ယာကွန်ဥ(ခေါ်)ရေကန်စွန်းဥသည် မိုးကုန်ဆောင်းကူးကာလ ရှမ်းပြည်ဒေသတွင် ပေါ်ဦးပေါ်ဖျား ရာသီစာ သီးနှံတစ်မျိုးဖြစ်သည်။ ယာကွန်ဥ၏အရသာမှာ ပန်းသီးကဲ့သို့ အရည်ရွှမ်းပြီး ချိုသောအရသာ ရှိသောကြောင့် ခလေး၊လူကြီးမရွေး ကြိုက်နှစ်သက်ကြသည်။ ယာကွန်ဥသည် ရေဓာတ်ခမ်းခြောက်မှုကို ကာကွယ်ပေးပြီး နှလုံးကျန်းမာရေးအတွက် အထူးသင့်တော်သော ရာသီစာသီးနှံတစ်မျိုးဖြစ်သည်။ ယခု နိုဝင်ယာလသည် ယာကွန်ဥ ပေါ်ပေါက်သောကာလဖြစ်၍ မိတ္ထီလာမြို့ရှိ သစ်သီးဆိုင်များတွင် ယာကွန်ဥ များစတင်ရောင်းချနေကြောင်းတွေ့ရှိရသည်။ ယာကွန်ဥများကို အလုံးကြီး (၁)ပိဿာလျှင် ၈၀၀၀ ကျပ်၊ (၅၀)ကျပ်သားလျှင် ၄၀၀၀ ကျပ် ၊ အလုံးအသေး (၁)ပိဿာလျှင် ၄၀၀၀ ကျပ်၊ (၅၀)ကျပ်သားလျှင် ၂၀၀၀ ကျပ် စသဖြင့်ရောင်းချနေပြီး ယခုသစ်သီးဆိုင်တွင် ရောင်းအားကောင်းသော အသီးဖြစ်ကြောင်း သစ်သီးရောင်းသူတစ်ဦးထံမှ သိရှိရပါသည်။ DOCA(မန္တလေး)