HighLight News

    ဧရာဝတီတိုင်းဒေသကြီး၊ ဖျာပုံခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးဦးဆောင်၍ ဘိုကလေးမြို့နယ်တာဝန်ခံနှင့်  ခရိုင်ဆီကုန်သည်ဥက္ကဋ္ဌနှင့်  ဝန်ထမ်းတို့သည် ၂၀၂၄ခုနှစ်၊   ဇန်နဝါရီလ (၆) ရက်နေ့၊ နံနက်(၁၀:၀၀)နာရီအချိန်တွင် ကုန်မျိုးစုံလုပ်ငန်းရှင်(၂၆)ဦးတို့အား ဘိုကလေးမြို့နယ်တာဝန်ခံရုံး၌ စားသုံးသူကာကွယ်ရေးအသိပညာများကို ဟောပြောဆွေးနွေးခဲ့ပါသည်။ 

    အဆိုပါအသိပညာပေးဟောပြောပွဲတွင် ခရိုင်ဦးစီးမှူးက စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့်တာဝန်များ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့်  အခွင့်အ‌ရေးများ၊  လုပ်ငန်းရှင်များက မိမိတို့ဖြန့်ဖြူးသော  ကုန်စည်များ၏တာဝန်ယူမှု၊ အာမခံချက်များအကြောင်း၊ ပုဇွန်တံဆိပ်ပါ ချိတ်ပိတ်ဘူးဆီများကို ရောင်းချခြင်းမပြုရန် ပြောကြားခဲ့ပြီး၊ မြို့နယ်တာဝန်ခံက စားသုံးဆီများအား ရည်ညွှန်းဈေးဖြင့်ရောင်းချပေးရန်၊ ပဲရော/   နှမ်းရောဆီများမှာ ဈေးကွက်တွင်မရှိကြောင်း၊ ချိတ်ပိတ်ဘူးဆီများနှင့်ပတ်သက်၍ FDA ၏ ထောက်ခံ ချက်ပါရှိရမည်ဖြစ်ပြီး ကုန်အညွှန်းများကိုကြည့်လျှင် မြန်မာဘာသာဖြင့်ဖော်ပြထားသော ဘူးဆီများကိုသာ ရွေးချယ်ဝယ်ယူ ရောင်းချကြရန်နှင့် မြို့နယ်များတွင်လည်း ကုန်ဈေးနှုန်းကျဆင်းရေးတည်ငြိမ်ရေးအတွက်  အဖွဲ့များဖွဲစည်းထားကြောင်း၊ တရားမဝင်ကုန်စည်များနှင့်ပတ်သက်၍ ဝယ်ယူရောင်းချခြင်းမပြုရန် အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)

ဧရာဝတီတိုင်းဒေသကြီး ဖျာပုံခရိုင်၊ ဒေးဒရဲမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းတို့သည် ၂၀၂၄ခုနှစ်၊ ဇန်နဝါရီလ(၈)ရက်နေ့၊ နံနက်(၁၁:၀၀)နာရီအချိန်တွင် ဒေးဒရဲမြို့ လေးကုန်းကျေးရွာ (အ.မ.က)ကျောင်း၌ စားသုံးသူကာကွယ်ရေးအသိပညာပေး ဟောပြောခြင်းကိုဆောင်ရွက်ခဲ့ပါသည်။
အဆိုပါဟောပြောပွဲတွင် ဒေးဒရဲမြို့နယ်၊ မြို့နယ်တာဝန်ခံ ဦးသိန်းမောင်က စားသုံးသူကာကွယ်ရေးဥပဒေပါ စားသုံးသူတို့၏အခွင့်အရေးနှင့်တာဝန်များ၊ တားမြစ်ကုန်စ္စည်များအကြောင်း၊ ကုန်အညွှန်းအမှတ်အသားဆိုင်ရာများ၊ ဈေးကွက်အတွင်းရှိ စားသောက်ကုန်စည်များကိုလည်း ရွေးချယ်ဝယ်ယူစားသောက်ကြရန်နှင့် ဘေးအန္တရာယ်ရှိသောကုန်စည်နှင့် ဘေးအန္တရာယ်မရှိ သောကုန်စည်များကိုနှိုင်းယှဉ်ဖော်ပြခြင်း၊ စားသုံးသူများနစ်နာဆုံးရှုံးမှုရှိလာပါက တိုင်ကြားနိုင်မှုအခြေအနေများကို အသိပညာပေးဟောပြောခဲ့ပြီး အခမ်းအနားသို့ ဆရာ/ဆရာမ(၅)ဦး၊ ကျောင်းသား/ကျောင်းသူ(၉၆)ဦး၊ စုစုပေါင်း(၁၀၁)ဦးတက်ရောက်ခဲ့ကြောင်း သတင်းရရှိပါသည်။
DOCA(ဧရာဝတီ)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေး/ ချောက်ခရိုင်အတွင်းရှိ ဝန်ထမ်းများသည် “ထုတ်ကုန်လုံခြုံစိတ်ချရမှုအစ ကုန်အညွှန်းအမှတ်အသားက” ဆိုသည့်အတိုင်း စျေးကွက်အတွင်းရှိကုန်စည်များတွင် စားသုံးသူကာကွယ်ရေးဥပဒေ ၂၀၁၉ အခန်း(၁၈)ပါ ကုန်အညွှန်းအမှတ်အသားဖော်ပြရာတွင် ပြည့်စုံစွာပါဝင်ရမည့်အချက်အလက်များ၊ ပြည့်စုံမှန်ကန်စွာဖော်ပြထားခြင်းရှိ/မရှိနှင့် အစားအသောက်နှင့်ဆေးဝါးကွပ်ကဲ‌ရေးဦးစီးဌာနက စားသုံးရန်မသင့်ဟုတားမြစ်ထားသော ကုန်စည်များရောင်းချမှုရှိ/မရှိတို့အား မိတ်ဖက်ဌာနများနှင့်ပူးပေါင်းပြီး လစဉ် ဆောင်ရွက်လျက်ရှိပါသည်။

      မကွေး/ ချောက်ခရိုင်အတွင်းရှိ မြို့နယ်များမှ ၂၀၂၃ခုနှစ်၊ ဒီဇင်ဘာလအတွင်း စျေးကွက်စောင့်ကြည့်စစ်ဆေးခြင်းများကို မြို့နယ်အလိုက်ဆောင်ရွက်မှုမှာ  မကွေးမြို့နယ်၌ (၉)ကြိမ်၊ တောင်တွင်းကြီးမြို့နယ်၌ (၂)ကြိမ်၊ မြို့သစ်မြို့နယ်၌ (၂)ကြိမ်၊ နတ်မောက်မြို့နယ်၌ (၂)ကြိမ်၊ ချောက်မြို့နယ်၌ (၃)ကြိမ်၊ ရေနံချောင်းမြို့နယ်၌ (၄)ကြိမ်၊ စုစုပေါင်း (၂၂)ကြိမ်ဆောင်ရွက်ခဲ့ပြီး ရုံးချုပ်၏ညွှန်ကြားချက်အရ သောက်ရေသန့်အမျိုးမျိုး၌ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်ကိုက်ညီမှုရှိ/မရှိစစ်ဆေးခြင်း၊ မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် စျေးကွက်အတွင်း စားသုံးဆီအတုပြုလုပ်ဖြန့်ဖြူးရောင်းချခြင်းရှိ/မရှိ၊ တရားမဝင်တင်သွင်းလာသော ပုဇွန်အမှတ်တံဆိပ် စားအုန်းဆီများ စျေးကွက်အတွင်းရောင်းချမှုရှိ/မရှိ၊ စက်သုံးဆီဆိုင်များ၌ သတ်မှတ်ရည်ညွှန်းစျေးနှုန်းများအတိုင်း ရောင်းချမှုရှိ/မရှိနှင့် စက်သုံးဆီပြတ်လပ်မှုရှိ/မရှိတို့ကို မိတ်ဖက်ဌာနများနှင့်ပူးပေါင်း၍ မြို့နယ်အလိုက် စျေးကွက်စောင့်ကြည့်စစ်ဆေးခဲ့ကြကြောင်းသိရှိရပါသည်။

DOCA(မကွေး)

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ စည်ပင်သာယာမြို့မဈေးအတွင်း/အပြင်နှင့် ရပ်ကွက်များရှိ စားသောက်ကုန်ပစ္စည်းအရောင်းဆိုင်များအား ဒီဇင်ဘာလ(၃၁) ရက်နေ့၊ နေ့လယ် (၁၀:၃၀) နာရီအချိန်တွင် ကွင်းဆင်းစစ်ဆေးခဲ့ကြောင်းသိရှိရပါသည်။

   ထိုသို့ ဈေးကွက်အတွင်းကွင်းဆင်းစစ်ဆေးရာတွင် မြို့နယ်စည်ပင်သာယာဦးစီးဌာန၊ မြို့နယ်ကျန်းမာရေးဦးစီးဌာန၊ စားသုံးသူရေးရာဦးစီးဌာနမှ မြို့နယ်တာဝန်ခံတို့ပူးပေါင်း၍ ကော့မှူးမြို့နယ်၊ စည်ပင်သာယာမြို့မဈေးအပြင်နှင့် ရပ်ကွက်များရှိ ဗိုလ်ချုပ်လမ်းမကြီး၊ မြို့မရပ်ကွက်မှ မုဒိတာစတိုးနှင့် စည်ပင်လမ်း၊ မကျီးကန်ရပ်ကွက်မှ အန်တီအုန်းစတိုး စားသောက်ကုန်ပစ္စည်းအရောင်းဆိုင်များသို့သွားရောက်၍ လုပ်ငန်းရှင်များနှင့်တွေ့ဆုံကာ စားသုံးသူပြည်သူများအား အဓိကစားသောက်ကုန်ပစ္စည်းများဖြစ်သော အသင့်သောက်အချိုရည်အမျိုးမျိုးတို့ရောင်းချရာတွင် ထုတ်ကုန်လုံခြုံစိတ်ချမှုရှိစေရေးနှင့် စားသုံးသူများဘေးအန္တရာယ်ရှိစေရေးအတွက် စံချိန်စံညွှန်းများနှင့်ကိုက်ညီမှုမရှိသော စားသောက်ကုန်များ၊ ကုန်အညွှန်းအမှတ်အသားများပြည့်စုံစွာဖော်ပြထားခြင်းမရှိသော အသင့်သောက်အချိုရည်များ၊ အစားအသောက်နှင့်ဆေးဝါးကွပ်ကဲရေးဦးစီးဌာန (FDA) ၏ ခွင့်ပြုချက်မပါရှိသော အသင့်သောက်အချိုရည်များ၊ သက်တမ်းကုန်နေသောအစားအသောက်များကို ရောင်းချခြင်းမပြုစေရေး စသည့် စားသုံးသူကာကွယ်ရေးဆိုင်ရာသိကောင်းစရာများကို အကြံပြုဆွေးနွေးခဲ့ပြီးနောက် သက်ဆိုင်ရာဌာနများမှ တားမြစ်ထားသော စားသောက်ကုန်ပစ္စည်းများကို မိမိတို့ဈေးဆိုင်များတွင် ဖြန့်ဖြူးရောင်းချခြင်းအား စစ်ဆေးတွေ့ရှိပါက သက်ဆိုင်ရာဥပဒေ၊ လုပ်ထုံးလုပ်နည်းများနှင့်အညီ ထိရောက်စွာအရေးယူဆောင်ရွက်မည်ဖြစ်ကြောင်း ရှင်းလင်းဆွေးနွေးပြောကြားခဲ့ကြောင်းသိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ ဆောင်းသီးနှံ၊ နွေစပါးစိုက်ပျိုးနေမှုအခြေအနေများအား  ၂၀၂၃ခုနှစ်၊ ဒီဇင်ဘာလ (၂၉) ရက်နေ့၊ နံနက်ပိုင်း (၁၀:၃၀) နာရီအချိန်တွင်  မကျီးကန်ရပ်ကွက်ပိုင် ကွင်းအမှတ် (၂၉၃)၊ လာပကိန်းကွင်း ဦးပိုင်အမှတ် (၇/၄) တောင်သူဦးငွေသိန်း၏ လယ်ယာမြေ (၁၀) ဧကနှင့် ကမ္မနိုင်ကျေးရွာ၊ မဝန်းကျေးရွာများမှ နွေစပါးစိုက်တောင်သူတို့အား သွားရောက်ကွင်းဆင်းအသိပညာပေးခဲ့ကြောင်းသိရပါသည်။

    ထိုသို့ ဆောင်းသီးနှံ နွေစပါးစိုက်ပျိုးမှုအခြေအနေအား ကွင်းဆင်းစစ်ဆေးရာတွင် ခေတ္တမြို့နယ်၊ စီမံအုပ်ချုပ်ရေးအဖွဲ့ဥက္ကဋ္ဌ ဗိုလ်မှူးထွန်းဇော်မင်း၊ ဒုတိယမြို့နယ်စီမံအုပ်ချုပ်ရေးမှူးနှင့် ဝန်ထမ်းများ၊ မြို့နယ်ဆည်မြောင်းဦးစီးဌာနမှ ဦးစီးမှူး၊ မြို့နယ်လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှ ဦးစီးမှူးနှင့် စားသုံးသူရေးရာဦးစီးဌာနမှမြို့နယ်တာဝန်ခံတို့က ကော့မှူး မြို့နယ်တွင် ယခုနှစ် ဆောင်းသီးနှံစိုက်ပျိုးရာသီ၌ နွေစပါးသီးနှံဧက (၁၅၆၈၇) ဧကလျာထားစိုက်ပျိုးဆောင်ရွက်လျက်ရှိရာ ဒေသခံတောင်သူများက သတ်မှတ်လျာထားဧက ပြည့်မီစေရေးအတွက် ဒီဇင်ဘာလဆန်းပိုင်းမှစ၍ မြို့နယ်စိုက်ပျိုးရေးဦးစီးဌာန၏ကြီးကြပ်မှုဖြင့် စိုက်ပျိုးလျက်ရှိကြောင်းသိရပါသည်။ ၎င်းကဲ့သို့ နွေစပါးစိုက်ပျိုးဖြစ်ထွန်းအောင်မြင်ရန်အတွက် (စပါးမျိုးစေ့ချကိရိယာ)အသုံးခြင်း၏ အကျိုးကျေးဇူးများဖြစ်သော မျိုးစေ့ကုန်ကျမှုသက်သာခြင်း၊ အတန်းလိုက်စိုက်ပျိုးထား၍ မြေဩဇာအာဟာရများကို ညီညွတ်စွာစားသုံးနိုင်ပြီး ထွက်နှုန်းတိုးစေခြင်း၊ ကုန်ကျစရိတ်သက်သာခြင်း၊ အချိန်မီစိုက်ပျိုးနိုင်ခြင်း၊ ရိတ်သိမ်းရန်လွယ်ကူခြင်း၊ စုပေါင်းဆောင်ရွက်နိုင်ခြင်း၊ ဝင်ငွေတိုးတက်စေခြင်း စသည့်အကြောင်းအရာများကို ရှင်းလင်းပြောကြားဆွေးနွေးခဲ့ပြီးနောက် ယခုနှစ်ဆောင်းသီးနှံစိုက်ပျိုးရေးနှင့်ပတ်သက်၍ ဒေသခံတောင်သူများကို သီးနှံအထွက်နှုန်း တိုးပွားစေရန်နှင့် မျိုးကောင်းမျိုးသန့်များစိုက်ပျိုးနိုင်ရန်အတွက် ဖြည့်ဆည်းဆောင်ရွက်ပေးရန်လိုအပ်သည့် စိုက်ပျိုးရေးနည်းပညာများကိုလည်း ကူညီဆောင်ရွက်ပေးလျက်ရှိကြောင်း ပြောကြားဆွေးနွေးအသိပညာပေးခဲ့ကြောင်းသိရပါသည်။

DOCA(ရန်ကုန်)