူးသီးကို စိုက်ပြီးနောက် (၇၅) ရက်နေ့မှ (၉၀) ရက်အကြာတွင် စတင်ခူးဆွတ်နိုင်သည်။ ရင့်လွန်ပါက ချက်ပြုတ်စားသောက်ရန် အကောင်းသကဲ့သို့ နုပါကလည်းအခါးဓာတ်ရှိသည်။ သို့အတွက် ဘူးသီးကို မနုမရင့် အနေတော်ခူးဆွတ်ရပါသည်။ တစ်ဧကလျှင် ဘူးသီးလုံးရေ (၆၀၀၀)မှ (၈၀၀၀) အထိထွက်နှုန်းရှိပါသည်။ ဘူးသီးတစ်လုံးကို ဈေးကောင်းရချိန်တွင် (၂၀၀၀) ကျပ်မှ (၃၀၀၀) ကျပ်အထိ ရောင်းချရပါသည်။ ဘူးသီးကို တစ်နိုင်တစ်ပိုင် သာမက စီးပွားဖြစ်လည်း စိုက်ပျိုးကြကြောင်း သိရှိရပါသည်။
DOCA(ပဲခူး)