ယခုနှစ်အတွက် ဩဇာသီးရာသီချိန် စတင်နေပြီဖြစ်ပြီး ဈေးကွက်အတွင်းရောက်ရှိနေတဲ့ ဩဇာသီးတစ်လုံးရဲ့ ဈေးနှုန်းမက အမြင့်ဆုံး (၂၅၀၀) ကျပ်အထိ ပေါက်ဈေးရှိတယ်လို့ ရောင်းဝယ်နေသူတွေဆီမှ သိရပါသည်။ ပေါ်ဦးပေါ်ဖျားဈေးကောင်းရနေပေမယ့် လှိုင်လှိုင်ပေါ်လာ ချိန်မှာ ခူးဆွတ်ရသူတွေ အနေနဲ့ အလုံးအရွယ်အစားပေါ်မူတည်၍ ကျပ် (၈၀၀) နှင့် ကျပ် (၅၀၀) ဝန်းကျင်ခန့်သာ ဈေးရရှိနိုင် တယ်လို့ ဆိုပါသည်။ ဩဇာသီးကို မန္တလေးတိုင်းအတွင်းက ကျောက်ပန်းတောင်းမြို့နယ်၊ ပုပ္ပါးတောင် ဒေသ၊ မကွေးတိုင်းထဲက မကွေး၊ ပွင့်ဖြူ၊ မင်းဘူး၊ ပဲခူးတိုင်းအတွင်းက ပြည်နှင့် ပန်းတောင်းမြို့နယ်တို့မှာ အဓိကစိုက်ပျိုးကြပြီး ရန်ကုန်တိုင်းနှင့် နေပြည်တော်တို့မှာလည်း စိုက်ပျိုးကြကြောင်း သိရှိရပါသည်။
ဩဂုတ်လ ဒုတိယပတ်နှင့် တတိယပတ်ခန့်မှ ပေါက်ခေါင်းမြို့နယ်၊ ပြည်၊ ပန်းတောင်း၊ ဥသျှစ်ပင်၊ ဇီးကုန်း၊ ပေါင်းတည်မြို့နယ်များနှင့် ပုပ္ပါးတောင်ဒေသ၊ တောင်တွင်းကြီးမြို့တွေရှိ စိုက်ပျိုးရေးခြံတွေမှ စတင်ခူးဆွတ်နေတာဖြစ်ပြီး အဝယ်လိုက်နေပေမယ့် လိုအပ်သလောက် မထွက်ရှိသေးဘူးလို့ သိရှိရပါ သည်။ လက်ရှိတွင် ဩဇာသီး အလုံး (၅၀) ပါ တစ်ခြင်းကို ကျပ် (၅၀၀၀၀)၊ ကျပ် (၃၅၀၀၀) တို့နှင့် ရောင်းချနေသလို အရွယ်အစားအပေါ်မူတည်ပြီး (၁) လုံးလျှင် ကျပ် (၁၀၀၀)၊ ကျပ် (၂၀၀၀)၊ ကျပ် (၂၅၀၀) ဝန်းကျင်အထိလည်း ဈေးပေါက်နေသည်လို့ သိရှိရပါသည်
DOCA(ပဲခူး)