HighLight News

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ မုံရွာခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့် ဝန်ဆောင်မှုများဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့်ကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိပါသည်။ ထိုသို့ဈေးကွက်စောင့်ကြည့်စစ်ဆေးရာတွင် မိတ်ဖက်ဌာနဆိုင်ရာများနှင့်ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။

           မုံရွာခရိုင်အနေဖြင့် (၉/၂၀၂၄) လအတွင်း ခရိုင်ဦးစီးမှူးဦးဆောင်၍ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် စားသုံးသူရေးရာဌာနခွဲတာဝန်ခံတို့သည် မုံရွာမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များ၊  မုံရွာမြို့၊ ကျောက္ကာလမ်းပေါ်ရှိ ဆေးနှင့်ဆေးပစ္စည်းအရောင်းဆိုင်များ၊ မုံရွာမြို့၊ ကန်သာဦးရပ်ကွက်ရှိ လူသုံးကုန်နှင့် စားသောက်ကုန်ပစ္စည်းအရောင်းဆိုင်များ၊  မုံရွာမြို့၊ ကျောက္ကာလမ်းပေါ်ရှိ   လူသုံးကုန်နှင့် စားသောက်ကုန်ပစ္စည်းအရောင်းဆိုင်များအား  ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြပြီး ဌာန၏ ဥပဒေ၊ အမိန့်နှင့် ညွှန်ကြားချက်ပါအကြောင်းများကို အသိပညာပေးခြင်းများဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

        စားသုံးသူရေးရာဦးစီးဌာနမှ ကျောင်းသား/ ကျောင်းသူများအား စားသုံးသူအခွင့်အရေးအပြည့်အဝရရှိရန်နှင့် နစ်နာဆုံးရှုံးမှုများနှင့်စပ်လျဉ်း၍ တောင်းဆိုရယူတတ်စေရန်ရည်ရွယ်၍ အခြေခံအထက်တန်းကျောင်းများ၌ အသိပညာပေးဟောပြောခြင်းများဆောင်ရွက်လျက်ရှိရာ (၇-၁၀-၂၀၂၄)ရက်နေ့၊ နံနက် ၁၀း၀၀ နာရီအချိန်တွင် ဓနုဖြူမြို့၊ သပြု(အ.ထ.က)ရှိ အခြေခံပညာအထက်တန်းကျောင်းမှ ကျောင်းသား/ ကျောင်းသူ(၂၂၁)ဦးနှင့် ဆရာ/ဆရာမ ၈ဦးအား စားသုံးသူကာကွယ်ရေးအသိပညာပေးဟောပြောခြင်းများဆောင်ရွက်ပေးခဲ့သည်။

        အဆိုပါဟောပြောပွဲတွင် စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးမှ ဦးဝင်းမင်းစိုး (ဦးစီးအရာရှိ)က စားသုံးသူကာကွယ်ရေးဥပဒေအကြောင်းကိုလည်းကောင်း၊ ကျောင်းသား/ ကျောင်းသူများအနေဖြင့် မိမိတို့၏အခွင့်အရေးကိုအပြည့်အဝနားလည်ပြီး တောင်းဆိုရယူတတ်စေရန်၊ နစ်နာဆုံးရှုံးမှုများနှင့်စပ်လျဉ်း၍ တိုင်ကြားနိုင်ရန်အတွက် စားသုံးသူအခွင့်အရေးများနှင့်တာဝန်များ၊ ကုန်အညွှန်းအမှတ်အသားနှင့်စပ်လျဉ်း၍ ကုန်ပစ္စည်းများကို ဝယ်ယူသုံးစွဲခြင်းမပြုမီ သတိပြုရမည့်အချက်များကိုလည်းကောင်း၊ စားသုံးသူအခွင့်အရေးနှင့်စပ်လျဉ်း၍ နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Website မှဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြားနိုင်ကြောင်း၊ MPT၊ Ooredoo၊ Telenor၊ Mytel ဆင်းကဒ်များဖြင့်လည်းကောင်း ၁၅၃၅ နံပါတ်များသို့ခေါ်ဆို၍ ကုန်စည်(သို့)ဝန်ဆောင်မှုနှင့်စပ်လျဉ်း၍ သိရှိလိုသည်များကိုမေးမြန်းနိုင်ပါကြောင်း၊ စားသုံးသူအခွင့်အရေးနစ်နာဆုံးရှုံးမှုဖြစ်လာပါက တိုင်းကြား၍ရရှိကြောင်းကို အကျယ်တဝင့်ရှင်းလင်းပြောကြားခဲ့ပြီး အသိပညာပေးလက်ကမ်းစာစောင်များ၊ ကျောင်းသား/ ကျောင်းသူများထံသို့ ပေးအပ်ခဲ့သည်။ အသိပညာပေးဟောပြောပွဲသို့ ကျောင်းသား/ ကျောင်းသူ (၁၂၂၁) ဦးတက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

     ၈.၁၀.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ ချောင်းဆုံမြို့နယ်အတွင်းရှိ ဆန်ဂိုဒေါင်များနှင့်ဆန်ဆိုင်များတွင် ဆန်ဈေးနှုန်းများမြင့်တက်လျက်ရှိသည့် အတွက် ဆန်များအားဈေးနှုန်းမြှင့်တင်ရောင်းချခြင်းအလို့ငှာ သိုလှောင်ခြင်း၊ ဖြန့်ဖြူးရောင်းချခြင်းရှိ/ မရှိအား ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရသည်။

     ထိုသို့ ကွင်းဆင်းစစ်ဆေးရာတွင် ချောင်းဆုံမြို့နယ်ရှိ ဆန်ဂိုဒေါင်များနှင့် ဆန်ဆိုင်များတွင် ဈေးနှုန်းမြှင့်တင်ရောင်းချရန်အတွက် သိုလှောင်ခြင်း၊ ဖြန်းဖြူးရောင်းချခြင်းများ မရှိကြောင်း စစ်ဆေးတွေ့ရှိရပါသည်။

DOCA(မွန်)

    (၈.၁၀.၂၀၂၄) ရက်နေ့ နံနက် (၁၀:၀၀)နာရီအချိန်တွင် ရုံးချုပ်မှဦးဆောင်ကျင်းပသော “ဆီထွက်သီးနှံများ စွမ်းအားပြည့်ကြိတ်ခွဲနိုင်မှု အခြေအနေလုပ်ငန်းညှိနှိုင်းအစည်းအဝေး” သို့ စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးနှင့် ဝန်ထမ်းများ၊ ဆီစက်လုပ်ငန်းရှင်များသည် မွန်ပြည်နယ် စားသုံးသူရေးရာဦးစီးဌာန၊ အစည်းအဝေးခန်းမတွင် (Zoom)ဖြင့် တက်ရောက်ခဲ့ကြသည်။

        အစည်းအဝေးတွင် စားသုံးသူရေးရာဦးစီးဌာန၊ ညွှန်ကြားရေးမှူးချုပ်က အဖွင့်အမှာစကားပြောကြားပြီး စက်မှုကြီးကြပ်ရေးနှင့် စစ်ဆေးရေးဦးစီးဌာန၊ ညွှန်ကြားရေးမှူးချုပ်မှ ဆီကြိတ်ခွဲထုတ်လုပ်မှုအခြေအနေနှင့် စပ်လျဉ်း၍ ဆွေးနွေးခဲ့သည်။ ဆက်လက်၍  စိုက်ပျိုးရေးဦးစီးဌာန၊ ဒုတိယညွှန်ကြားရေးမှူးချုပ်က ဆီထွက်သီးနှံ စိုက်ပျိုးထွက်ရှိမှုနှင့်စပ်လျဉ်း၍ ဆွေးနွေးခဲ့ပြီး ကုန်သွယ်ရေးဦးစီးဌာန၊ ညွှန်ကြားရေးမှူး ဒေါ်မျိုးနွယ်အေးက ဆီထွက်သီးနှံတင်ပို့မှုနှင့် စားအုန်းဆီတင်သွင်းမှု အခြေအနေများအား ဆွေးနွေးခဲ့သည်။ ထို့နောက် မြန်မာနိုင်ငံဆီစက်လုပ်ငန်းရှင်များအသင်းဥက္ကဌနှင့် ဒုတိယဥက္ကဌတို့က ဆီစက်လုပ်ငန်းရှင်များကြုံတွေ့ရသည့် အခြေအနေများအား ဆွေးနွေးခဲ့သည်။  ထို့နောက် စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ်က စားဆီဖူလုံရေး၊ စွမ်းအားပြည့်ကြိတ်ခွဲနိုင်ရေးကိစ္စများနှင့်စပ်လျဉ်း၍ ဆွေးနွေးခဲ့ပြီး တက်ရောက်လာသူများမှ အကြံပြုဆွေးနွေးခဲ့ကြသည်။ ထို့နောက် စားသုံးသူရေးရာဦးစီးဌာန၊ ညွှန်ကြားရေးမှူးချုပ်က နိဂုံးချုပ်စကားပြောကြားခဲ့ပြီး အစည်းအဝေးကို နေ့လယ် (၁၂:၀၀) နာရီအချိန်တွင် ရုတ်သိမ်းခဲ့ကြောင်း သိရှိရသည်။

DOCA(မွန်)

         ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူးရုံးခန်းမ၌ စားသုံးဆီဖြန့်ဖြူးရောင်းချခြင်းဆိုင်ရာ လုပ်ငန်းစဉ်များနှင့် ပတ်သက်၍ လုပ်ငန်းညှိနှိုင်းအစည်းအဝေးကို အောက်တိုဘာလ(၄)ရက်နေ့၊ ညနေ (၁၆း၀၀)နာရီအချိန်တွင် ကျင်းပခဲ့ကြောင်းသိရသည်။

      အဆိုပါလုပ်ငန်းညှိနှိုင်းအစည်းအဝေးတွင် ကော့မှူးမြို့နယ်စီမံအုပ်ချုပ်ရေးအဖွဲ့ ခေတ္တဥက္ကဌ ဗိုလ်မှူးဇော်ဖြိုးမြင့်က ကော့မှူးမြို့နယ်အနေဖြင့် တစ်မြို့နယ်လုံး လူဦးရေစုစုပေါင်း (၁၃၅၀၉၂)ဦး နေထိုင်လျက်ရှိပြီး စားသုံးဆီလူတစ်ဦး တစ်ရက်စာနှုန်းအား (၂.၂၅)ကျပ်သားဖြင့်တွက်ချက်၍ တစ်မြို့နယ်လုံးအတိုင်းအတာအနေဖြင့် စားသုံးဆီခွဲတမ်းများကို အီကိုဟာမိုနီနှင့် ဇဗ္ဗူကံထွန်းကုမ္ပဏီများမှ ပြည့်မီအောင်ခွဲတမ်းရရှိထားပြီးဖြစ်သလို ၎င်းကုမ္ဗဏီများမှ စားသုံးဆီကိုယ်စားလှယ်များဖြစ်သော ဦးသိန်းထွဠ်၊ ဒေါ်ခင်ပြုံးဝေ၊ ဦးဇော်လတ်စိုးတို့အနေဖြင့် မိမိတို့ရရှိထားသည့်ခွဲတမ်းများအား စားသုံးသူပြည်သူများလက်ဝယ်တိုက်ရိုက်ဖြန့်ဖြူးရောင်းချခြင်း စားသုံးဆီကိုယ်စားလှယ်များမှတဆင့် ကျေးရွာ/ ရပ်ကွက်များတွင် ဖြန့်ဖြူးရောင်းချပေးနေသည့် တစ်ဆင့်ခံကိုယ်စားလှယ်များ စားသုံးဆီဖြန့်ဖြူးရောင်းချရာတွင် အိမ်ထောင်စုတစ်စု၏လူဦးရေနှင့်အညီ လူတစ်ဦးစားသုံးဆီ တစ်ရက်နှုန်း(၂.၂၅)ကျပ်သားဖြင့် တစ်ပတ်စာတွက်ချက်ပြီး စနစ်တကျဖြန့်ဖြူးရောင်းချပေးကြရန် မိမိတို့ဖြန့်ဖြူးရောင်းချပေးလိုသော အိမ်ထောင်စုစာရင်း၊ လူဦးရေ၊ စားသုံးဆီ ပိဿာစာရင်းတို့အားမှတ်တမ်းထားရှိရန်တစ်ပတ်စာစားသုံးဆီခွဲတမ်းများအား လက်ကျန်မထားဘဲ စားသုံးသူပြည်သူများ၏ သာရေး၊ နာရေး၊ အလှူတန်းများအတွက် သက်ဆိုင်ရာ အဖွဲ့အစည်းများ၏ ထောက်ခံချက်ဖြင့် ဖြန့်ဖြူးရောင်းချပေးကြရန် ဆွေးနွေးပြောကြားခဲ့ကြောင်းသိရသည်။ အဆိုပါ လုပ်ငန်းညှိနှိုင်းအစည်းအဝေးသို့ မြို့နယ်စီမံအုပ်ချုပ်ရေးအဖွဲ့ ခေတ္တဥက္ကဌ၊ မြို့နယ်အထွေထွေအုပ်ချုပ်ရေးဦးစီးဌာနမှ ခေတ္တမြို့နယ်အုပ်ချုပ်ရေးမှူးနှင့်ဝန်ထမ်းများ၊ မြို့နယ်ရဲတပ်ဖွဲ့မှခေတ္တ မြို့နယ်ရဲမှူး၊ စည်ပင်သာယာရေးအဖွဲ့မှ မြို့နယ်အမှုဆောင်အရာရှိ၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်စားသုံးဆီကိုယ်စားလှယ်များတက်ရောက်ခဲ့ကြောင်းသိရှိရပါသည်။

DOCA(ရန်ကုန်)