ဧရာ၀တီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်တွင် အစားအသောက်နှင့် ဆေးဝါးကွပ်ကဲရေးဦးစီးဌာနနှင့် မိတ်ဘက်ဌာနများပါဝင်သော ပူးပေါင်းအဖွဲ့သည် စျေးကွက်အတွင်း ရောင်းချလျက်ရှိသော အစားအသောက်ပစ္စည်းများအား (၁၈.၃.၂၀၂၆)ရက်နေ့၊ နံနက် (၁၀:၀၀) နာရီအချိန်တွင် ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ထိုသို့စစ်ဆေးကြရာတွင် မြို့မစျေးနှင့် မြို့နယ်အတွင်း ကုန်စုံဆိုင်များတွင်ရောင်းချလျက်ရှိသော စားသောက်ကုန်နှင့်မုန့်များအား FDA မှ ခွင့်ပြုထားသော မှတ်ပုံတင်ကုန်အမှတ်တံဆိပ် ရှိ/ မရှိ ကုန်အညွှန်းများနှင့်၊ ထုတ်လုပ်ရက်စွဲများ မှန်ကန်မှု ရှိ/ မရှိ၊ FDA ထောက်ခံချက်များ ရှိ/ မရှိတို့ကို ကြည့်ရှုစစ်ဆေးခဲ့ကြပြီး ယင်းသို့ ပြည့်စုံစွာဖော်ပြမထားသော ကုန်ပစ္စည်းများကို မရောင်းချကြရန်နှင့် FDA က သုံးစွဲရန်မသင့်ဟု သတင်းစာများတွင် ကြော်ငြာခံထားရသော အစားအသောက်များကို မရောင်းချကြရန် အသိပညာပေးသတိပေးခြင်းနှင့် တွေ့ရှိပါက ပြဋ္ဌာန်းထားသော ဥပဒေနှင့်အညီ အရေးယူဆောင်ရွက်မည်ဖြစ်ကြောင်းတို့ကို အသိပေးမှာကြားခဲ့ကြကြောင်း သိရသည်။ အဆိုပါကွင်းဆင်းစစ်ဆေးမှုကို မအူပင်ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာနမှ ဝန်ထမ်းများနှင့်အတူ ဒေးဒရဲမြို့နယ်အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စားသုံးသူရေးရာဦးစီးဌာန၊ စည်ပင်သာယာရေးအဖွဲ့ ဝန်ထမ်းများနှင့်ရဲတပ်ဖွဲ့ဝင်များက ပူးပေါင်းကူညီ ဆောင်ရွက်ပေးခဲ့ကြကြောင်း သိရှိရပါသည်။
DOCA(ဧရာဝတီ)