မြင်းခြံမြို့နယ်သည် ဆည်ရေသောက်အသင့်အတင့်ရှိပြီး သစ်သီးဝလံမျိုးစုံ စိုက်ပျိုးလျက်ရှိရာဖရဲသီး သီးနှံကိုလည်းစိုက်ပျိုးထားကြောင်း၊ ၎င်းကို ရွာသာရွာ၊ ဖရင်းရွာ၊ သစ်ရုံရွာနှင့် ပတ္တာကျေးရွာတို့တွင် စိုက်ပျိုးထားကြောင်း၊ အပူပိုင်းဒေသ မိုးနည်းရပ်ဝန်းဖြစ်သာ ဖရဲ(မိုး)ကို မေလမှစ၍ ဖေဖော်ဝါရီလအထိ စိုက်ပျိုးကြောင်း၊ ပူလွန်းသောအချိန်တွင်စိုက်ပျိုးပါက အချိုဓာတ်လျော့နည်းကြောင်း၊ ၂၀၂၅/၂၀၂၆ခုနှစ်၊ ဖရဲပင်(မိုး)သီးနှံကို စီမံကိန်းလျာထားချက်( ၉၁၂)ဧက ရှိသည့်အနက် စိုက်ပျိုးဧက(၁၀၄၀) စိုက်ပျိုးထားကြောင်း၊ လျာထားဧကထက် (၁၂၈)ဧကကျော် ပိုမိုစိုက်ပျိုးထားကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရသိရှိရသည်။ ဖရဲပင်သည် သဲနှုန်းမြေအမျိုးအစားတွင် စိုက်ပျိုးဖြစ်ထွန်းကြောင်း၊ ပျိုးထောင်၍စိုက်ပျိုးပြီး ပျိုးပင်ပေါက်များကို (၁၀-၁၅)ရက်အတွင်း စိုက်ခင်းသို့ ရွှေ့ပြောင်းစိုက်ပျိုးကြောင်း၊ ယခင်နှစ် အထွက်နှုန်းအနေဖြင့် တစ်ဧကလျှင် (၁၇၈၉) လုံးထွက်ရှိကြောင်း၊ ရာသီဥတုကောင်းမွန်ပြီး စိုက်နည်းစနစ်၊ သွင်းအားစုနှင့် အပင်ပြုစုမှုများ ကောင်းပါက ယခင်နှစ်ထက် အထွက်နှုန်းကောင်းနိုင်ကြောင်း ဖရင်းကျေးရွာမှ ဖရဲစိုက်တောင်သူတစ်ဦး၏ ပြောပြချက်အရ သိရှိရပါသည်။
DOCA(မန္တလေး)