တနင်္သာရီတိုင်း၊ မြိတ်မြို့တွင် သဘာဝပေါက်ပင်များရှိသလို စီးပွားဖြစ်စိုက်ပျိုးကြသော ဒေသပေါက်ပင်များ လည်းရှိပါသည်။ ဒေသန္တရအပင်များထဲမှ အုန်းပင်သည် စီးပွားရေးလုပ်ငန်း များထဲမှ တစ်ခုအပါအဝင်ဖြစ်ပြီး ၎င်းတို့ကို အသုံးပြု၍ အသုံးအဆောင်ပစ္စည်းနှင့် စားစရာအပါအဝင် အုန်းသီးဂျယ်လီတို့ကိုပြုလုပ်ကြလေ့ရှိသည်။ ဒေသထွက်အုန်းသီးနုကို အုန်းသီးဂျယ်လီအဖြစ် ထုတ်လုပ်ရောင်းချကြလေ့ရှိပြီး ယခုအခါ အုန်းသီးစျေးနှုန်းမြှင့်တက်လာခြင်းနှင့် ပါဝင်ပစ္စည်းများ စျေးမြှင့်လာခြင်းတို့ကြောင့် အုန်သီးဂျယ်လီပြုလုပ်သူများလုပ်ငန်းရပ်ဆိုင်းထားကြကြောင်း သိရှိရ သည်။ ယခင်က အုန်းသီးဂျယ်လီ တစ်ဘူးလျှင် ၈၀၀- ၁၀၀၀ကျပ်ခန့်ရောင်းချလျက်ရှိရာမှ ယခုအခါ အုန်းသီးဂျယ်လီ တစ်ဘူး ၂၀၀၀ ကျပ်ခန့်အထိရောင်းချလျက်ရှိရာ စျေးနှုန်းမြင့်တက်လာခြင်းကြောင့် ဝယ်ယူသူနည်းပါလာ ကြောင်းသိရှိရပါသည်။ အုန်းသီးဂျယ်လီကို ထားသိုရန်အတွက် ရေခဲအစဉ် မပြတ်လိုအပ်သည့်အပြင် တစ်ရက်၊ နှစ်ရက်ထက်အထားမခံခြင်းများကြောင့် အုန်းသီးဂျယ်လီ လုပ်ငန်းများ တစ်ချို့ရပ်နားထားကြောင်းသိရှိရပါသည်။
DOCA(တနင်္သာရီ)