( ၁၆.၁၁.၂၀၂၂ ) ရက်နေ့တွင် ကလေးခရိုင်ဦးစီးမှူးရုံး နယ်မြေအတွင်းရှိ မော်လိုက်မြို့နှင့် ဟုမ္မလင်းမြို့များတွင် ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
၂၀၂၂-၂၀၂၃ ဘဏ္ဍာနှစ်အတွင်း စစ်ကိုင်းတိုင်းဒေသကြီး၊ စားသုံးရေးရာကော်မတီမှ ဈေးကွက်စောင့်ကြည့် စစ်ရေးရာတွင် ဦးစားပေးအမယ် ( ၇ ) မျိုးကို သတ်မှတ်ခဲ့သည့်အတွက် လူအများစုသုံးစွဲနေသည့် အမယ်များကိုအဓိကထား၍ စစ်ဆေးကာ စားသုံးရန်သင့်/မသင့် အခြေအနေများနှင့် ကုန်ညွှန်းအမှတ်အသားများ ပြည့်စုံစွာဖော်ပြထားရှိမှု အခြေအနေများကို စားသုံးသူရေးရာဦးစီးဌာနအနေဖြင့် မိတ်ဖက်ဌာနများနှင့်ပူးပေါင်း၍ လစဉ်ဈေးကွက်စောင့်ကြည့် စစ်ဆေးခြင်းများကို ဆောင်ရွက်လျက်ရှိကြောင်း မေးမြန်းသိရှိရပါသည်။
သွားရောက်စစ်ဆေးရာတွင် ဈေးကွက်အတွင်းရောင်းချနေသည့် ကုန်စည်များတွင် ကုန်ညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိနှင့် စားသုံးရန်မသင့်သည့် အစားအသောက်များ ရောင်းချခြင်း ရှိ/မရှိကို အဓိကထား၍ စည်ပင်သာယာဈေးနှင့် ရပ်ကွက်များသို့ သွားရောက် စစ်ဆေးခဲ့ကြောင်း သိရှိရပါသည်။
DOCA(စစ်ကိုင်း)