မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မဈေးအတွင်း၌ မယ်ဇလီဖူးများကို မြို့ပေါ် ရပ်ကွက်၊ အိမ်၊ ခြံဝင်းအတွင်းနှင့် လမ်းဘေးဝဲယာများမှ ခူးဆွတ်ရောင်းချကြောင်း သိရှိရပါသည်။ မယ်ဇလီဖူးမှာ အာဟာရဓါတ်များစွာ ပါဝင်ပြီး ကျန်းမာရေးကို အကျိုးပြုကြောင်း၊ မဲဇလီဖူးသုပ်ကို စားသုံးခြင်းဖြင့် ၉၆ ပါး ရောဂါကင်းပြီး၊ သက်ရှည်ကျန်းမာမယ်လို့ ယုံကြည်ကြကြောင်း သိရှိရ ပါသည်။
၂၀၂၅ ခုနှစ်၊ နိုဝင်ဘာလ(ဒုတိယပတ်)တွင် ရောင်းချနေသော မယ်ဇလီဖူး ဈေးနှုန်းများမှာ နို့ဆီ (၁) ဗူးလျှင် ကျပ်(၇၀၀)ရှိကြောင်း၊ (၁)ရက်တွင် (၅)ပြည်ခန့် ရောင်းချရ၍ ခူးဆွတ်ရောင်းချသူများ တွက်ချေကိုက်နေကြောင်း၊ တန်ဆောင်မုန်းလ၏ ရာသီစာဖြစ်ခြင်းနှင့် ဆေးဖက်ဝင်သောကြောင့် ရောင်းကောင်းကြောင်း မယ်ဇလီဖူး ရောင်းချသူထံမှ သိရှိရပါသည်။
DOCA(မကွေး)