ပြည်ပကုန်သွယ်မှုသတင်းများ

     အင်ဒိုနီးရှားနိုင်ငံစွမ်းအင်နှင့် သယံဇာတအရင်းအမြစ်ဝန်ကြီးဌာန(ESDM) သည် အမေရိကန်ထံမှ အမေရိကန်ဒေါ်လာ ၁၅.၅ ဘီလီယံတန်ဖိုးရှိသော LPG( သဘာဝဓာတ်ငွေ)နှင့် ရေနံ စိမ်း ဝယ်ယူရန် စီစဉ်ထားကြောင်း သိရပါသည်။ ESDM ဒုတိယဝန်ကြီး Yuliot Tanjung က နိုင်ငံ သည် ပြည်တွင်းလိုအပ်ချက်အတွက် ရေနံစိမ်းနှင့်အတူ LPG တင်သွင်းမှုမြှင့်တင်သွားမည် ဖြစ်ကြောင်းပြောကြားခဲ့ပါသည်။ အင်ဒိုနီးရှားသည် ရေနံစိမ်းကို အခြားနိုင်ငံများမှတစ်ဆင့် အမေရိကန်ထံမှတင်သွင်းကြောင်း သိရပါသည်။ စွမ်းအင်သုံးရန်ဘက်ဂျက် အမေရိကန်ဒေါ်လာ ၁၅.၅ ဘီလီယံနှင့်အတူ အကောက်ခွန်ညှိနှိုင်းဆွေးနွေးမှုတစ်စိတ်တစ်ပိုင်းအနေဖြင့် ရေနံစိမ်းငွေ ပေးချေမှုများသည် အမေရိကန်ထံသို့တိုက်ရိုက်ရောက်ရှိရန် မျှော်မှန်းရကြောင်း သိရပါသည်။ Tanjung က အရှေ့အလယ်ပိုင်းတွင်တင်းမာမှုများမြင့်တက်လာခြင်းနှင့် ကမ္ဘာလုံးဆိုင်ရာ ရေနံ ဈေးနှုန်းများမတည်မငြိမ်ဖြစ်နေသောကြောင့် အမေရိကန်ထံမှတင်သွင်းမည့်ပမာဏကို အတည် မပြုရသေးကြောင်းနှင့် တင်သွင်းမည့်တန်ဖိုးမှာ တင်သွင်းမည့်ပမာဏနှင့် ၎င်းတို့ချမှတ်မည့် အင်ဒို နီးရှားရေနံစိမ်းဈေးနှုန်းအပေါ်အခြေခံ၍ ဆုံးဖြတ်ရမည်ဖြစ်ကြောင်း ပြောကြားခဲ့ပါသည်။ ထို့ပြင် Tanjung က နိုင်ငံတွင်ရေနံစိမ်းသန့်စင်သည့်နည်းပညာအဆင့်မြှင့်တင်မှုပြီးမြောက်ပါက အင်ဒို နီးရှားသည်၎င်းတို့၏လောင်စာလိုအပ်ချက်ကို တင်သွင်းမှုများထက် ပြည်တွင်း ထုတ်လုပ်ခြင်းမှ တစ်ဆင့်ပြည့်မီရန် ရည်ရွယ်ထားကြောင်း ပြောကြားခဲ့ပါသည်။ အစောပိုင်း ကာလကလည်း စီးပွားရေးရာညှိနှိုင်းဆွေးနွေးရေးဝန်ကြီး Airlangga Hartarto ကအင်ဒိုနီးရှား သည် အမေရိကန်ထံမှ အမေရိကန်ဒေါ်လာ ၁၅.၅ ဘီလီယံတန်ဖိုးရှိသော စွမ်းအင်ဝယ်ယူရန် စီစဉ်ထားကြောင်း ပြောကြားခဲ့ပါသည်။ အစိုးရသည်လည်း နှစ်နိုင်ငံကြားကုန်သွယ်ရေး ဟန်ချက်ညီရန်မဟာဗျူဟာ ၏တစ်စိတ်တစ်ပိုင်းအနေဖြင့် အမေရိကန်ထံမှစွမ်းအင်ဝယ်ယူမှု မြှင့်တင်ရန် ဆန္ဒရှိကြောင်း သိရပါ သည်။

Antara News                                                                             

DOCA (ရန်ကုန်)

       ၂၀၂၅ ခုနှစ်၏ ပထမနှစ်ဝက်တွင်တင်ပို့မှုအားကောင်းခြင်းနှင့်အတူ ဗီယက်နမ်၏ ငါးလုပ်ငန်းကဏ္ဍသည် တစ်နှစ်တာကာလတင်ပို့မှုရည်မှန်းချက်ဖြစ်သည့် အမေရိကန်ဒေါ်လာ ၁၀.၅ ဘီလီယံရရှိရန် အခွင့်အလမ်းများကိုပိုင်ဆိုင်ထားကြောင်း သိရပါသည်။ ပထမှနှစ်ဝက်တွင် အမေရိကန်‌ဒေါ်လာ ၅.၁၆ ဘီလီယံရရှိခဲ့ခြင်းကြောင့် ဒုတိယနှစ်ဝက်တွင် ရည်မှန်းချက် ၅.၄ ဘီလီယံ ရရှိရန်အတွက် ဈေးကွက်မဟာဗျူဟာ၊ ထုတ်ကုန်အဓိကထားမှုနှင့် ထောက်ပံ့မှု ကွင်းဆက်စဉ်ဆက်မပြတ်ရရှိမှုတို့မှာ အရေးပါသောလိုအပ်ချက်ဖြစ်ကြောင်း သိရပါသည်။ ဇွန်လတွင် အမေရိကန်‌ဒေါ်လာ သန်း ၉၅၀ တန်ဖိုးတင်ပို့နိုင်ခဲ့ခြင်းကြောင့် ပထမနှစ်ဝက်တွင် စုစုပေါင်း တင်ပို့မှုတန်ဖိုးအမေရိကန်ဒေါ်လာ ၅.၁၆ ဘီလီယံထိရောက်ရှိခဲ့ပြီး ၂၀၂၄ ခုနှစ် ပထမနှစ်ဝက်နှင့် နှိုင်းယှဉ်ပါက ၁၆.၉ ရာခိုင်နှုန်းမြင့်တက်ခဲ့ကြောင်း သိရပါသည်။ ပို့ကုန်ဝင်ငွေ အမေရိကန်ဒေါ်လာ ၂.၀၇ ဘီလီယံရရှိခဲ့သောပုဇွန်နှင့် ဝင်ငွေ အမေရိကန်ဒေါ်လာ ၁ ဘီလီယံ ရရှိခဲ့သော pangasius ငါး(ငါးတန်) တို့မှာ တင်ပို့မှု၏အဓိကမောင်းနှင်အားများဖြစ်ကြောင်း သိရပါသည်။ တရုတ်၊ အမေ ရိကန်နှင့် ဂျပန်တို့မှာ ဗီယက်နမ်၏ထိပ်တန်း ပင်လယ်စာဈေးကွက် ၃ ခုဖြစ်ပြီး စုစုပေါင်းတင်ပို့မှု တန်ဖိုး၏ ၁၉.၆ ရာခိုင်နှုန်း၊ ၁၈.၂ ရာခိုင်နှုန်းနှင့် ၁၅ ရာခိုင်နှုန်း အသီးသီးရှိကြောင်း သိရပါသည်။ တရုတ်သို့တင်ပို့မှုမှာ ၅၃.၇ ရာခိုင်နှုန်းမြင့်တက်ခဲ့ပြီး အမေရိကန်နှင့် ဂျပန်သို့တင်ပို့မှုမှာ ၂၂.၈ ရာခိုင်နှုန်းနှင့် ၉.၁ ရာခိုင်နှုန်း အသီးသီးမြင့်တက်ခဲ့ကြောင်း သိရပါသည်။ ဘရာဇီးသည် တင်ပို့မှု တန်ဖိုး ၇၁.၃ ရာခိုင်နှုန်းမြင့်တက်ခဲ့ခြင်းနှင့်အတူ ကြီးထွားမှုအမြန်ဆုံးဈေးကွက်အဖြစ် ပေါ်ထွက်လာခဲ့ပြီး တင်ပို့မှုတိုးချဲ့နိုင်ရန်အတွက် အလားအလာသစ်လက္ခဏာကို ပြသခဲ့ကြောင်း သိရပါသည်။

Vietnam Plus                                                                            

DOCA (ရန်ကုန်)

     ကမ္ဘောဒီးယားနိုင်ငံသည် ၂၀၂၅ ခုနှစ်၏ ပထမ ၆ လတာကာလတွင် စိုက်ပျိုးရေး ထုတ်ကုန်များတင်ပို့ရာမှတစ်ဆင့် ဝင်ငွေအမေရိကန်ဒေါ်လာ ၂.၈၇ ဘီလီယံရရှိခဲ့ကြောင်း ကမ္ဘောဒီးယားနိုင်ငံစိုက်ပျိုးမွေးမြူရေး၊ သစ်တောနှင့် ငါးလုပ်ငန်းဝန်ကြီးဌာန(MAFF) အောက်ရှိ စိုက်ပျိုးရေးအထွေထွေဦးစီးဌာန၏ တင်ပြချက်အရ သိရပါသည်။ ထိုကာလတွင် ကမ္ဘောဒီးယား သည် စိုက်ပျိုးရေးထုတ်ကုန်တန်ချိန် ၇.၈ သန်းတင်ပို့ခဲ့ပြီး ၂၀၂၄ ခုနှစ် ပထမ ၆ လတာကာလနှင့် နှိုင်းယှဉ်ပါက ၂၇.၆၆ ရာခိုင်နှုန်းမြင့်တက်ခဲ့ကြောင်း သိရပါသည်။ နိုင်ငံသည် ဆန်မဟုတ်သည့် စိုက်ပျိုးရေးထုတ်ကုန်တန်ချိန် ၄.၂ သန်းတင်ပို့ရာမှ ဝင်ငွေအမေရိကန်ဒေါ်လာ ၁.၉၂၆ ဘီလီယံ၊ စပါးတန်ချိန် ၃.၁ သန်းကျော်တင်ပို့ရာမှ ဝင်ငွေအမေရိကန်ဒေါ်လာ ၆၃၈ သန်းနှင့် ဆန်တန်ချိန် ၃၈၀၀၀၀ တင်ပို့ရာမှ ဝင်ငွေအမေရိကန်ဒေါ်လာ ၃၀၇ သန်းရရှိခဲ့ကြောင်း သိရပါသည်။ အကြိမ် ၂၀ မြောက် National Fish Day တွင် ဝန်ကြီးချုပ် Hun Manet က တော်ဝင်အစိုးရသည် အစားအစာဖူလုံရေး၊ ပြည်သူလူထု၏လူမှုဘဝများတိုးတက်ရေးနှင့် စဉ်ဆက်မပြတ်စီးပွားရေး ကြီးထွားရေးတို့တက် ဦးစားပေးအနေဖြင့်ဆက်လက်ဆောင်ရွက်လျှက်ရှိကြောင်း ပြောကြားခဲ့ပါ သည်။  MAFF ဝန်ကြီး Dith Tina ကလည်း ဝန်ကြီးဌာန၌ ခေါင်းဆောင်များနှင့် တာဝန်ရှိသူများ အားလုံးသည် Pentagonal Strategy Phase 1 ကို အကောင်အထည်ဖော်ရန်လုပ်ကိုင်လျှက် ရှိကြောင်း နှင့် ရေကြီးခြင်း၊ El Nino ရာသီဥတုနှင့် ပိုးမွှားကျရောက်မှုတို့ပါဝင်သည့် များစွာသော စိန်ခေါ်မှုများ ၂၀၂၄ ခုနှစ်တွင်ကြုံတွေ့ခဲ့သော်လည်း ကမ္ဘောဒီးယားနိုင်ငံ၏စိုက်ပျိုးရေးကဏ္ဍ သည် အောင်မြင်မှုရလဒ်များရရှိခဲ့ကြောင်းပြောကြားခဲ့ပါသည်။ နိုင်ငံသည် ၂၀၂၄ ခုနှစ်တွင် စုစုပေါင်းသီးနှံတန်ချိန် ၃၆ သန်းထုတ်လုပ်ခဲ့ပြီး ပြည်တွင်းအစားအစာအပြည့်အဝဖူလုံရုံ သာမက စိုက်ပျိုးရေးထုတ်ကုန်တန်ချိန် ၁၂ သန်းကို ပြည်ပသို့တင်ပို့ရာမှ ဝင်ငွေအမေရိကန်ဒေါ်လာ ခန့်မှန်း ၅.၃ ဘီလီယံရရှိခဲ့ကြောင်း သိရပါသည်။

Khmer Times                                                                            

DOCA (ရန်ကုန်)

     တရုတ်ရင်းနှီးမြှုပ်နှံသူသည် ကမ္ဘောဒီးယားနိုင်ငံ Kampong Speu ပြည်နယ်တွင် အမေရိကန်ဒေါ်လာ သန်း ၅၀၀ တန်ကြေးရှိသော အကြီးစားဆိုလာစွမ်းအင်စီမံကိန်း တည်ထောင်မည်ဟု ကြေညာခဲ့ပြီး နိုင်ငံ၏ပြည်ဖြိုးမြဲစွမ်းအင်ကဏ္ဍတိုးချဲ့ရန်အတွက် သိသာ ထင်ရှားသောခြေလှမ်းတစ်ရပ်ဖြစ်ခဲ့ကြောင်း သိရပါသည်။ တရုတ်နိုင်ငံ Dongbaishan Holding Group Co., Ltd ၏ ဥက္ကဌ Si Juchen က Kampong Speu ပြည်နယ်အုပ်ချုပ်ရေးမှူး Cheam Chan Sophorn နှင့် ဇူလိုင်လ ၇ ရက်နေ့ကအစည်းအဝေးတွင်း ထိုကြေညာချက်ထုတ်ပြန်ခဲ့ခြင်း ဖြစ်ကြောင်း သိရပါသည်။ ဟတ်တာ ၆၀၀ အကျယ်အဝန်းရှိသည့် စီမံကိန်းကို ၂၀၂၅ ခုနှစ် ဇူလိုင် လလည်တွင် စတင်တည်ဆောက်ရန် စီစဉ်ထားကြောင်း သိရပါသည်။ ၎င်းကို Dongbaishan Holding Group Co., Ltd၊ Cambodia Community Development Association China နှင့် SL Sunlight Green Energy Solar power Co., Ltd တို့ကြားပူးတွဲရင်းနှီးမြှုပ်နှံမည်ဖြစ်ကြောင်း သိရ ပါသည်။ Si Juchen က တရုတ်နိုင်ငံတွင် နှစ် ၂၀ ကျော်သက်တမ်းရှိသည့် ၎င်း၏ကုမ္ပဏီသည် ကမ္ဘောဒီးယားအား အစိမ်းရောင်စွမ်းအင်ရင်းနှီးမြှုပ်နှံမှုအတွက် ထွန်းသစ်စတည်နေရာအဖြစ် ရှုမြင်ကြောင်း ပြောကြားခဲ့ပါသည်။ ထိုဆိုလာစွမ်းအင်စက်ရုံစတင်လည်ပတ်ပါက အလုပ်အကိုင် ၁၅၀၀ မှ ၃၀၀၀ ကြားဖန်တီးပေးနိုင်ရန် မျှော်လင့်ရကြောင်း သိရပါသည်။ ပြည်နယ်အုပ်ချုပ်ရေး မှူး Cheam Chan က ၎င်းသည် ပြည်နယ်၏ပထမဆုံးပြည့်ဖြိုးမြဲစွမ်းအင်စီမံကိန်းဖြစ်ကြောင်းနှင့် ကမ္ဘောဒီးယား၏စီးပွားရေးအလားအလာအပေါ် နိုင်ငံခြားရင်းနှီးမြှုပ်နှံသူများက ယုံကြည်ချက် ကြီးထွားလာမှုကို ရောင်ပြန်ဟပ်ကြောင်း သိရပါသည်။ ထို့ပြင် Chan က ပြည်နယ်အာဏာပိုင် များသည် နိုင်ငံ၏ ဥပဒေများနှင့် စည်းမျဉ်များနှင့်အတူ စီမံကိန်းလွယ်ကူချောမွေ့စေရေး အပြည့် အဝပံ့ပိုးပေးသွားမည်ဟု ပြောကြားခဲ့ပါသည်။ လတ်တလောတွင် ပြည်နယ်၌ စက်ရုံနှင့် လုပ်ငန်း ပေါင်း ၂၄၄၂ ခုရှိပြီး ၉၀ ရာခိုင်နှုန်းကျော်မှာ တရုတ်နိုင်ငံမှလာသောရင်းနှီးမြှုပ်နှံသူများ ဖြစ်ကြောင်း သိရပါသည်။ ထိုဆိုလာစွမ်းအင်စီမံကိန်းသည် ကမ္ဘောဒီးယား၏ စွမ်းအင်အရင်း အမြစ်ကွဲပြားရန်၊ အလုပ်အကိုင်ဖန်တီးပေးနိုင်ရန်နှင့် ပြည်နယ်စဉ်ဆက်မပြတ်ဖွံ့ဖြိုးတိုးတက်ရန် ကူညီပေးနိုင်ရန်မျှော်လင့်ရကြောင်း သိရပါသည်။

Khmer Times                                                                            

DOCA (ရန်ကုန်)

     ဧပြီလတွင် ညှိနှိုင်းချက်မှတ်တမ်းလက်မှတ်ရေးထိုးခဲ့ပြီးနောက် ကမ္ဘောဒီးယားနိုင်ငံသည် လတ်ဆတ်သောဒူးရင်းသီးများ တရုတ်ဈေးကွက်သို့တိုက်ရိုက်တင်ပို့မှုစတင်ရန် တရုတ်နိုင်ငံ အကောက်ခွန်အထွေထွေအုပ်ချုပ်ရေး (GACC) ၏ ခွင့်ပြုချက်တရားဝင်ရရှိခဲ့ကြောင်း သိရပါ သည်။ ထိုဆုံးဖြတ်ချက်ကို GACC က တရုတ်နိုင်ငံ၏ ကောင်းမွန်သောစိုက်ပျိုးမှုအလေ့အထ (GAP)၊ phytosanitary လိုအပ်ချက်များနှင့် အစားအစာလုံခြုံရေးစံနှုန်းများနှင့် ပြည့်မီသည့် ဒူးရင်းစိုက်ခင်း ၁၁၂ ခုနှင့် ထုတ်ပိုးသည့်လုပ်ငန်း ၃၀ တို့၏ မှတ်ပုံတင်ခြင်းကိုခွင့်ပြုပြီး‌နောက် ပြုလုပ်ခဲ့ခြင်းဖြစ်ကြောင်းသိရပါသည်။ ကမ္ဘောဒီးယားနိုင်ငံစိုက်ပျိုးမွေးမြူရေး၊ သစ်တောနှင့် ငါးလုပ်ငန်းဝန်ကြီးဌာန (MAFF) က စိုက်ခင်းနှင့် ထုတ်ပိုးသည့်လုပ်ငန်းပိုင်ရှင်အားလုံးအား ညှိနှိုင်းချက်မှတ်တမ်း၏လိုအပ်ချက်များအား တင်းကျပ်စွာလိုက်နာရန် တိုက်တွန်းခဲ့ကြောင်း သိရပါသည်။ ဝန်ကြီးဌာနက လတ်ဆတ်သောဒူးရင်းသီးသည် ဆန်နှင့်ဆန်ကွဲ၊ ပီလောပီနံ ခြောက်၊ ငှက်ပျောသီးများ၊ သရက်သီးများ၊ တောကြက်မောက်သီးများ၊ ငရုတ်ကောင်းနှင့် အုန်းသီး တို့နောက် တရုတ်နိုင်ငံသို့တိုက်ရိုက်တင်ပို့ရန်အတွက် ခွင့်ပြုချက်ရသည့် ကမ္ဘောဒီးယား၏ ၉ ခု မြောက် စိုက်ပျိုးမွေးမြူရေးထုတ်ကုန်ဖြစ်လာ‌ကြောင်း သိရပါသည်။ ထိုအောင်မြင်မှုသည် ကမ္ဘောဒီးယားနှင့် တရုတ်ကြား အားကောင်းပြီးထိရောက်သော ပူးပေါင်းဆောင်ရွက်မှုကို ရောင်ပြန်ဟပ်နေကြောင်း သိရပါသည်။ ဇွန်လတွင်လည်း တရုတ်ကုမ္ပဏီ ၂ ခုသည် ကမ္ဘောဒီးယားထံမှ ၂၀၂၅ မှ၂၀၂၆ ကြားတွင် ဒူးရင်းတန်ချိန် ၁၅၀၀၀ နှင့် ၂၀၂၅ မှ ၂၀၂၇ ကြားတွင် သရက်သီးခြောက်တန်ချိန် ၂၀၀၀၀ ဝယ်ယူရန် သဘောတူညီချက်လက်မှတ်ရေးထိုးခဲ့ကြောင်း သိရပါသည်။

Khmer Times                                                                            

DOCA (ရန်ကုန်)