ကန်စွန်းရိုးနီများသည် အလေ့ကျပေါက်သောအပင်အဖြစ်ရေရရှိသော ချောင်းမြောင်းများ၊ လယ်ကွင်းများနှင့် လယ်ကန်သင်းဘောင်များပေါ်တွင် ပေါက်လေ့ရှိပါသည်။ လူတန်းစားမရွေးကြိုက် နှစ်သက်ကြပြီး ချွေတာရေးဟင်းတစ်ခွက်အဖြစ်လည်း အသုံးပြုနိုင်သည်။ သဘာဝအလျောက် ပေါက်သောအပင်များရှိသလို၊ မိုးရာသီတွင် သီးသန့်စိုက်ပျိုးမှုများကိုလည်း တွေ့နိုင်သည်။
ကန်စွန်းရိုးနီတွင် ကျန်းမာရေးအတွက် အထောက်အကူပေးသော ကောင်းကျိုးများကိုလည်း တွေ့ရသည်။ သွေးလည်ပတ်မှုအားကောင်းစေပြီး သွေးအားနည်းရောဂါကို ကာကွယ်ကာ အဆိပ်အတောက်များကိုလည်း ပြေစေပါသည်။ ပုသိမ်မြို့၊ မြို့မဈေးအတွင်း ကန်စွန်းရိုးနီ တစ်စည်းလျှင် (၂၀၀) ကျပ်ဖြစ်ပြီး၊ (၃) စည်းလျှင် (၅၀၀) ကျပ် ဖြင့် ရောင်းချလျက်ရှိကြောင်း သိရှိရပါသည်။
(DOCA) ဧရာဝတီ