HighLight News

           ၂၁.၁၁.၂၀၂၄ ရက်နေ့ နေ့လယ် (၁၅:၄၀)နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် လှိုင်သာယာ(အရှေ့ပိုင်း)မြို့နယ်ရှိ အမှတ်(၂၄၆)၊ မက္ခရာမင်းသားကြီး မောင်ပျိုးလမ်းပေါ်ရှိ Ocean Supercenter မှ အချိုရည်အမျိုးမျိုးအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့‌ကြောင်းသိရသည်။

            ထိုသို့ ဆောင်ရွက်ခဲ့ရာတွင် အချိုရည်အမျိုးမျိုးဖြစ်သော Royal-D (သီးစုံဓါတ်ဆား အားပြည့်အချိုရည်)၊ Hikar (အားဖြည့်အချိုရည်)၊ Sunkist (လိမ္မော်အချိုရည်)၊ Max+ (လိမ္မော်အရသာအချိုရည်)၊ Shark (အားဖြည့်အချိုရည်၊ ဂျင်ဆင်းပျားရည်)၊ Speed (အားဖြည့် အချိုရည်)၊ M-150 ( အားဖြည့်အချိုရည်)၊ Honey Gold (ရွှေပျားအားဖြည့်အချိုရည်) များတွင် ကုန်အညွှန်းအမှတ်အသားဖော်ပြရမည့်အချက်များနှင့် ပြည့်စုံခြင်းရှိ/ မရှိ စစ်ဆေးခဲ့ရာ ကုန်အညွှန်းအမှတ်အသားပြည့်စုံပြီး မိမိတို့ဌာနမှလည်း ဈေးဝယ်စင်တာသို့ လာရောက်ပစ္စည်း တင်သွင်းသူများကိုလည်း ကုန်အညွှန်းအမှတ်အသားပြည့်စုံသော ပစ္စည်းများကိုသာ လာရောက်တင်သွင်းခွင့်ပြုပါရန်ပြောကြားခဲ့ပါသည်။

DOCA(ရန်ကုန်)

            စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၁.၁၁.၂၀၂၄ ရက်နေ့နေ့လယ်(၁၃:၄၀)နာရီအချိန်တွင် အသင့်စားငါးခြောက်အမျိုးမျိုးတွင် ကုန်အညွှန်းအမှတ်အသား ပြည့်စုံခြင်းရှိ/မရှိကို ကွင်းဆင်းစစ်ဆေးခဲ့ပါသည်။

           ထိုသို့ စစ်ဆေးခဲ့ရာတွင် အင်းစိန်မြို့နယ်၊ 1 Stop Mart မှ Supervisor ကိုမျိုးခိုင်ဦးမှ ပူးပေါင်းပါဝင်၍ ဈေးကွက်အတွင်းရောင်းချနေသော မင်းသားကြီး(စမခြောက်)၊ TOMO (ပုဇွန်ခြောက်ငံပြာရည်ကြော်၊ ရခိုင်ငပိထောင်း၊ မရမ်းသီးငံပြာရည်ကြော်၊ ဆတ်သားခြောက်၊ ငါးရံ့ခြောက်) သီရီစံ (အာပြဲကြော်၊ ငါးနီတူကြော်၊ ဂျူးပဲပုတ်မြေပဲကြော်၊ ပုစွန်ခြောက်ငပိကြော်၊ သတ်သတ်လွတ်ငံပြာရည် ကြော်)၊ အမေ့လက်ရာ (ဂျူးပဲပုတ်မြေပဲကြော်၊ ဂျူးမြစ်ဘာလချောင်ကြော်၊ ပုစွန်ခြောက်ငံပြာရည်ကြော်)၊ ဓူဝံ(ငါးနီတူးခြောက်အချို၊ သဘာဝငါးပြုတ်ခြောက်အချို)၊ ချင်းတောင်တန်း(ဆိတ်သားမီး ကင်၊ ဘိတ်ချဉ်စပ်၊ ဆိတ်သားတုံးအစပ်၊ ဆိတ်ကင်ပွန်း၊ ဆိတ်သားအမွခြောက်၊ ဆိတ်သားပြား) များတွင် စားသုံးသူကာကွယ်ရေးဥပဒေတွင် ပြဌာန်းထားသည့် ကုန်အညွှန်းအမှတ်အသားဖော်ပြခြင်းဆိုင်ရာ အချက်များနှင့်ကိုက်ညီမှုရှိကြောင်း စစ်ဆေးတွေ့ရှိရပါသည်။

DOCA(ရန်ကုန်)

               စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ တာဝန်ရှိဝန်ထမ်းများသည်(၂၆-၁၁-၂၀၂၄) ရက်နေ့၊ နေ့လယ်(၁၁:၀၀)နာရီအချိန်တွင် သာကေတမြို့နယ်၊ အမှတ်(၁)ဈေး အတွင်းရှိကုန်စုံဆိုင်လုပ်ငန်းရှင်များအား စားသုံးသူကာကွယ်ရေးအသိပညာပေး ဟောပြောခြင်းဆောင်ရွက်ခဲ့ကြောင်း သိရှိရပါသည်။

               ဟောပြောပွဲတွင် ဒေါ်မိုးမိုးကြည်(ဌာနခွဲစာရေး)က စားသုံးကာကွယ်ရေးဥပဒေပါ စီးပွားရေး လုပ်ငန်းရှင်၏တာဝန်များအကြောင်း၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ) နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည့်အကြောင်း၊ ကုန်စည်(သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရှိခြင်း၊ ပြစ်မှုနှင့်ပြစ်ဒဏ်များအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက  Websiteတွင် ဝင်ရောက်လေ့လာနိုင်ကြောင်း၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးစင်တာ (CICC) ရုံးခန်းများ ဖွင့်လှစ်ထားရှိမှု အခြေအနေတို့ကိုလည်းကောင်း အသိပညာပေးဟောပြောဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

               စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဦးသိန်းထွန်း(ဌာနခွဲစာရေး)နှင့် ဝန်ထမ်းများသည်  ၂၃.၁၁.၂၀၂၄ ရက်  နေ့လယ် (၁၃:၀)) နာရီအချိန်တွင်  အမှတ် (၁၂၀၁)၊ လက်ဝဲမင်းဒင်လမ်းရှိ Trust Alliance  Co., Ltd မှ   စီးပွားရေးလုပ်ငန်ရှင်ဒေါ်တင်ဝါဝါနှင့် သွားရောက်တွေ့ဆုံ၍ ကုန်အညွှန်းအမှတ်အသားနှင့်စပ်လျဉ်း၍ အသိပညာပေးစစ်ဆေးမှုများပြုလုပ်ခဲ့ကြောင်း သိရှိရပါသည်။

             ကုမ္ပဏီရှိဆေးဝါးများ ဈေးကွက်အတွင်း ဖြန့်ချိရောင်းချရာတွင်  စားသုံးသူကာကွယ်ရေးဥပဒေပါ အခန်း(၁၈)တွင်ပါရှိသည့် ကုန်အညွှန်းအမှတ် အသားဖော်ပြချက်များနှင့် စပ်လျဉ်းပြီး ကုန်ပစ္စည်းအမျိုးမျိုးတွင် အမျိုးအမည်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်၊ ကြိုတင်သတိပေးချက်တို့ပါရှိရမှာဖြစ်ပြီး၊ စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေအခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များကို ‌အသိပညာပေးဆွေးနွေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

          မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံနှင့် ဝန်ထမ်းသည်(၂၀-၁၁-၂၀၂၄) ရက်နေ့နံနက်(၀၈:၀၀)နာရီအချိန်တွင် မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေး၊ ရပ်ကွက်အုပ်ချုပ်ရေးမှူး၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာနတို့နှင့်အတူ ကံမမြို့ မြို့ပေါ်ရပ်ကွက်များရှိ ကုန်စုံဆိုင်များတွင် ကုန်အညွှန်းအမှတ်အသား ပြည့်စုံသောကုန်စည်များ ဈေးကွက်အတွင်းရောင်းချနေမှုရှိ/မရှိ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရပါသည်။

             ကံမမြို့နယ်တာဝန်ခံမှ စားသုံးသူများဘေးကင်းလုံခြုံစိတ်ချရမှုရှိစေရေးအတွက် ကုန်စုံဆိုင်ပိုင်ရှင်များအား စားသုံးသူကာကွယ်ရေးဥပဒေ ၂၀၁၉ အခန်း(၁၈) ပုဒ်မ(၄၁)အရ ကုန်စည်များတွင် ကုန်အညွှန်းအမှတ်အသားပြည့်စုံစွာဖော်ပြထားသည့် ကုန်စည်များသာရောင်းချရန်နှင့် မြန်မာဘာသာဖြင့် ဖော်ပြရမည့်အချက်များအား မဖြစ်မနေ ထည့်သွင်းဖော်ပြရမည်ဖြစ်ပြီး ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကို ထည့်သွင်းဖော်ပြရမည် ဖြစ်ကြောင်း၊ ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော ကုန်ပစ္စည်းများကို ရောင်းချနေ ကြောင်းစစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူဆောင် ရွက်သွားမည်ဖြစ်ပါကြောင်းနှင့် စားသုံးသူကာကွယ်ရေး ဥပဒေအခန်း(၁၀)ပါ စီးပွားရေးလုပ်ငန်းရှင်၏တာဝန်များအကြောင်း အသေးစိပ်ရှင်းလင်းပြောကြားခဲ့ကြောင်း သိရှိရပါသည်။

DOCA(မကွေး)