HighLight News

စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ ခုနှစ်၊ ဇွန်လ (၂၅) ရက်နေ့ နံနက် (၁၀ : ၀၀ ) နာရီအချိန်တွင် လွိုင်ကော်မြို့ပေါ်ရှိ ဆေးနှင့်ဆေးဝါးဆက်စပ်ပစ္စည်း အရောင်းဆိုင်များသို့ ကွင်းဆင်း၍ ဆေးနှင့်ဆေးပစ္စည်းများ ဖြစ်သင့်ဖြစ်ထိုက်သော ဈေးနှုန်း နှင့် ဈေးနှုန်းမြှင့်တင်ရောင်းချခြင်း၊ ပြည်နယ်အတွင်း ရောင်းဝယ်ဖောက်ကားခြင်း၊ ဆေးများ ပြတ်လပ်ခြင်း၊ ဈေးကွက်အတွင်း၌ စပ်ဆေးများ ရောင်းချခြင်း ရှိ/ မရှိ ၊ အိမ်သုံးဆေးဝါး များရောင်းချနေသော ဆေးဆိုင်များ၌ သက်တမ်းလွန်ဆေးဝါးများ ရောင်းချနေမှု ရှိ/ မရှိ စစ်ဆေးခြင်းတို့ကို မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့် စစ်ဆေးဆောင် ရွက်ခဲ့ပါသည်။ ထိုသို့ ဈေးကွက်စောင့်ကြည့်စစ်ဆေးခဲ့ရာတွင် ဆေးဆိုင်များ၌ ရောင်းချနေသောအိမ် သုံးဆေးဝါးများနှင့်ဆေးဝါးဆက်စပ်ပစ္စည်းများပြတ်လပ်မှုမရှိကြောင်း၊ သက်တမ်းလွန်ရောင်း ချခြင်းမရှိကြောင်း၊ ဆေးဝါးများဈေးနှုန်းမြှင့်တင်ရောင်းချခြင်းမရှိဘဲ၊ ဈေးကစားခြင်းအလိုငှာ သို့လှောင်ထားခြင်းလည်းမရှိကြောင်း၊ မိမိတို့အနေဖြင့် ဆေးများကို မန္တလေးမြို့၊ တောင်ကြီး၊ အောင်ပန်းမြို့တို့တွင် ဖြန့်ဖြူးရောင်းချနေသော ကုမ္ပဏီများထံမှ မှာယူရောင်းချကြောင်း၊ ဆေးများမှာယူရာတွင်လည်း အခက်အခဲမရှိကြောင်း၊ ရောင်းချနေသော ဆေးဝါးများသည် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် ၂/ ၂၀၁၉ ကုန် အ ညွှန်းအမှတ်အသားပါ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖော်ပြထားသော စာသားများပါကိုက်ညီမှုရှိတဲ့ ဆေးဝါးများသာ ဝယ်ယူရောင်းချလျက်ရှိကြောင်း သတင်းရရှိပါသည်။ DOCA(ကယား)

(၂၃-၆-၂၀၂၅)ရက်နေ့မှ (၂၇-၆-၂၀၂၅)ရက်နေ့အထိ စားသုံးသူရေးရာဦးစီးဌာန၊ ကယား ပြည်နယ် ဦးစီးမှူးရုံးအစည်းအဝေးခန်းမ၌ ဝန်ထမ်းစွမ်းဆောင်ရည်မြှင့်သင်တန်း(၂/၂၀၂၅) ဖွင့်လှစ်ခဲ့ရာ ပြည်နယ် ဦးစီးမှူးရုံးရှိ ဝန်ထမ်း(၁၁)ဦး တက်ရောက်ခဲ့ကြပါသည်။ အဆိုပါသင်တန်းတွင် သင်တန်းနည်းပြ(၄)ဦးက အဂတိလိုက်စားမှု တားဆီးကာကွယ်ရေး၊ နိုင်ငံ့ဝန်ထမ်းနည်းဥပဒေ၊ ရုံးလုပ်ငန်းလက်စွဲပါအခန်းများ၊ ငွေစာရင်းဆိုင်ရာကိစ္စရပ်များ၊ သတင်း အချက်အလက်နည်းပညာနှင့် အရည်အသွေးစီမံခန့်ခွဲရေးဘာသာရပ်ဆိုင်ရာများ၊ စားသုံးသူ ကာ ကွယ်ပေးရေးအကြောင်း သိကောင်းစရာ၊ ပြည်တွင်းကုန်သွယ်ရေးဖွံ့ဖြိုးမှုနှင့်သုတေသနဌာနခွဲ ဘာ သာရပ်၊ Recall and Ban အကြောင်းသိကောင်းစရာ၊ သတင်း/ဆောင်းပါးရေးသားနည်း အကြောင်းသိကောင်းစရာ၊ ခွင့်ကိစ္စအကြောင်းသိကောင်းစရာ၊ စစ်ဆေးရေးအရာရှိ၏ လုပ်ငန်း တာဝန်များ၊ ဝန်ထမ်းကျင့်ဝတ်၊ ကုန်အညွှန်းအမှတ်အသားအကြောင်းသိကောင်းစရာ၊ Online Shop အကြောင်းသိကောင်းစရာ၊ ငွေစာရင်းအကြောင်းသိကောင်းစရာနှင့် ဝန်ထမ်းမှတ်တမ်း စာအုပ် အကြောင်း သိကောင်းစရာစသည့် ဘာသာရပ်များကို သင်ကြားပို့ချပေးခဲ့ပါသည်။ ဝန်ထမ်းစွမ်းဆောင်ရည်မြှင့်သင်တန်းဖွင့်လှစ်ရခြင်းမှာ ဝန်ထမ်းများအားလုံး ရုံးလုပ်ငန်းများ ဆောင်ရွက်ရာတွင် အောင်မြင်စွာ ဆောင်ရွက်နိုင်ရေး အထောက်အကူဖြစ်စေရန်နှင့် ဦးစီးဌာန၏ မျှော်မှန်းချက် (vision) ၊ ရည်မှန်းချက်(Mission)များကို သိရှိနားလည်စေရန် ရည်ရွယ်၍ သင်တန်း ဖွင့်လှစ်ဆောင်ရွက်ခဲ့ခြင်းဖြစ်ကြောင်း သိရှိရပါသည်။ DOCA(ကယား)