မြင်းခြံမြို့နယ်အတွင်းရောင်းချနေသော ကွမ်းသီးများကို ပဲခူးတိုင်းဒေသကြီး တောင်ငူမြို့နှင့် မန္တလေးမြို့တို့မှ တင်သွင်းရောင်းချကြောင်းသိရှိရသည်။ ကွမ်းသီးပင်များသည် ရာသီဥတုသင့်တင့်မျှ တသော ဒေသများတွင်ဖြစ်ထွန်းပြီး ကွမ်းသီးပင်များသည် စိုက်ပျိုးပြီး (၈)နှစ်အကြာတွင် ကွမ်းသီး များစတင်ခူးဆွတ်နိုင်ကြောင်း၊ အပင်မြင့်မျိုးဖြစ်ပြီး လေဒဏ်မခံနိုင်သောကြောင့် လေပြင်းပါက အပင်လဲနိုင်သဖြင့် အပူချိန်မြင့်မားချိန်တွင် အပူဒဏ်ခံနိုင်ရန် လေကာပင်များနှင့် တောင်အရိပ် ရှိပါက ကွမ်းသီးပင်များဖြစ်ထွန်းနိုင်ကြောင်းသိရှိရသည်။ ၂၀၂၅ခုနှစ်၊ နိုဝင်ဘာလ၌ ကွမ်းသီးအစိပ် ထိပ်စတစ်ပိဿာလျှင် (၃၇၀၀၀) ကျပ်၊ ကွမ်းသီးစိပ်အလတ်စ တစ်ပိဿာလျှင် (၃၂၀၀၀)ကျပ်၊ ကွမ်းသီးလုံးတစ်ပိဿာလျှင် (၂၆၀၀၀) ကျပ်ခန့်ပေါက်ဈေးများဖြင့် ရောင်းချကြောင်း၊ ယခင်လနှင့် နှိုင်းယှဉ်ပါက ယခုလတွင် ကွမ်းသီးအစစုံ တစ်ပိဿာလျှင်(၂၀၀၀) ကျပ်ခန့်ဈေးနှုန်းမြင့် တက်ခဲ့ကြောင်း၊ ထိုသို့မြင့်တက်ခြင်းမှာ သယ်ယူစရိတ်မြင့်တက် ခြင်းကြောင့်ဖြစ်ပြီး အရည်အသွေး အမျိုးအစားပေါ်မှုတည်၍ ဈေးနှုန်းများကွာခြားကြောင်း၊ မြန်မာနိုင်ငံတွင်ကွမ်းယာစားသုံး မှုများသောကြောင့် ကွမ်းသီးရောင်းဝယ်ရေးသည် ဈေးကွက်တစ်ခုအဖြစ် ခိုင်ခိုင်မာမာရပ် တည်လျက်ရှိကြောင်း၊ အရောင်းအဝယ်လည်းကောင်းကြောင်း ကွမ်းရွက်နှင့် ကွမ်းသီးရောင်းချသူများထံမှသိရှိရသည်။
DOCA(မန္တလေး)