မန္တလေးမြို့တွင်းသို့ တောင်ကြီး၊ အောင်ပန်း၊ မြင်းခြံ၊ တောင်သာ၊ ကျောက်ဆည်နယ်များမှ ဝင်ရောက်လာပြီး ဈေးကွက်တွင်းသို့ ကြက်သွန်ဖြူကို ရှမ်းပြည်နယ်တောင်ပိုင်းမှ အများဆုံးဝင်ရောက်လာကာ ရှမ်းကြက်သွန်ဖြူများ အရောင်းသွက်လျက်ရှိပါသည်။ ကြက်သွန်ဖြူတွင် ယခင်က ဗမာကြက်သွန်ဖြူ၊ ရှမ်းကြက်သွန်ဖြူ၊ ဟူ၍ရှိပြီး ဗမာကြက်သွန်ဖြူမှာ ကျောက်ဆည်၊ မြင်းခြံ၊ တောင်သာနယ်မှလည်းကောင်း၊ ရှမ်းကြက်သွန်ဖြူမှာ တောင်ကြီး၊ အောင်ပန်းတို့မှလည်းကောင်း၊ ယခုနှစ်မှာတော့ ရှမ်းကြက်သွန်ဖြူများသာ ဈေးကွက်တွင် တွေ့ရပါသည်။ ကြက်သွန်ဖြူဈေးမှာ ယခုနှစ်တွင် ဈေးနှုန်းသိသာစွာမြင့်တက်မှုမရှိဘဲ သီးနှံသစ်ပေါ်စမှ လက်ရှိအချိန်အထိ ဈေးနှုန်း သိသာစွာမြင့်တက်မှုမရှိကြောင်း၊ ယခင်လအောက်တိုဘာလတွင် ကြက်သွန်ဖြူတစ်ပိဿာလျှင် ကြက်သွန်ဖြူဥ အကြီး/ အသေးပေါ်မူတည်၍(၄၀၀၀မှ ၈၀၀၀)ကျပ်ရှိပြီး ယခု နိုဝင်ဘာလတတိယ ပတ်၌ ကြက်သွန်ဖြူတစ်ပိဿာလျှင်(၄၀၀၀မှ ၈၀၀၀)ကျပ် ဈေးရှိကြောင်း ဈေးကွက်မှ သိရှိရပါသည်။
DOCA(မန္တလေး)