တနင်္သာရီတိုင်းဒေသကြီး မြိတ်မြို့၊ ထားဝယ်မြို့တွင် အုန်းပင်သည် အလွန်ပင်များပြားသော အပင်တစ်မျိုးဖြစ်သည်။ အုန်းပင်ကို မြန်မာနိုင်ငံအနှံ့အပြားနှင့် ပင်လယ်ကမ်းရိုးတန်း ဒေသများတွင် အများအပြား ပေါက်လေ့ရှိသည်။ ယခုပူပြင်းသောရာသီများတွင် မြိတ်မြို့တွင် အုန်းစိမ်းရည်များ အရောင်းသွက်လျက်ရှိပြီး အုန်းစိမ်းဝယ်ရောင်းလုပ်ငန်းရှင်များမှ ခြံအရောက်ကိုယ်တိုင် အပင်တက်ခူးသည့်စနစ်ဖြင့် သွားရောက်ခူးဆွက်ဝယ်ယူကြကြောင်း သိရှိရပါသည်။ အုန်းစိမ်းရည်ကို သဘာဝအတိုင်း သောက်သုံးခြင်းအပြင် အချို့မှာ အုန်းစိမ်းဂျယ်လီပြုလုပ်ခြင်း၊ အုန်းစိမ်းရေခဲမုန့်များ ပြုလုပ်ရောင်းချကြကြောင်း သိရှိရပါသည်။ တနင်္သာရီတိုင်း၊ မြိတ်မြို့နယ်အတွင်းရှိ အုန်းသီးနုရည်ကို ဈေးကြီးများနှင့် လမ်းဘေးဈေးသည်များတွင် အလွန်ပင် အရောင်းသွက်နေကြောင်းလည်း တွေ့ရှိရပါသည်။ အုန်းစိမ်းရည် ရောင်းချရန်အတွက် အုန်းစိမ်းရည်ကို ဒေသတွင်းစားသူံးသူများသောကြောင့် ဈေးကွက်ချဲ့ထွင်သူများလည်း အလွန်ပင်များပြားလာကြောင်းလည်း သိရှိရပါသည်။ အုန်းစိမ်းရည်များကို အုန်းချိုမွှေးနှင့် အုန်းဂျယ်လီများလည်း ပြုလုပ်ရောင်းချကြကြောင်းလည်း သိရှိရပါသည်။ အုန်းစိမ်းရည်သည် ပိုတက်စီ ယမ်ကြွယ်ဝစွာ ပါဝင်သောကြောင့် အားအင်များကိုလည်း ပြန်လည်ဖြည့်တင်းပေးပါသည်။ မြိတ်မြို့ပေါ်တွင် အုန်းသီးနုရည်တစ်လုံးလျှင် (၃၅၀၀)ကျပ်ရှိကြောင်း တွေ့ရှိရပါသည်။
DOCA(တနင်္သာရီ)