ပြည်ဈေးကွက်သို့ ရှမ်းပြည်နယ်(တောင်ပိုင်း) အောင်ပန်းမှ ကြက်သွန်ဖြူ(ရှမ်းစ) တစ်ပတ်လျှင် ပိဿာ ၃၀ ဝင်ဆံ့သော အိတ် ၅၀-၁၀၀ အတွင်း အဝင်ရှိပြီး အရောင်းသွက်လျင် အမှာရှိသလောက် အဝင်ရှိကြောင်းနှင့် ကြူကုတ်မှာ ၁၃-၁၄ ပိဿာဝင်ဆံ့ပြီး တစ်ပတ်လျှင် အိတ် ၂၀၀ - ၃၀၀ခန့် မန္တလေးဘက်မှ အဝင်ရှိကြောင်း သိရှိရသည်။ အောက်တိုဘာလထဲတွင် ကထိန်အလှူများရှိနေ သည့်အတွက် ပြည်မြို့နယ်အတွင်း ယခင်ထက် အရောင်းသွက်လျက်ရှိခဲ့ကာ အခြားမြို့များမှလည်း ပုံမှန်ထက်ပို၍ အမှာများရှိခဲ့ကြောင်း သိရှိရပါသည်။ ပြည်ဈေးကွက်အတွင်း ကြက်သွန်ဖြူ(ကြူကုတ်) လက်ကား(ပွဲရုံဈေး) တစ်ပိဿာလျှင် ကျပ် ၄၀၀၀ - ၄၂၀၀ ၊ လက်လီဈေး ကျပ် ၄၃၀၀ - ၄၅၀၀၊ ရှမ်းစ လက်ကား (ပွဲရုံဈေး) တစ်ပိဿာလျှင် ကျပ် ၃၂၀၀ - ၃၅၀၀ - ၃၈၀၀ - ၄၂၀၀၊ လက်လီဈေး ကျပ် ၄၀၀၀ - ၄၅၀၀ ဖြင့် ပုံမှန်အရောင်းအဝယ်ဖြစ်နေရာမှ နိုဝင်ဘာပထမပတ်တွင် အရောင်းသွက်လျက်ရှိကြောင်း သိရှိရပါသည်။
DOCA(ပဲခူး)