မန္တလေးတိုင်းသည် လယ်ယာထွက်ကုန်လုပ်ငန်းနှင့် ဥယျာဉ်ခြံမြေစိုက်ပျိုးခြင်းသာမက နို့စားနွားများကို မွေးမြူကြသူများပြားလာကြသည်။ နွားနို့များကို လက်ဖက်ရည်ဆိုင်များ၊ တစ်နိုင်တစ်ပိုင်အစိမ်းချက်သောက်သူများနှင့် ငှက်ပျောသီးပေါင်း၊ နွားနို့မလိုင်ဟင်းများ ရောင်းချ ရာတွင် အသုံးပြုကြသည်။ နွားနို့များကို နို့ချက်စက်ရုံသို့ လာရောက်ရောင်းချကြပြီး မွေးမြူထားသောနွားများမှ နွားနို့တို့ကို စုပေါင်း၍ နို့ဆီချက်လုပ်ကြပြီး မြို့ပေါ်နှင့် အနယ်နယ်အရပ်ရပ် အသီးသီးတို့တွင် နို့ဆီကိုရောင်းချကြသည်။ ယခင်အချိန်က နို့ဆီအရည်ပုံးများဖြင့် အသုံးပြုကြပြီး ယခုခေတ်တွင်မူ နို့ဆီခဲများကို ဂျပ်စက္ကူတို့ဖြင့် (၁၄)ပိဿာ တစ်ဖာလျှင်(၁၂၅၀၀၀)ကျပ်၊ နို့စိမ်း (၄၈)လုံးပါ တစ်ဖာလျှင်(၁၅၀၀၀၀)ကျပ်အရောင်းအဝယ်ရှိခဲ့ပြီး စက်တင်ဘာလမှစ၍ နို့ဆီ(၁၄) ပိဿာတစ်ဖာလျှင်(၁၅၀၀၀၀)ကျပ်၊ နို့စိမ်း(၄၈)လုံးပါတစ်ဖာလျှင်(၁၇၅၀၀၀)ကျပ်ရှိပြီး ယခင်လထက် ယခုလတွင် နို့ဆီဈေးနှင့် နို့စိမ်းဈေး ဈေးမြင့်တက်လျက်ရှိကြောင်း သိရှိရပါသည်။
DOCA(မန္တလေး)