မြန်မာနိုင်ငံတွင် မုန်လာဥဖြူကို ရှမ်းပြည်နယ်၊ ပြင်ဦးလွင်နှင့်မန္တလေးတိုင်းတို့တွင် အဓိကစိုက်ပျိုးပြီး ယခုကာလဆောင်းရာသီတွင်ပေါများစွာတွေ့ရှိရပါသည်။ ပဲခူးတိုင်းဒေသကြီး၊ တောင်ငူခရိုင်အတွင်းရှိဈေးများတွင် တွေ့မြင်နေရသော မုန်လာဥဖြူအများစုသည် ရှမ်းပြည်နယ် ဘက်မှ အများအပြားဝင်ရောက်လာကြပြီး မုန်လာဥဖြူများပေါ်ဦးပေါ်စအချိန်ဖြစ်သောကြောင့် ဈေးဝယ်သူများဖြင့် အရောင်းအဝယ်သွက်လျက်ရှိနေပါသည်။
တောင်ငူမြို့နယ်ရှိ ညောင်ပင်လေးဈေးနှင့်ဘုရင့်နောင်ဈေးများတွင် ရောင်းချနေသော မုန်လာဥဖြူများသည် မြင်ရတာနဲ့လတ်ဆတ်ပြီးစားချင်သဖွယ်ဖြစ်နေကာ ဟင်းသီးဟင်းရွက် သီးနှံများရောင်းချသော ဈေးသည်တိုင်းလိုလိုတွင် မုန်လာဥဖြူများကိုတွေ့မြင်ရလျက်ရှိနေပါသည်။ မုန်လာဥဖြူအသေးအကြီးအလိုက် ဈေးနှုန်းကွာခြားလျက်ရှိပြီး မုန်လာဥဖြူ ၃ စည်းလျှင် ၂၀၀၀ ကျပ်၊ ၂ စည်းလျှင် ၁၅၀၀ ကျပ်ဖြင့် ရောင်းချ လျက်ရှိကြောင်းသိရသည်။
DOCA(ပဲခူး)