(၂၈-၄-၂၀၂၃) ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၌ ဝန်ထမ်းထုဆန္ဒဖော်ထုတ်ပွဲ (ဒါဘာ) ကျင်းပပြုလုပ်ခဲ့ရာ ပြည်နယ်ဦးစီးမှူးရုံးနှင့် မော်လမြိုင်ခရိုင်ရုံးမှး စုစုပေါင်းဝန်ထမ်း (၃၂) ဦးတက်ရောက်ခဲ့ကြောင်း သိရှိရပါသည်။
ပထမဦးစွာ ပြည်နယ်ဦးစီးမှူးက ဝန်ထမ်းများအနေဖြင့် လုံခြုံရေး၊ မီးဘေးလုံခြုံရေးတို့ကို ဂရုပြုကြရန်၊ မိမိတို့၏စွမ်းဆောင်ရည်မြင့်မားရေးအတွက်လည်း အစဉ်တစိုက်ကြိုးစားကြရန်၊ မိမိတို့ဘာသာရပ်၌ ကျွမ်းကျင်ရန်လိုအပ်သကဲ့သို့ ကွန်ပျူတာ၊ အင်္ဂလိပ်စာဘာသာရပ်များကိုလည်း ကျွမ်းကျင်အောင်လေ့လာထားကြရန် ပြောကြားခဲ့ပြီး လုပ်ငန်းဆောင်ရွက်ချက်နှင့်ပတ်သက်၍ လျာထားချက်အပေါ် ဆောင်ရွက်နိုင်မှုအခြေအနေ၊ ရှေ့ဆက်ဆောင်ရွက်မည့်အခြေအနေများအား ဆွေးနွေးခဲ့ကြပြီး တက်ရောက်လာသောဝန်ထမ်းများက အခက်အခဲများတင်ပြလာခဲ့မှုအပေါ် ပြည်နယ်ဦးစီးမှူးက ဖြေရှင်းဆောင်ရွက်ပေးခဲ့ကြောင်း သိရှိရပါသည်။
DOCA(မွန်)