HighLight News

စစ်ကိုင်တိုင်းဒေသကြီးဦးစီးမှူးရုံးအနေဖြင့် စားသုံးသူပြည်သူများ ထုတ်ကုန်လုံခြုံစိတ်ချရမှုရှိစေရန်၊ စီးပွားရေးလုပ်ငန်းရှင်များ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်နိုင်ရန်အတွက် တိုင်း၊ ခရိုင်၊ မြို့နယ်အလိုက် စားသုံးသူကာကွယ်ရေးအသိပညာပေးလုပ်ငန်းများ၊ စားသုံးသူတိုင်ကြားမှုဖြေရှင်းခြင်းလုပ်ငန်းများဆောင်ရွက်လျက်ရှိရာ စစ်ကိုင်းတိုင်းဒေသကြီးဦးစီးမှူးရုံးအနေဖြင့် မုံရွာမြို့၊ တိုင်းဒေသကြီးဦးစီးမှူးရုံး၊ အစည်းဝေးခန်းမတွင် အသိပညာပေးဟောပြောပွဲကျင်းပခြင်း၊ ကလေးခရိုင်ဦးစီးမှူးရုံးအနေဖြင့် ကလေးခရိုင်၊ ဖောင်းပြင်မြို့၊ ထွန်းရွှေဝါရပ်ကွက်ရှိ အမှတ်(၈၇) မူလွန်ကျောင်းတွင်လည်ကောင်း၊ ကလေးမြို့၊ အသေးစားစက်မှုလက်မှုလုပ်ငန်းဦးစီးဌာန၏ တန်ဖိုးမြှင့်စားသောက်ကုန်ထုတ်လုပ်မှုနည်းပညာသင်တန်းတွင်လည်းကောင်း၊ ကန့်ဘလူခရိုင်ဦးစီးမှူးရုံးအနေဖြင့် ကန့်ဘလူခရိုင်၊ ကန့်ဘလူမြို့၊ လိတ္ထူကျေးရွာရှိ အ.လ.က ကျောင်းတွင်လည်းကောင်း၊ ကန့်ဘလူခရိုင်ပတ်ဝန်းကျင်ထိန်းသိမ်းရေးဦးစီးဌာနတွင်လည်းကောင်း၊ ကန့်ဘလူခရိုင်၊ ကျွန်းလှမြို့၊ ပျဉ်းမမြိုင်ရပ်ကွက်ရှိ အ.လ.က ကျောင်းတွင်လည်းကောင်း၊ ကန့်ဘလူခရိုင်၊ ကျွန်းလှမြို့၊ ပိတောက်မြိုင်ရပ်ကွက်ရှိ အမှတ် (၁) မူလွန်ကျောင်းတွင်လည်ကောင်း၊ စစ်ကိုင်းခရိုင်ဦးစီးမှူးရုံးအနေဖြင့် စစ်ကိုင်းမြို့၊ ရေကားကျေးရွာရှိ “စစ်ကိုင်းဇုန်၊ ဆေးဝါးနှင့် စားသောက်ကုန်ထုတ်လုပ်ရေးလီမိတက်” အမှတ်(၃) ဆေးဝါးစက်ရုံစစ်ကိုင်းတွင်လည်းကောင်း၊ စစ်ကိုင်းမြို့၊ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် Online နှင့်ပတ်သက်သည့် သိကောင်းစရာများအား ရှင်းလင်းဆွေးနွေးခြင်း၊ Talk Show ပြုလုပ်ခြင်း၊ စစ်ကိုင်းမြို့၊ ရွာထောင်ရပ်ကွက်ရှိ၊ အ.လ.က (ခွဲ) ကျောင်းတွင်လည်းကောင်း၊ မုံရွာမြို့နယ်တာဝန်ခံရုံးအနေဖြင့်မုံရွာမြို့၊ နန္ဒဝန်ရပ်ကွက်ရှိ အမှတ် (၁၅၉) မူလတန်းကျောင်းတွင်လည်းကောင်း၊ ရွှေဘိုခရိုင်ဦးစီးမှူးရုံးအနေဖြင့် ရွှေဘိုမြို့၊ အခြေခံပညာအထက်တန်းကျောင်း (အထက-၂)တွင်လည်းကောင်း အသိပညာပေးဟောပြောခြင်း၊ စုစုပေါင်း(၁၂)ကြိမ်နှင့် ၂၀၂၄ခုနှစ်၊ အောက်တိုဘာလအတွင်း အသိပညာပေးဟောပြောဆွေးနွေးခဲ့ရာ ဌာန၏မျှော်မှန်းချက်များ၊ ရည်မှန်းချက်တာဝန်များ၊ စားသုံးသူအခွင့်အရေးများ၊ တာဝန်များ၊ ဌာနသို့ဆက်သွယ်တိုင်ကြားနိုင်သည့်နည်းလမ်းများ၊ ဖြေရှင်းဆောင်ရွက်ပေးခဲ့သည့် စားသုံးသူတိုင်ကြားမှုဖြစ်စဉ်များကို အသိပညာပေးဟောပြောခဲ့ကြပြီး စားသုံးလသူအသိပညာပေးလက်ကမ်းစာစောင်များဖြန့်ဝေပေးခဲ့ပါသည်။
လုပ်ငန်းရှင်များနှင့် တွေ့ဆုံဆွေနွေးအသိပညာပေးမှုများကိုလည်း တိုင်းဒေသကြီးဦးစီးမှူးရုံးအနေဖြင့် (၂)ကြိမ်၊ ကလေးခရိုင်ဦးစီးမှူးအနေဖြင့် (၃)ကြိမ်၊ ကသာခရိုင်ဦးစီးမှူးရုံးအနေဖြင့် (၂)ကြိမ်၊ ကန့်ဘလူမြို့နယ်တာဝန်ခံရုံးအနေဖြင့် (၂)ကြိမ်၊ စစ်ကိုင်းတိုင်းခရိုင်ဦးစီးမှူးရုံးအနေဖြင့်( ၈)ကြိမ်၊ မုံရွာမြို့နယ်တာဝန်ခံရုံးမှ (၂)ကြိမ်၊ ယင်းမာပင်ခရိုင်ဦးစီးမှူးရုံးအနေဖြင့် (၂)ကြိမ်၊ ရွှေဘိုခရိုင်ဦးစီးမှူးရုံးအနေဖြင့် (၅)ကြိမ်၊ စုစုပေါင်း(၂၆)ကြိမ်ဆောင်ရွက်နိုင်ခဲ့ပါသည်။ ထိုသို့တွေ့ဆုံဆွေးနွေးဆောင်ရွက်ခြင်းများပြုလုပ်ရာတွင် စီးပွားရေးလုပ်ငန်းရှင်တို့၏တာဝန်များ၊ လိုက်နာရမည့်အချက်များ၊ ကုန်စည်နှင့်စပ်လျဉ်း၍ ဖော်ပြရမည့်အာမခံများ၊ ရိုးရှင်းမှန်ကန်သောသတင်းအချက်အလက်များ ပြည့်စုံစွာပေးရန် စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ရန်အချက်များကို ရှင်းလင်းဆွေးနွေးအသိပညာပေးခြင်း၊ ရည်ညွှန်းဈေးသတ်မှတ်ထားသော ကုန်စည်များအား သတ်မှတ်ရည်ညွှန်းဈေးဖြင့်ရောင်းချစေရေး ဆွေးနွေးဟောပြောခြင်းများဆောင်ရွက်ခဲ့ပြီး စီးပွားရေးလုပ်ငန်းရှင်နှင့်သက်ဆိုင်သော အသိပညာပေးလက်ကမ်းစာစောင်များ၊ စားသုံးသူကာကွယ်ရေးဥပဒေစာအုပ်များဖြန့်ဝေခဲ့ကြောင်း သတင်းရရှိပါသည်။
DOCA(စစ်ကိုင်း)

အခြေခံပညာကျောင်းသား/ ကျောင်းသူများ အသိပညာဗဟုသုတများရရှိစေရန်ရည်ရွယ်လျက် စားသုံးသူရေးဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၃၁-၁၀-၂၀၂၄ ရက်နေ့၊ နံနက်(၁၀:၃၀)နာရီအချိန်တွင် အင်းစိန်မြို့နယ်၊ အမှတ်(၁၀) အခြေခံပညာအလယ်တန်း ကျောင်း၌ ကျောင်းသား/ ကျောင်းသူများအား စားသုံးသူကာကွယ်ရေးအသိပညာများဟောပြောခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်ခိုင်ရွှေ၊ ဒုကြီးကြပ်ရေးမှူးက စားသုံးသူအခွင့်အရေးနှင့်တာဝန်များသိရှိစေရန်နှင့် စားသုံးသူအခွင့်အရေး များ အပြည့်အဝရရှိစေရန်ရည်ရွယ်၍ စားသုံးသူကာကွယ်ရေးအသိပညာပေးဆွေးနွေးပွဲဟောပြောပွဲကိုကျင်းပပြုလုပ်ခဲ့ရာ စားသုံးသူများအနေဖြင့် ကုန်ပစ္စည်းများကို သေချာလေ့လာစိစစ်၍ ကုန်အညွှန်းအမှတ်အသားများပြည့်စုံမှုရှိ/ မရှိ၊ မြန်မာဘာသာဖြင့် ဖော်ပြထားခြင်းရှိ/ မရှိတို့ကို ရွေးချယ်ဝယ်ယူစားသုံးရန်လိုအပ်ကြောင်းနှင့် စားသုံးသူများအနေဖြင့် ထိခိုက်နစ်နာဆုံးရှုံးမှုများရှိပါက စားသုံးသူရေးရာဦးစီးဌာန၏ Call Center 1535 သို့ ဆက်သွယ်တိုင်ကြားနိုင်ကြောင်း အသိပညာပေးဟောပြောခဲ့ပြီး ဟောပြောပွဲသို့ ဆရာ/ ဆရာမ (၅)ဦး၊ ကျောင်းသား/ ကျောင်းသူ (၇၄)ဦး၊ စုစုပေါင်း (၇၉)ဦးတက်ရောက်ခဲ့ကြောင်းသိရှိရပါသည်။
DOCA(ရန်ကုန်)

စားသုံးသူရေးရာဦးစီးဌာန၊ တိုက်ကြီးမြို့နယ်၊ မြို့နယ်ခွဲတာဝန်ခံနှင့်အတူ မြို့နယ်စီမံခန့်ခွဲရေးဥက္ကဋ္ဌတို့ပူးပေါင်း၍ ၂၇-၁၀-၂၀၂၄ ရက်နေ့၊ နံနက်(၀၈:၃၀)နာရီအချိန်တွင် တိုက်ကြီးမြို့နယ်ရှိ စက်သုံးဆီဆိုင်များသို့ သွားရောက်ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။
အဆိုပါကွင်းဆင်းမှုတွင် စက်သုံးဆီ(၉)ဆိုင်ရှိသည့်အနက် ရတနာ(တိုက်ကြီး)၊ မင်းမဟာ (သာမညဖြိုး)နှင့် Terminal (204) ဆိုင်များသို့ သွားရောက်စစ်ဆေးခဲ့ရာ စက်သုံးဆီအမျိုးအစား အလိုက် ဈေးနှုန်းမှန်ကန်စွာရောင်းချမှုရှိ/ မရှိ၊ စက်သုံးဆီကားအဝင်စာရင်းများ၊ အလေးချိန် အချင်အတွယ်ပြည့်ဝမှုရှိ/ မရှိ၊ စက်သုံးဆီဘောက်ဆာအဝင်ရှိ/ မရှိတို့ကိုစစ်ဆေးခဲ့ရာ ဈေးနှုန်း LED ဘုတ်တင်ထားပြီး လီတာများလည်းပြည့်ဝမှုရှိပါကြောင်း၊ သတ်မှတ်ထားသောဈေးနှုန်းဖြင့် ရောင်းချလျက်ရှိပြီး ဘောက်ဆာကားအဝင်များလည်းရောက်ရှိလျက်ရှိပြီး သက်ဆိုင်ရာဌာနများသို့ စာရင်းပေးပို့လျက်ရှိကြောင်း ကွင်းဆင်းစစ်ဆေးချက်အရသိရှိရပါသည်။
DOCA(ရန်ကုန်)

           မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံနှင့်ဝန်ထမ်းသည် (၂၈.၁၀.၂၀၂၄)ရက်နေ့၊ နံနက်(၁၀:၀၀) နာရီအချိန်တွင် အစားအစာများ ဘေးအန္တရာယ်ကင်းရှင်းစေရေး၊ ထုတ်ကုန်များ လုံခြုံစိတ်ချရမှုရှိစေရေးအတွက် မြို့နယ်ပြန်ဆက်နှင့်ပူးပေါင်း၍ ဆိပ်ဖြူမြို့၊ ပတ္တမြားဈေးနှင့်အနောက်ပိုင်းရပ်ကွက် သို့သွားရောက်၍ ကွမ်းစားဆေးအမျိုးမျိုး ရောင်းချသည့် လုပ်ငန်းရှင်နှင့်တွေ့ဆုံဆွေးနွေး အသိပညာပေး ဆောင်ရွက်ခဲ့ကြောင်း သိရသည်။

             ကွမ်းစားဆေးအမျိုးမျိုးရောင်းချသော လုပ်ငန်းရှင်အနေဖြင့် ထုတ်ကုန်များ လုံခြုံစိတ်ချရမှုရှိ စေရန်အတွက် ရောင်းချသော ကွမ်းစားဆေးအမျိူးမျိုးတွင် ကုန်အညွှန်းအမှတ်အသားပြည့်စုံစွာ ဖော်ပြလာရန်၊ ကွမ်းယာရောင်းချသူများအနေဖြင့်လည်း စားသုံးသူများ ဘေးကင်းလုံခြုံစေရန်အတွက် ကုန်အညွှန်းအမှတ်အသား ပြည့်စုံစွာဖော်ပြပါရှိသော ကွမ်းစားဆေး အမျိုးမျိုးကိုထည့်သွင်း အသုံးပြု ရောင်းချရန်၊  ကုန်အညွှန်းအမှတ်အသားများ ပြည့်စုံစွာပါရှိသည့် ကုန်စည်များကိုသာ ရောင်းချရန်နှင့် မြန်မာနိုင်ငံစားသုံးသူကာကွယ်ရေး ကော်မရှင်မှ ထုတ်ပြန်ထားသည့်ညွှန်ကြားချက် အမှတ်(၂/၂၀၁၉) နှင့်အညီ ပြည့်စုံစွာ ဖော်ထားရှိသော ကုန်စည်များကိုသာရောင်းချရန် အသေးစိတ်ရှင်းလင်း ဆွေးနွေးခဲ့ ကြောင်း သိရှိရပါသည်။

DOCA(မကွေး)

            မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့် ဝန်ထမ်းများသည် (၂၅.၁၀.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ဒေသတွင်းထုတ်လုပ်လျှက်ရှိသော မြေပဲဆုံဆီ၊ ကွမ်းစားဆေး၊ ရေသန့် လုပ်ငန်းရှင်များဆီသို့ သွားရောက်၍ စားသုံးသူကာကွယ်ရေးဥပဒေပါ ပြဌာန်းချက်များအား လိုက်နာဆောင်ရွက်ခြင်းဖြင့် ၎င်းတို့လုပ်ငန်းများ ထုတ်ကုန်လုံခြုံစိတ်ချရမှုရှိပြီး ဈေးကွက်များပိုမိုရရှိနိုင်စေရန်ရည်ရွယ်၍ အသိပညာပေးဆွေးနွေးခဲ့ကြောင်း သိရသည်။

       ဒုတိယခရိုင်ဦးစီးမှူးမှ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်ပါကုန်စည်အုပ်စုအလိုက် မြန်မာဘာသာဖြင့် ထည့်သွင်းဖော်ပြရမည့်အချက်အလက်များ၊ လုပ်ငန်းရှင်များမှလည်း မိမိတို့ထုတ်လုပ်သော ကုန်စည်အမျိုးအစားအလိုက် စားသုံးသူကာကွယ်ရေးဥပဒေ(၂၀၁၉)အခန်း (၁၈)ပါ ကုန်အညွှန်းအမှတ်အသားဖော်ပြချက်များနှင့် ကိုက်ညီသည့် ကုန်စည်များကို စားသုံးသူရေးရာဦးစီးဌာန၏စိစစ်ခွင့်ပြုချက်ရရှိရန် လျှောက်ထားနိုင်ကြောင်း အသိပညာပေးဆွေးနွေးခဲ့ပြီး စားသုံးဌာနခွဲတာဝန်ခံမှ  မြေပဲဆုံဆီ လုပ်ငန်းရှင်အား  မိမိတို့ဆုံဆီထုတ်လုပ်ရာတွင် သန့်ရှင်းသပ်ရပ်စွာ အသုံးပြုစေလိုကြောင်း၊ မြေပဲတွင် အာဖလာတောက်ဆင်မှို ဆိပ်ပါနိုင်၍ အထူးသတိပြုစေလိုကြောင်း၊ သောက်ရေသန့်လုပ်ငန်းရှင်အား သက်ဆိုင်ရာ အစိုးရဌာနများမှ ထောက်ခံချက်များရရှိရန်လိုအပ်ကြောင်း၊ ကုန်အညွှန်းအမှတ်အသားပြည့်စုံစွာ ဖော်ပြထားရှိမှုသည် အလွန်အရေးကြီးသောကြောင့် လိုက်နာရန်လိုအပ်ကြောင်း ဆွေးနွေးခဲ့ပြီး စားသုံးသူကာကွယ်ရေး ဥပဒေပါ လက်ကမ်းစာစောင်များအား ဖြန့်ဝေခဲ့ကြောင်း သိရှိရပါသည်။

DOCA(မကွေး)