မန္တလေးတိုင်ဒေသကြီး၊ မိတ္ထီလာခရိုင်၊ မိတ္ထှီလာမြို့နယ်တွင် ၂၀၂၅-၂၀၂၆ ဘဏ္ဍာရေးနှစ် အတွင်း စပါးမျိုးစေ့ချကိရိယာ(Seeder )ဖြင့်နွေစပါး(ရေဆင်းပေါဆန်း-၂) စိုက်ပျိုးခြင်းသရုပ်ပြပွဲကို မတ်လ(၅)ရက်နေ့၊ နံနက်(၈)နာရီအချိန်က မြာကျေးရွာအုပ်စု၊ ရေဝေကျေးရွာရှိ ဦးပိုင်အမှတ်(၁၀)၊ အမှတ်(၁၀)၊ ကွင်းအမှတ် (၁၀၇၅) ရှိတောင်သူဦးအောင်မောင်၏ စိုက်ဧကနှစ်ဧကတွင် ကျင်းပခဲ့ကြောင်းသိရသည်။
နွေစပါး(ရေဆင်းပေါ်ဆန်း-၂) စိုက်ပျိုးခြင်းသရုပ်ပြပွဲတွင် မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး၊ ဦးသက်နိုင်အေးသည် မြို့နယ်အတွင်းဒေသခံတောင်သူများ စပါးမျိုးစေ့ချကရိယာ ကို တွင်ကျယ်စွာအသုံးပြုနိုင်ရေး၊ လက်မှုလယ်ယာစနစ်မှ စက်မှုလယ်ယာစနစ်သို့ အသွင်ကူးပြောင်း ဆောင်ရွက်နိုင်ရေး၊ လုပ်သားအင်အားရှားပါးမှုပြဿာနာဖြေရှင်းပေးနိုင်ရေး အချိန်တိုအတွင်းစိုက်ဧက များကို စိုက်ပျိုးနိုင်ခြင်းနှင့် စပါးအထွက်နှုန်းကောင်းမွန်စေခြင်း စသည့်ရည်ရွယ်ချက်များဖြင့် ဆောင်ရွက်ခြင်းဖြစ်ကြောင်း ရှင်းလင်းပြောကြားခဲ့ပါသည်။ ၎င်းနောက် စပါးမျိုးစေ့ချကိရိယာ (Seeder)ဖြင့် နွေစပါး(ရေဆင်းပေါ်ဆန်း-၂) ကိုစိုက်ပျိုးရာ မြို့နယ်စိုက်ပျိုးရေး ညှိနှိုင်းမှုအဖွဲ့ဥက္ကဌ၊ မြို့နယ်အုပ်ချုပ်ရေးမှူး၊ ဦးဇော်အောင်လေးနှင့် အဖွဲ့ဝင်များ၊ ဌာနဆိုင်ရာတာဝန်ရှိသူများ ဒေသခံတောင်သူများက ကြည့်ရှု့အားပေးခဲ့ကြောင်းသိရသည်။မိတ္ထီလာမြို့နယ်တွင် ၂၀၂၅-၂၀၂၆ ဘဏ္ဍာရေးနှစ်၌ နွေစပါးစိုက်ပျိုးဧက (၁၀၉၀) ဧက စိုက်ပျိုးသွားမည်ဖြစ်ကြောင်းသိရသည်။
DOCA(မန္တလေး)