“ကန်စွန်းဥဈေးနှုန်းဈေးကွက်”

           လူတို့သည်ကျန်းမာရေးနှင့်ညီညွတ်မျှတပြီး အဟာရဓာတ်များပါဝင်သော သီးနှံများကိုလည်း ရွေးချယ်စားသုံးလျက်ရှိကြောင်း ၊ ၄င်းသီးနှံများမှ ကျန်းမာရေးနှင့်ညီမျှပြီး အဟာရလည်းဖြစ်သော ကန်စွန်းဥများကို လူများကြိုက်နှစ်သက်စွာ စားသုံးလျက်ရှိပါသည် ။ ကျောက်ဆည်မြို့ရှိ ဈေးကွက်အတွင်းသို့ ကန်စွန်းဥများ လှိုင်လှိုင်ဝင်ရောက်လျက်ရှိပြီး ဝင်ရောက်သော ကန်စွန်းဥမျိုး များမှာ ရွှေဝါ နှင့် ငချိပ် မျိုးများဖြစ်ကြောင်း၊ ကန်စွန်းဥကို ပြုတ်စား၍သော်လည်းကောင်း၊ မီးဖုတ်စား၍သော်လည်းကောင်း၊ ပေါင်းစား၍သော်လည်းကောင်း၊ ယိုထိုးစား၍သော်လည်းကောင်း၊ မုန့်မျိုးစုံ ပြုလုပ်ရာမှာလည်း ပါဝင်ပစ္စည်းအဖြစ်လည်း အသုံးပြုကြကြောင်း ၊ ကန်စွန်းဥ စားသုံး ခြင်းဖြင့် အမြင်အာရုံကောင်းမွန်စေခြင်း ၊ သွေးဖိအားကို ထိန်းညှိပေးခြင်း ၊ အစာခြေဖျက်ရန် ကောင်းမွန်စေခြင်း၊ ကိုယ်အလေးချိန်ကို ထိန်းသိမ်းပေးခြင်း ၊ ဗီတာမင်အေ ချို့တဲ့မှုကို ကာကွယ် ပေးခြင်း ၊ မှတ်ဉာဏ်ကောင်းမွန်စေခြင်းစသည့် အကျိုးကျေးဇူးများစွာရရှိပါသည် ။ ကန်စွန်းဥသည် လူကြီးလူငယ်မရွေးကြိုက်နှစ်သက်သောအဆာပြေအစားအစာတစ်ခုဖြစ်ကြောင်း၊ကန်စွန်းဥဈေးနှုန်းအနေဖြင့်ကန်စွန်းဥရွှေဝါ(၁)ပိဿာလျှင် (၁၅၀၀-၂၀၀၀ )ကျပ် ၊ ကန်စွန်းဥ ငချိပ် (၁)ပိဿာလျှင်(၂၀၀၀-၂၅၀၀) ကျပ်ဈေးနှုန်းများဖြင့် စျေးကွက်အတွင်းရောင်းဝယ်လျှက်ရှိကြောင်း သိရှိရပါသည်။

DOCA(မန္တလေး)