ပဲခူးတိုင်းဒေသကြီး၊ တောင်ငူမြို့နယ်အတွင်းရှိ ညောင်ပင်လေးဈေးသို့ တောင်ငူမြို့နှင့် အနီးတစ်ဝိုက်ရှိ ကျေးရွာများနှင့် တောင်ပေါ်ဒေသမှထွက်ရှိသော အသီးအနှံများ၊ ဟင်းသီးဟင်းရွက် များလာရောက်ရောင်းချလျက်ရှိရာ ကိုင်းခရမ်းချဉ်သီးလေးများကိုလည်း ရောင်းချလျက်ရှိပါသည်။ ဒေသခံတောင်သူများက ကိုင်းခရမ်းချဉ်သီးလေးများကို ယာခင်းများထဲတွင် စိုက်ပျိုးလေ့ရှိပြီး တောင်ပေါ်ဒေသမှထွက်ရှိသော ဆင်ခရမ်းချဉ်သီးလေးများ ဈေးကွက်အတွင်းရောင်းချရာတွင် အလုံးအရွယ်အစားပေါ်မူတည်ပြီးရောင်းချသဖြင့် အလုံးအကြီး ၁ လုံးလျှင် ၂၀၀ ကျပ်၊ အသေး ၁ လုံးလျှင် ၁၅၀ ကျပ်အသီးသီးရှိပြီး အလုံး ၃၀နှင့်အလုံး ၅၀ အထက်ဝယ်ယူပါက ဈေးနှုန်းအပြောင်းအလဲရှိကြောင်း ပေါ်ဦးပေါ်စအချိန်ဖြစ်သောကြောင့် ဈေးနှုန်းအနည်းငယ်မြင့်တက်သော်လည်း နောက်လများတွင် ဈေးနှုန်းကျဆင်းနိုင်ကြောင်း ရောင်းချသည့်ဈေးသည်များထံမှ သတင်းရရှိပါသည်။
DOCA(ပဲခူး)