ဖောင်းပြင်မြို့နယ်၊ ပင်သာကျေးရွာအုပ်စုတွင် တောင်းဖျာရက်လုပ်ငန်းများ လုပ်ကိုင် ဆောင်ရွက်လျက်ရှိသည့် တောင်းဖျာရက်လုပ်ငန်းအစုအဖွဲ့မှ အဖွဲ့ဝင် ဒေါ်တင်တင်နုထံသို့ သွားရောက်ဆက်သွယ်၍ လုပ်ငန်းများ ဆောင်ရွက်နေမှုကို လေ့လာခဲ့ပါသည်။
တောင်းဖျာရက်လုပ်ငန်းလုပ်ကိုင်သူများ ဖွံ့ဖြိုးတိုးတက်စေရန်ရည်ရွယ်၍ တောင်းဖျာရက် လုပ်ငန်းအစုအဖွဲ့များကို စားသုံးသူရေးရာဦးစီးဌာန ဖွဲ့စည်းပေးထားပါကြောင်းနှင့် မိမိတို့အနေဖြင့် တောင်းဖျာရက်လုပ်ငန်းကို မိသားစုတစ်ပိုင်တစ်နိုင်သာ လုပ်ကိုင်ဆောင်ရွက်လျက်ရှိပြီး ယခုအခါတွင် ဖျာကြမ်း၊ နှီးကြောဖျာများကို ရက်လုပ်လျက် ရှိပါသည်။ ဖျာကြမ်းတစ်ချပ်လျှင် ( ၅၀၀၀ ) ကျပ်၊ နှီးကြောဖျာတစ်ချပ်လျှင် ( ၁၀၀၀၀ ) ကျပ်၊ ယပ်တောင်တစ်ချောင်းလျှင် ( ၅၀၀ ) ကျပ် စသည့်ဈေးနှုန်းများဖြင့် ရက်လုပ်ရောင်းချလျက်ရှိပါကြောင်း လေ့လာသိရှိခဲ့ရပါသည်။
DOCA(စစ်ကိုင်း)