မအူပင်ခရိုင်၊ ဓနုဖြူမြို့နယ် ရှိရပ်ကွက်များနှင့် မြို့မစျေးကြီးအတွင်း ရောင်းချလျက်ရှိသော အချိုရည်နှင့် မုန့်အရောင်းဆိုင်များအား ကုန်ညွှန်းအမှတ်အသား ပြည့်စုံမှုရှိ/ မရှိ ကွင်းဆင်းစစ်ဆေးခြင်းကို ၂၀၂၆ခုနှစ် ဖေဖော်ဝါရီလ ၂၀ ရက်နေ့ နံနက် (၀၈း၀၀)နာရီအချိန်တွင် တာဝန်ရှိသူများက ကွင်းဆင်းစစ်ဆေးခဲ့ကြသည်။
ထိုသို့ကွင်းဆင်းစစ်ဆေးရာတွင် ဓနုဖြူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာနမှ ဦးခိုင်လွမ်းမိုး၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိနှင့် စည်ပင်သာယာရေးအဖွဲ့မှ တာဝန်ရှိသူများက မြို့မစျေးကြီးနှင့် ရပ်ကွက်စျေးဆိုင်များ၌ တံဆိပ်အမျိုးမျိုးကပ်၍ အသင့်သောက် အချိုရည်အမျိုးမျိုးအား ကုန်အညွှန်အမှတ်အသား သတင်းအချက်အလက်ဖော်ပြထားခြင်း ရှိ/မရှိ၊ အချိုရည်ဘူးများတွင် ကလေးများ ထိခိုက်နစ်နာမှုမရှိစေရေးအတွက် ထုတ်လုပ်ကုန်တံဆိပ်နှင့် ပါဝါသကြား၊ အနံတုများနှင့် ခွင့်မပြုသော ဆိုးဆေးများ ထည့်သွင်းထားခြင်းရှိ/ မရှိ၊ စားသုံးသူပြည်သူများ ဘေးအန္တရာယ် ကင်းရှင်းစွာဖြင့် ပစ္စည်းများဝယ်ယူစားသုံးနိုင်ရေးအတွက် ကုန်စုံဆိုင်များ၊ မုန့်ဆိုင်များအား လစဥ်ပုံမှန်စစ်ဆေး သွားမည်ဖြစ်ကြောင်းကို ကွင်းဆင်းစစ်ဆေးကာ စျေးဆိုင်ပိုင်ရှင်များအား အသိပညာပေး ဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)