HighLight News

     ပဲခူးတိုင်းဒေသကြီး၊  စားသုံးသူရေးရာဦးစီးဌာ၊ တိုင်းဒေသကြီးဦးစီးမှူး၏ လမ်းညွှန်မှုဖြင့် သာယာဝတီခရိုင်ဦးစီးမှူးက   ကြီးကြပ်၍  ခရိုင်ဦးစီးမှူးရုံးမှ ဝန်ထမ်းများသည် ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့၊ စည်ပင်သာယာမြို့မဈေးအတွင်း/အပြင်ရှိ ကုန်စုံဆိုင်များနှင့် ဈေးကွက်အတွင်းသို့သွားရောက်ကာ ဆီများရောင်းချနေမှုအခြေအနေများကိုသိရှိရန် ကွင်းဆင်းစစ်ဆေးဆောင်ရွက်လျက်ရှိပါသည်။

     ထိုသို့စစ်ဆေးရာတွင် သာယာဝတီခရိုင်ဦးစီးမှူးရုံးမှ ခရိုင်ဦးစီးမှူး၊ ဒု-ခရိုင်ဦးစီးမှူး၊ သတင်း/နည်းဌာနခွဲတာဝန်ခံ၊ စားသုံး/ထုတ်လုံဌာနခွဲတာဝန်ခံ၊ ငွေစာရင်းဌာနခွဲမှ ဝန်ထမ်းတို့သည် (၂၂-၁- ၂၀၂၄) ရက်နေ့တွင် မင်းလှမြို့ဈေးအတွင်း ရောင်းချလျက်ရှိသော ဒေါ်စိုးစိုးကုန်စုံဆိုင်နှင့် အခြားကုန်စုံဆိုင်လုပ်ငန်းရှင်များအား စားအုံးဆီခွဲတမ်းရရှိမှု၊ ရောင်းချမှုအခြေအနေ၊ သတ်မှတ်ဈေးနှုန်းနှင့်အညီ ရောင်းချမှုရှိ/မရှိ၊ အလေးချိန်၊ အချင်အတွယ်မှန်ကန်မှုရှိ/မရှိ၊  စားအုံးဆီကို အရောဆီပြုလုပ်၍ ဈေးနှုန်းမြှင့်တင်ရောင်းချမှုမရှိစေရေးတို့ကို သတိပေးပြောကြားခဲ့ပါသည်။ ဆိုင်ပေါ်တွင် တင်ရောင်းထားသော ပါကင်ဘူးတံဆိပ်ပါ စားဆီများ၏ ဈေးနှုန်း/ဈေးကွက်အခြေအနေနှင့် ကုန်အညွှန်းအမှတ်အသားပြည့်စုံမှုရှိ/မရှိ ရောင်းချနေမှုအား ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဦးချစ်ကိုကိုသည် စိုက်ပျိုးရေး၊ စည်ပင်၊ အခွန်ဦးစီးဌာနတို့ပါဝင်သော ပူးပေါင်းအဖွဲ့ဝင်များနှင့် (၂၃-၁-၂၀၂၄) ရက်နေ့၊ နံနက်(၁၀း၀၀) နာရီအချိန်တွင်  သိုက်ဝါးချောင်းကျေးရွာအုပ်စု၊ ဂွေးတောက်ကွင်းကျေးရွာအုပ်စု၊ မကျီးကွင်းကျေးရွာအုပ်စုများသို့ သွားရောက်ကွင်းဆင်းလေ့လာခဲ့ပါသည်။

     ထိုသို့ကွင်းဆင်းရာ၌ စပါး၊ ပဲ၊ ပြောင်း၊ နှမ်း၊ မြေပဲသီးနှံများစိုက်ပျိုးမှုတွင် ပန်းတိုင်အထွက်နှုန်းပြည့်မီရေးအတွက်  အထွက်ကောင်းမျိုးကောင်း၊ မျိုးသန့်များရွေးချယ်စိုက်ပျိုးရန်နှင့် စပါးစိုက်ပျိုးရာတွင် မျိုးစေ့ကြဲပက်စိုက်ပျိုးခြင်းမပြုလုပ်ဘဲ အစေ့ချတိုက်ရိုက်စိုက်ပျိုးနည်းဖြင့်လည်းကောင်း၊ ပျိုးထောင်၍ လက်စိုက် (သို့မဟုတ်) ကောက်စိုက်စက်များဖြင့် စိုက်ပျိုးရန် လည်းကောင်း တွေ့ဆုံဆွေးနွေးခဲ့ပြီးနောက်း ပျိုးထောင်စိုက်ပျိုးနေမှုအခြေအနေများနှင့်  စိမ်းစိုမြေဩဇ ာ(ပိုက်ဆံလျှော်) မျိုးစေ့ထုတ စိုက်ကွင်းသို့သွားရောက်၍ ကွင်းဆင်းလေ့လာခဲ့ကြောင်းသိရှိရပါသည်။

DOCA(ပဲခူး)

   ပုသိမ်ခရိုင်၊ ပုသိမ်မြို့နယ်တာဝန်ခံသည် မြို့နယ်စည်ပင်သာယာရေးအဖွဲ့နှင့်အတူ မင်းကြီးလမ်းရှိ ဆူမိုစတိုးဆိုင်တွင်ရောင်းချနေသော အချိုရည်မျိုးစုံများအား စားသုံးသူများ ဘေးဥပဒ်အန္တရာယ်မဖြစ်စေရေးနှင့် ကုန်အညွှန်းအမှတ်အသားပြည့်စုံမှုမရှိသောကုန်စည်များ ဈေးကွက်အတွင်းမှ ပပျောက်စေရန်ရည်ရွယ်၍ စားသုံးသူရေးရာဦးစီးဌာနက ဦးဆောင်၍ စည်ပင်သာယာရေးအဖွဲ့နှင့်အတူ ၂၀၂၄ခုနှစ်၊ ဇန်နဝါရီလ (၁၅)ရက်နေ့၊ နံနက် (၁၀း၀၀) နာရီအချိန်၌ ကွင်းဆင်းစစ်ဆေးခဲ့ကြပါသည်။

  အဆိုပါအချိုရည်ဆိုင်အတွင်းရှိ အချိုရည်မျိုးစုံ၌ ကုန်အညွှန်းအမှတ်အသားကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန်အညွှန်းအမှတ်အသားကိုက်ညီမှု ရှိကြောင်းစိစစ်တွေ့ရှိရပြီး လုပ်ငန်းရှင်များအား ကုန်အညွှန်းအမှတ်အသားပြည့်စုံမှုမရှိသောကုန်စည်များ၊ မြန်မာဘာသာဖြင့်ဖော်ပြထားခြင်းမရှိသော ကုန်စည်များမှာ ထုတ်ကုန်လုံခြုံစိတ်ချရမှုမရှိသဖြင့် မရောင်းချရန် အသိပညာပေးပြောကြားခဲ့ပြီးနောက် စားသုံးသူကာကွယ်ရေးဥပဒေပါ ညွှန်ကြားချက်အမှတ် (၂/၂၀၁၉) ပါအတိုင်း သတ်မှတ်ချက်နှင့်အညီ ဆောင်ရွက်နိုင်ရန်အတွက် စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်၊ ကျုံပျော်မြို့နယ်တာဝန်ခံရုံးမှ မြို့နယ်တာဝန်ခံသည် စားသုံးသူဘေးအန္တရာယ်ကင်းရှင်းစွာသုံးစွဲနိုင်ရေးရည်ရွယ်၍ ၂၀၂၄ခုနှစ်၊ ဇန်နဝါရီလ (၂၂)ရက်နေ့၊ နံနက် (၁၁း၀၀) နာရီအချိန်တွင် မြို့နယ်တာဝန်ခံရုံး၌ ကျုံပျော်မြို့နယ်၊ ကျုံတနီးရွာရှိ မုန့်လုပ်ငန်းရှင်နှင့်တွေ့ဆုံဆွေးနွေးအသိပညာပေးခဲ့ပါသည်။

    ထိုသို့ဆွေးနွေးရာတွင် စားသုံးသူရေးရာဦးစီးဌာန၊ ပုသိမ်ခရိုင်၊ ကျုံပျော်မြို့နယ်တာဝန်ခံက မည်သည့်စီးပွားရေးလုပ်ငန်းရှင်မဆို ကုန်စည်များပေါ်တွင် ကုန်အညွှန်းအမှတ်အသားပြည့်စုံစွာဖော်ပြရန်နှင့် (၂၀၁၉) စားသုံးသူကာကွယ်ရေးဥပဒေပါ ပြဋ္ဌာန်းချက်များနှင့်အညီ ထုတ်လုပ်ရောင်းချခြင်းများပြုလုပ်ကြရန်အလို့ငှာ ကုန်စည်များတွင် ကုန်အညွှန်းအမှတ်အသားပြည့်စုံမှုရှိ/မရှိ စစ်ဆေးခဲ့ပြီးနောက် စားသုံးသူကာကွယ်ရေးဆိုင်ရာအသိပညာများဟောပြောဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး၏ ညွှန်ကြားချက်အရ အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် မင်္ဂလာတောင်ညွန့်မြို့နယ်၊ MAKRO သို့ (၂၂-၁-၂၀၂၄) ရက်နေ့တွင် သွားရောက်၍ မြေပြင်ကွင်းဆင်းစစ်ဆေးမှုများဆောင်ရွက်ခဲ့ကြောင်းသိရှိရပါသည်။

     အဆိုပါကွင်းဆင်းစစ်ဆေးမှူများကို ဦးနေလင်း (ဒုကြီးကြပ်ရေးမှူး) နှင့်အတူ ဝန်ထမ်း(၃)ဦးသည် MAKRO ၏ တာဝန်ရှိသူများနှင့်တွေ့ဆုံ၍ MAKRO အတွင်းရောင်းချနေသော စားသုံးဆီအမျိုးမျိုးနှင့် ကလေးတစ်ကိုယ်ရည်သုံးပစ္စည်းများဖြစ်သော Baby Mild, KoDoMo, Annaku, စသည့်အမှတ်တံဆိပ်များရှိသည့် ရေချိုးဆပ်ပြာ၊ ပေါင်ဒါ၊ ခေါင်းလျော်ရည်၊ Lotion, Cream, Diaper စသည့်ပစ္စည်းများကိုစစ်ဆေးရာတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းဆိုင်ရာ ပြဋ္ဌာန်းချက်များနှင့်အညီ ရေးသားဖော်ပြထားသည်ကိုတွေ့ရှိရပြီး သက်ဆိုင်ရာတာဝန်ခံများကိုလည်း MAKRO အတွင်းရောင်းချမည့် ကုန်စည်များနှင့်ပတ်သက်ပြီး စားသုံးသူကာကွယ်ရေးဥပဒေ၊ နည်းဥပဒေ၊ လုပ်ထုံးလုပ်နည်းများနှင့်ကိုက်ညီမှုရှိသော ကုန်စည်များ၊ ကုန်ညွှန်းအမှတ်အသားပြည့်စုံစွာပါရှိသော ကုန်ပစ္စည်းများကိုသာရောင်းချရန်လိုအပ်ကြောင်း အသိပညာပေးပြောကြားခဲ့မှုကိုသိရှိရပါသည်။

DOCA(ရန်ကုန်)