HighLight News

   ပြည်ထောင်စုဝန်ကြီး၏ လမ်းညွှန်ချက်အရ စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဦးအောင်တင်စိုး (ခရိုင်ဦးစီးမှူး) သည် ၁၄-၆-၂၀၂၄ ရက်နေ့၊ နေ့လယ်(၁၅:၀၀)နာရီအချိန်တွင် အမှတ်(၂၅၉/၂၆၀)၊ ငမိုးရိပ်လမ်း၊ ဝါးတစ်ရာစက်မှုဇုန်၊ ရွှေပြည်သာမြို့နယ်ရှိ Fook Hink Paper Packing Limited မှ လှိုင်းတွန့်စက္ကူပုံးထုတ်လုပ်သည့်  စက်ရုံပိုင်ရှင် Mr.Chen Gexing အား တွေ့ဆုံမေးမြန်းရာတွင် စက်ရုံ၌ လုပ်သားအင်အားအနေဖြင့် ကျား(၆၀)၊ မ(၆၀) ပေါင်း(၁၂၀)ဦးဖြင့် လုပ်ငန်းလုပ်ကိုင်လျက်ရှိပြီး ပြည်တွင်း၊ ပြည်ပမှ ကုန်ကြမ်းများအသုံးပြု၍ လှိုင်းတွန့်စက္ကူပုံးများထုတ်လုပ်ကာ နိုင်ငံခြားသို့တင်ပို့သော ကုမ္ပဏီများအတွက် အဆင့်မြင့်စက္ကူဘူးများထုတ်လုပ်သော ကုမ္ပဏီဖြစ်ပြီး တစ်လလျှင် နိုင်ငံခြားဖြစ် စက္ကူတန် (၅၀၀)၊ ပြည်တွင်းဖြစ် စက္ကူတန် (၅၀၀)အသုံးပြု၍ တစ်လလျှင် တန်(၁၀၀၀)စက္ကူပုံးထုတ်လုပ်ပါသည်။ ကုန်ကြမ်းအနေဖြင့် နိုင်ငံခြားဖြစ်စက္ကူ၊ ပြည်တွင်းဖြစ်စက္ကူ၊ ပုံနှိပ်မှင်၊ ကော်ရည်၊ ချုပ်ကလစ်တို့ကိုအသုံးပြုရပြီး ပြည်တွင်းဖြစ်စက္ကူနှင့် ကော်ရည်မှာ ပြည်တွင်း၌ဝယ်ယူရရှိပြီး နိုင်ငံခြားဖြစ်စက္ကူပုံနှိပ်မှင်နှင့် ချုပ်ကလစ်မှာ ပြည်ပမှ မှာယူခဲ့ရသည့်ပစ္စည်းများဖြစ်ပါသည်။ ကုန်ကြမ်းလက်ကျန်အနေဖြင့် နိုင်ငံခြားဖြစ်စက္ကူတန်(၅၀၀)၊ ပြည်တွင်းဖြစ်စက္ကူတန် (၁၀၀၀)၊ ပုံနှိပ်မှင်(၁)တန်ခန့်၊ ချုပ်ကလစ် တန်(၃၀)ခန့်သာကျန်ရှိ၍ ပြည်တွင်း၊ ပြည်ပမှ မှာယူရသောကုန်ကြမ်းမှာ (၁)လခန့်သာအသုံးပြုနိုင်ကြောင်း ကွင်းဆင်းစစ်ဆေးချက်များအရသိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဦးဇော်မျိုးထွန်း၊ ဦးစီးမှူးပါ ဝန်ထမ်း(၃)ဦးတို့သည် ၁၄-၆-၂၀၂၄ ရက်နေ့၊ နံနက် (၁၀:၂၀) နာရီအချိန်တွင် ရွှေပြည်သာမြို့နယ်ရှိ စားသုံးဆီရောင်းချသောဆိုင်များသို့သွားရောက်၍ ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

      ထိုသို့ကွင်းဆင်းဆောင်ရွက်ခဲ့ရာတွင် ရွှေပြည်သာမြို့နယ်၊ ပြည်သူ့ကျန်းမာရေးဦးစီးဌာနမှ ဒေါက်တာဇင်မာအေး၊ အထွေထွေအုပ်ချုပ်ရေးဦးစီးဌာနမှ ဒေါ်စိုးစန္ဒာကျော် (ဒု-ဦးစီးမှူး)၊ မြို့နယ်စည်ပင်သာယာအုပ်ချုပ်ရေးဌာနမှ ဦးကျော်သူရထွေး (လက်ထောက်အုပ်ချုပ်ရေးမှူး)နှင့် ပတ္တမြားဈေးမှ ဒု-တာဝန်ခံများပူးပေါင်းပါဝင်လျက် ရောနှောဆီများဖြစ်သော ရွှေနန်းထိုက်၊ ရွေတောင်၊ ရွှေရောင်းရင်းနှင့် လာဒ်ရွှင်အမှတ်တံဆိပ်များတွေ့ရှိရပြီး စားသုံးဆီအမျိုးမျိုးဖြစ်သော ရန်ကုန်၊ အမွေထွား၊ တော်ဝင်၊ Cook၊ Meizan၊ Louts၊ ရွှေအုံ၊ Sunar နှင့် Goody ဆီအမျိုးအစားအားလုံးတွင် အခန်း(၁၈)၌ဖော်ပြထားသော ကုန်အညွှန်းအမှတ်အသားတွင် ပါဝင်ရမည့်အချက်အလက်များ ပြည့်စုံစွာပါရှိ၍ အမှတ်တံဆိပ်မပြည့်စုံသော ကုန်ပစ္စည်းများကိုမရောင်းချကြရန် သတိပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌  တိုက်ရိုက်မျိုးစေ့ချကိရိယာ (Seeder) အသုံးပြုခြင်းကြောင့် ရရှိလာသည့်အကျိုးကျေးဇူးများကို အသိပညာပေးဟောပြောခြင်းနှင့် မိုးစပါးစိုက်ပျိုး ခြင်းအခမ်းအနားကို ၂၀၂၄ခုနှစ်၊ ဇွန်လ(၁၁)ရက်နေ့၊ နံနက်(၀၈း၀၀)နာရီအချိန်တွင် အဖျောက်ကျေးရွာ၊ အဖျောက်ကွင်း ဦးအမှတ်(၂/၂)၊ ကွင်းအမှတ်(၂၇၇)ရှိ ဦးစန်းလွင်၏လယ်မြေ(၅)ဧကတွင် ကျင်းပခဲ့ကြောင်း သိရသည်။

    အဆိုပါအခမ်းအနားတွင် ကော့မှူးမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဒေဝက အဖွင့်အမှာစကားပြောကြားခဲ့ရာတွင် နိုင်ငံတော်၏လယ်မြေများ စိုက်ပျိုးထုတ်လုပ်မှုဖွံ့ဖြိုးတိုးတက်စေရေးအတွက် ယခုကဲ့သို့ တိုက်ရိုက်မျိုးစေ့ချကိရိယာ (Seeder) အသုံးပြုခြင်းကြောင့် ရရှိလာမည့် အကျိုးကျေးဇူးများကိုပြောကြားခဲ့ပြီး စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးသက်နိုင်နှင့် စက်မှုလယ်ယာဦးစီးဌာနမှ မြို့နယ်ဦးစီးမှူး ဦးကျော်ဟိန်းတို့က တိုက်ရိုက်မျိုးစေ့ချကိရိယာ (Seeder) ၏ထူးခြားချက်၊ အားသာချက်၊ စွမ်းဆောင်ချက်များ၊ ကုန်ကျစရိတ်သက်သာပြီး အချိန်မီစိုက်ပျိုးရိတ်သိမ်းနိုင်ခြင်း၊ အထွက်နှုန်း ကောင်းမွန်ခြင်းတို့ကြောင့် မိုးစပါးစိုက်တောင်သူများအနေဖြင့် ဝင်ငွေတိုးတက်စေခြင်း စသည့်အကျိုးကျေးဇူးများအား အသေးစိတ်ရှင်းလင်းဆွေးနွေးအသိပညာပေးပြောကြားခဲ့ကြောင်းသိရသည်။

        အဆိုပါ တိုက်ရိုက်မျိုးစေ့ချကိရိယာ (Seeder) ဖြင့် မိုးစပါးစိုက်ပျိုးခြင်းအခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဒေဝနှင့် အဖွဲ့ဝင်(၂) ဦးမြင့်ဦး၊ အထွေထွေအုပ်ချုပ်ရေးဦးစီးဌာနမှ ဒုတိယ မြို့နယ်အုပ်ချုပ်ရေးမှူးနှင့်ဝန်ထမ်းများ၊ မြို့နယ်ဌာနဆိုင်ရာများမှ တာဝန်ရှိသူများ၊ ရပ်ကွက်ကျေးရွာများမှ အုပ်ချုပ်ရေးမှူးနှင့် တောင်သူများတက်ရောက်ခဲ့ကြောင်းသိရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင်  နိုင်ငံ့စီးပွားမြှင့်တင်ရေးစီမံကိန်းကြီးကြပ်မှုကော်မတီလုပ်ငန်းညှိနှိုင်းအစည်းအဝေးအား ကော့မှူးမြို့နယ်၊ အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်းမ၌ ၂၀၂၄ခုနှစ်၊ ဇွန်လ(၁၃)ရက်နေ့၊ နေ့လယ် (၁၅၀၀) နာရီအချိန်တွင် ကျင်းပခဲ့ကြောင်းသိရသည်။

      အဆိုပါလုပ်ငန်းညှိနှိုင်းအစည်းအဝေးတွင် မြို့နယ်အုပ်ချုပ်ရေးမှူး ဦးကျော်ဒေဝက နိုင်ငံ့စီးပွားမြှင့်တင်ရေးရန်ပုံငွေမှ ကော့မှူးမြို့နယ်အတွင်း စိုက်ပျိုးရေး၊ မွေးမြူရေး၊ သမဝါယမလုပ်ငန်း၊ အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များအား ၎င်းတို့နှင့်ဆက်စပ်လုပ်ငန်းများ၊ ဖွံ့ဖြိုးတိုးတက်ရေးအတွက် ထုတ်ချေးငွေများပြန်လည်ကောက်ခံရရှိမှု၊ အသုံးစရိတ်ကျခံသုံးစွဲမှုများကို (၆)လတစ်ကြိမ် နိုင်ငံတော်စီမံအုပ်ချုပ်ရေးကောင်စီသို့ တင်ပြရမည်ဖြစ်ကြောင်း၊ နိုင်ငံ့စီးပွားမြှင့်တင်ရေးစီမံကိန်းရန်ပုံငွေဖြင့် ဆောင်ရွက်ထားသော စီမံကိန်းများကို ဖော်ပြထားသည့်အတိုင်း လုပ်ကိုင်ဆောင်ရွက်နေခြင်းရှိ/မရှိ‌စစ်ဆေးရန် မြို့နယ်ကြီးကြပ်မှုကော်မတီကို ဖွဲ့စည်းဆောင်ရွက်ခဲ့ခြင်းဖြစ်ကြောင်းပြောကြားဆွေးနွေးခဲ့ပြီး အစည်းအဝေးသို့တက်ရောက်လာသော ဌာနဆိုင်ရာတာဝန်ရှိသူများက မြို့နယ်ကြီးကြပ်မှုကော်မတီအနေဖြင့် လုပ်ဆောင်ရမည့်လုပ်ငန်းတာဝန်များအား ညှိနှိုင်းဆွေးနွေးပေးခဲ့ကြကြောင်းသိရသည်။

       အဆိုပါလုပ်ငန်းညှိနှိုင်းအစည်းအဝေးသို့ မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးနှင့်ဝန်ထမ်းများ၊ ငါးလုပ်ငန်းဦးစီးဌာနမှ မြို့နယ်ဦးစီးမှူး၊ မြေစာရင်းဦးစီးဌာနမှ မြို့နယ်ဦးစီးမှူး၊ မြန်မာ့စီးပွားရေးဘဏ်မှ မြို့နယ်မန်နေဂျာ၊ စီမံကိန်းရေးဆွဲရေးဦးစီးဌာနမှ မြို့နယ်ဦးစီးမှူး၊ ဥပဒေရုံးမှ မြို့နယ်ဥပဒေအရာရှိ၊ မြန်မာနိုင်ငံရဲတပ်ဖွဲ့မှ မြို့နယ်ရဲတပ်ဖွဲ့မှူး၊ စိုက်ပျိုးရေးဦးစီးဌာနမှ မြို့နယ်မန်နေဂျာ၊ သမဝါယမဦးစီးဌာနမှ မြို့နယ်ဦးစီးမှူး၊ မွေးမြူရေးနှင့်ကုသရေးဦးစီးဌာနမှ မြို့နယ်ဦးစီးမှူး၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ကျေးလက်လမ်းဦးစီးဌာနမှ မြို့နယ်ဦးစီးမှူးတို့တက်ရောက်ခဲ့ကြောင်းသိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်၊ လှည်းကူးမြို့နယ်ခွဲတာဝန်ခံ ဒေါ်မြင့်မြင့်စန်းသည် ၁၂-၆-၂၀၂၄ ရက်နေ့၊ နံနက် (၁၀:၃၀) နာရီအချိန်တွင် လှည်းကူးမြို့နယ်၊ မြို့မဈေးကုန်စုံဆိုင်များသို့သွားရောက်ကာ စားအုန်းဆီနှင့်ပတ်သက်၍ ကွင်းဆင်းဆောင်ရွက်ခြင်းလုပ်ငန်းများဆောင်ရွက်ခဲ့ပါ သည်။

     ထိုသို့ဆောင်ရွက်ခဲ့ရာတွင် လှည်းကူးမြို့နယ်တွင် ကုမ္ပဏီ(၁)ခုရှိပြီး ရရှိခွဲတမ်းများကို လက်လီရောင်းချသူများ၊ ဈေးအတွင်း၊ ဈေးအပြင်၊ ရပ်ကွက်ကုန်စုံဆိုင်၊ စားသောက်ဆိုင်၊ ဝန်ထမ်းများသို့ ခွဲဝေပေးခဲ့ကြောင်းသိရှိရပြီး ဆက်လက်၍ လက်လီကိုယ်စားလှယ်များဖြစ်သော ဒေါ်ဥမ္မာခင်နှင့် ဦးအောင်ကိုးကုန်စုံဆိုင်များအား ကွင်းဆင်းစစ်ဆေးခဲ့ရာ စားသုံးသူပြည်သူတစ်ဦးလျှင် ဆီ(၅၀)ကျပ်သားနှုန်းဖြင့် ရောင်းချပေးနေကြောင်းသိရှိရပြီး ၎င်းနောက် စားအုန်းဆီများကို လက်ကျန်မထားရန် တစ်နေ့စာ တစ်နေ့ကုန်အောင်ရောင်းပြီး ဈေးနှုန်းကိုလည်းမြှင့်တင်မရောင်းချကြရန်နှင့် ရောင်းချပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူမည်ဖြစ်ကြောင်း အသိပညာပေးပြောကြားခဲ့ပါသည်။

DOCA(ရန်ကုန်)