မြင်းခြံမြို့နယ်အတွင်း ရောင်းချနေသော အုန်းသီးစိမ်းများကို ရန်ကုန်မြို့နှင့် တောင်ငူမြို့ တို့မှ မှာယူ၍ ဒေသတွင်း ဖြန့်ဖြူးရောင်းချကြောင်း သိရှိရသည်။ ၂၀၂၅ခုနှစ် အောက်တိုဘာလ နောက်ဆုံးပတ်တွင် မြို့မစည်ပင်သာယာဈေးနှင့် အေးမြသီတာဈေးများတွင် ရောင်းချနေသော အုန်းသီးစိမ်း တစ်လုံးလျှင် ၃၅၀၀ ကျပ်မှ ၄၀၀၀ ကျပ်ခန့်ပေါက်ဈေးများရှိကြောင်း၊ အုန်းစိမ်းရည်သည် ကျန်းမာရေးအရ အားပြည့်သောကြောင့် လူအများနှစ်သက်စွာ သောက်သုံးကြကြောင်း၊ အရည်ကိုသောက်ပြီးပါက အတွင်းသားကို ဇွန်းဖြင့်ခြစ်၍လည်း စားသုံး၍ရကြောင်း၊ ဒေသတွင်း သောက် သုံးမှုများ၍ တွင်ကျယ်စွာ ရောင်းချရကြောင်း၊ အုန်းသီးရောင်းချသူ တစ်ဦး၏ ပြောပြချက်အရ သိရှိရသည်။ ဗီတာမင်စီပါဝင်၍ အရွယ်တင်နုပျိုစေပြီး ကင်ဆာဆဲလ်များကို တိုက်ဖျက် နိုင်ကြောင်း၊ ကယ်လိုရီနည်း၍ အမျှင်ဓာတ်ပါဝင်ပြီး အစာကြေလွယ်ကာ ဇီဝကမ္မလုပ်ငန်းများကို မြန်ဆန်စေသည်။ အရက်သောက်ပြီးနောက် ခန္ဓာကိုယ်မှ ရေဓာတ်ဆုံးရှုံးမှုကို အုန်းစိမ်းရည်သောက်သုံးခြင်းဖြင့် ကိုယ်ခံအား မြှင့်တင်ပေးသည်။ မြင်းခြံမြို့နယ်အတွင်း ရောင်းချနေသော အုန်းသီးစိမ်းများကို ရန်ကုန်မြို့နှင့် တောင်ငူမြို့တို့မှ ဝင်ရောက်၍ ဒေသတွင်း ဖြန့်ဖြူးရောင်းချကြောင်း အုန်းသီးရောင်းဝယ်သူတစ်ဦး၏ ပြောပြချက်အရ သိရှိရပါသည်။
DOCA(မန္တလေး)