မန္တလေးတိုင်းဒသကြီး၊ ညောင်ဦးခရိုင်သည် လယ်ယာစိုက်ပျိုးရေးနှင့် မွေးမြူရေးလုပ်ငန်း များကို လုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာ ဘိုကိတ်(ခေါ်)ပဲလွန်းပြာသီးနှံကိုလည်း စီးပွားဖြစ်စိုက်ပျိုးလျက်ရှိကြောင်း သိရသည်။ ပဲလွန်းပြာသီးနှံကို ညောင်ဦးမြို့နယ်တွင် ၂၀၂၅-၂၀၂၆ ခုနှစ် စိုက်ပျိုးရာသီး၌(၁၆၄)ဧက စိုက်ပျိုးပြီးဖြစ်ကြောင်း သက်ဆိုင်ရာဌာန၏ စာရင်းများအရသိရသည်။
ပဲလွန်းပြာသီးနှံကို အောက်တိုဘာလတွင် စတင်စိုက်ပျိုးပြီး ဒီဇင်ဘာလတွင် ရိတ်သိမ်းရ ကြောင်း၊ စိုက်ပျိုးသောမျိုးမှာ ဒေသမျိုးကိုသာ စိုက်ပျိုးကြကြောင်း၊ စိုက်ပျိုးရာတွင် ထွန်ကြောင်းဆွဲ အစေ့ချစနစ်ဖြင့်(၂)ပေခြား စိုက်ပျိုးပြီး တစ်ဧကကုန်ကျမှုအနေဖြင့် မျိုး၊ သွင်းအားစု၊ လုပ်သားခ အပါအဝင် ငွေကျပ်(၃၀၀၀၀၀)ကျပ်ခန့် ကုန်ကျကြောင်း၊ ယခင်နှစ်တစ်ဧကအထွက်နှုန်းအနေဖြင့် (၁၄/၁၅)တင်း ခန့်ထွက်ရှိကြောင်း၊ ဈေးနှုန်းအနေဖြင့်ပေါ်စအချိန်တွင်တစ်တင်းလျှင်(၈၀၀၀၀)ကျပ်ခန့်ဖြင့်အရောင်းအဝယ်ဖြစ်ခဲ့ရာတစ်ဧကအကျိုးအမြတ်အနေဖြင့် (၈၀၀၀၀၀) ကျပ်ခန့် ရရှိခဲ့ကြောင်းနှင့် ထွက်ရှိလာသောသီးနှံများကို မြို့ပေါ်ရှိပွဲရုံများမှတဆင့် ဒေသတွင်းနှင့်မန္တလေး၊ ရန်ကုန်ဒေသများသို့ တင်ပို့ရောင်းချကြောင်း၊ ယခုနှစ် ပဲလွန်းပြာစိုက်ခင်းများ အောင်မြင်ဖြစ် ထွန်းလျက်ရှိကြောင်း သိရသည်။
DOCA(မန္တလေး)