“ဝင်းရွှေမြင့်မိုရ် မြေသြဇာအရောင်းဆိုင်အား စျေးကွက်စောင့်ကြည့်စစ်ဆေး”

        စားသုံးသူရေးရာဦးစီးဌာန ၊ ကျောက်ဆည်ခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်သော အဖွဲ့သည်(၁၈.၁၁.၂၀၂၂)ရက်နေ့တွင် မြစ်သားမြို့နယ် ၊ လမ်းမတော် ဘူတာရပ်နေ ဒေါ်ချိုဝေသင်း ပိုင်ဆိုင်သော ဝင်းရွှေမြင့်မိုရ် မြေသြဇာအရောင်းဆိုင်၌ မြန်မာဘာသာ ဖော်ပြထားခြင်းမရှိသော မြင်းပျံအမှတ်တံဆိပ်ပါ မြေသြဇာများအား  လက်လီ ၊ လက်ကား ဖြန့်ဖြူးရောင်းချနေခြင်း  ရှိ / မရှိသွားရောက်၍ စျေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်ခဲ့ပါသည်။ ထိုသို့စစ်ဆေးရာတွင် ဆိုင်ရှင်မှ မိမိတို့၏မြေသြဇာဆိုင်၌ သြဘာ၊ အာမို၊ MC ၊ CP ၊ ရာယာ၊ကောင်းသုခ၊မြန်မာစံပြ၊ ဝိစာရ၊စုစံ၊စိုးမိုးပိုင်၊ရွှေပျား၊ဧရာမြေ၊ဖြိုးမောက်၊ရွှေနဂါး၊GBS နှင့် ရွှေခြင်္သေ့ကုမ္ပဏီများမှ မြန်မာစာ အညွှန်းပါဝင်သော မြေသြဇာအိတ် အမျိုးပေါင်း(၅၀)ခန့်အား ရောင်းချကြောင်း၊ မြန်မာဘာသာ အညွှန်းမပါသည့်မြေသြဇာများအား ရောင်းချခြင်းမရှိပါကြောင်း ပြောကြားခဲ့ပါသည် ။ ခရိုင်ဦးစီးမှူး ဦးဆောင်သော စစ်ဆေးရေးအရာရှိများက ဝင်းရွှေမြင့်မိုရ် မြေသြဇာအရောင်းဆိုင်၏ မြေသြဇာ ဂိုဒေါင်အားသွားရောက်စစ်ဆေးရာတွင် ဂိုဒေါင်အတွင်း၌ မြန်မာစာအညွှန်းပါဝင်သော မြေသြဇာ အိတ်များသာ ရောင်းချနေသည်ကို စစ်ဆေးတွေ့ရှိရပြီး ဆိုင်ရှင်အား စားသုံးသူကာကွယ်ရေးဥပဒေပါ ကုန်အညွှန်း အမှတ်သားဖော်ပြခြင်းနှင့်စပ်လျဉ်း၍ ပုဒ်မ ၄၃ပါ ပြဌာန်းချက်များအား အသေးစိတ် ရှင်းလင်းပြောကြားခဲ့ကြောင်းသိရှိရပါသည်။

DOCA(မန္တလေး)