HighLight News

         ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ် လက်ဆက်ကျေးရွာအုပ်စု၊ လက်ဆက်ကျေးရွာတွင် စိုက်ပျိူးရေးဦးစီးဌာန၊ စက်မှုလယ်ယာဦးစီးဌာန၊ ဆည်မြောင်းဦးစီးဌာန၊ တိမွေးကုဦးစီးဌာန၊ မြေစာရင်းဦးစီးဌာန၊ စားသုံးသူရေးရာဦးစီးဌာနတို့ ပူးပေါင်း၍ စိုက်ပျိုးရေးနှင့် မွေးမြူရေး ကုန်ထုတ်လုပ်မှု တိုးတက်မြင့်မားရေး နည်းပညာဆွေးနွေးပွဲအား (၇.၄.၂၀၂၂) ရက်နေ့၊ နေ့လည် (၁၀:၁၅) အချိန်တွင် ကျင်းပပြုလုပ်ခဲ့ရာ စားသုံးသူရေးရာဦးစီးဌာန မြို့နယ်တာဝန်ခံမှ စားသုံးသူကာကွယ်ရေး ဉပဒေအကြောင်းအား တက်ရောက်လာသူ တောင်သူ (၅၄) ဦးအား အသိပညာပေးဟောပြော ဆွေးနွေးခဲ့ပါသည်။

          ဌာနအသီးသီးမှ လုပ်ငန်းနယ်ပယ်အလိုက် ဆွေးနွေးဟောပြောခဲ့ပြီး စားသုံးသူရေးရာဦးစီးဌာနမှ စားသုံးသူကာကွယ်ရေးဉပဒေပြဌာန်းခြင်း၊ အမည်နှင့် စတင်အာဏာတည်ခြင်းအဓိပ္ပါယ်၊ စားသုံးသူ၏တာဝန်၊ လုပ်ငန်းရှင်အဓိပ္ပါယ်၊ ဉပ‌ဒေ ရည်ရွယ်ချက်၊ ကုန်အညွှန်းအမှတ်အသားများအကြောင်း၊ နစ်နာဆုံးရှုံးမှုများရှိပါက တိုင်ကြားနိုင်သည့် အချက်အလက်များ ၊ ကုန်ပစ္စည်း (သို့မဟုတ်) ဝန်ဆောင်မှုကို သုံးစွဲရာတွင် သတိထားရမည့်အချက်များအား ရှင်းလင်းဆွေးနွေးပညာပေး ဟောပြောခဲ့ပြီး စားသုံးသူများအနေဖြင့် ကုန်စည် (သို့မဟုတ်) ဝန်ဆောင်မှုအား သုံးစွဲရာတွင် ၁။ ရွေးချယ်ပိုင်ခွင့်၊ ၂။ စစ်ဆေးပိုင်ခွင့် ပုဒ်မ (၁၈) ပါအချက်များ၊  ၃။ ငြင်းပယ်ပိုင်ခွင့်ရှိကြောင်း အသိပညာပေး ဟောပြောခဲ့သည်။ ဟောပြောပွဲအပြီး တက်ရောက်လာသူတောင်သူများ၏ သိလိုသည်များ ပြန်လည်မေးမြန်းမှုအား သက်ဆိုင်ရာဌာနများမှ ပြန်လည်ရှင်းလင်းဆွေးနွေးခဲ့ပါသည်။

DOCA(ပဲခူး)

                ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၊ ဉက္ကံကျေးရွာတွင် စိုက်ပျိုးရေးဦးစီးဌာန၊ စက်မှုလယ်ယာ၊ တိမွေးကုဌာန၊ စားသုံးသူရေးရာဦးစီးဌာနတို့ပူးပေါင်း၍ စိုက်ပျိုးရေးထုတ်ကုန်ဖွံဖြိုးတိုးတက်ရေး သင်တန်း‌ဟောပြောပွဲ ကျင်းပခြင်းအား (၄.၄.၂၀၂၂) ရက်နေ့ နေ့လည် (၁:၀၀)အချိန်တွင် မြို့နယ်တာဝန်ခံနှင့် ဝန်ထမ်းတစ်ဉီးတို့မှ စားသုံးသူကာကွယ်ရေးအသိပညာပေး ဟောပြောခြင်းများကို တောင်သူ(၅၃) ဦးနှင့် ဟောပြောပွဲပြုလုပ်ခဲ့ပါသည်။

          စားသုံးသူပြည်သူများ ကျေးရွာအတွင်းရှိ ဈေးကွက်အတွင်းဝယ်ယူရောင်းချနေသော ပစ္စည်းများတွင်ကုန်အညွှန်းအမှတ်အသားများ ပြည့်စုံစွာပါရှိမှသာ ဝယ်ယူသုံးစွဲသင့်ကြောင်း၊ ဟင်းသီးဟင်းရွက်ဆီ (စားအုန်းဆီ)၊ ဟင်းသီးဟင်းရွက်ဆီ(အဆင့်မြင့်စားအုန်းဆီ) ကုန်စည်၏ အသားတင်ပမာဏနှင့် အရွယ်အစားအား မြန်မာအလေးချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ကြောင်း၊  ဝယ်ယူသုံးစွဲရာတွင် သတိထား၍ ဝယ်ယူသုံးစွဲကြရန် အသိပညာပေး ဟောပြောခဲ့ပြီး စားသုံးသူ နစ်နာမှုရှိခဲ့လျှင်လည်း ရရှိနိုင်သည့်အခွင့်အရေးများကိုပါ အသိပညာပေး ဟောပြောခဲ့ပါသည်။ တက်ရောက်လာသူ တောင်သူ(၅၃)ဦးတို့ကိုလည်း သိလိုသည်များကို ပြန်လည်ဆွေးနွေးစေခဲ့ပြီး စားသုံးသူအသိပညာပေး လက်ကမ်းစာစောင်များအား ဖြန့်ဝေခဲ့ပါကြောင်း သတင်းရရှိပါသည်။

DOCA(ပဲခူး)

        ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံး၌ ၆.၄.၂၀၂၂ ရက်နေ့တွင် ဗန်းမော်မြို့၊ မင်းကုန်းရပ်ကွက်ရှိ အသစ်ဖွင့်လှစ်ထားရှိသော ဗန်းမော်-နေပြည်တော် တိုက်ရိုက်ပြေးဆွဲနေသော ကြယ်တံခွန်မော်တော်ယာဉ်လိုင်းမှ စီးပွားရေးလုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဆိုင်ရာ အသိပညာပေးများရှင်းလင်း ဆွေးနွေးခဲ့ပါသည်။

          ထိုသို့ဆွေးနွေးရာ ခရိုင်ဦးစီးမှူး ဦးအောင်ကျော်ဦးက စားသုံးသူကာကွယ်ရေးဥပဒေ (၂၀၁၉)တွင် အခန်း(၂၅)ခန်း၊ ပုဒ်မ(၈၄)ခုပါဝင်ပြီး စီးပွားရေးလုပ်ငန်းရှင်အဓိပ္ပါယ်ဖွင့်ဆိုချက်တွင် မော်တော်ယာဉ် သယ်ယူပို့ဆောင်မှုလုပ်ကိုင်သော စီးပွားရေးလုပ်ငန်းရှင်များလည်းပါဝင်ကြောင်း၊ စားသုံးသူကာကွယ်ရေး ဥပဒေအရ စီးပွားရေးလုပ်ငန်းရှင်များ၏တာဝန်များ၊ ဝန်ဆောင်မှုနှင့်ပတ်သက်၍ မိမိဝန်ဆောင်မှုနှင့် စပ်လျဉ်းသည့် သတင်းအချက်အလက်များကို စားသုံးသူသိရှိစေရန်ကြိုတင်သတိပေးခြင်း၊ မှန်ကန်သော သတင်းအချက်အလက်နှင့် ပြည့်စုံသောဝန်ဆောင်မှုအဆင့်အတန်းနှင့်အညီပြည့်ဝစွာပေးခြင်း၊ စားသုံးသူ၏လိုအပ်ချက်နှင့်ကိုက်ညီမှုရှိခြင်း၊ အာမခံထားသောအချိန်ကာလအတွင်း ပြီးမြောက်အောင်ဆောင်ရွက် ပေးခြင်း၊ စားသုံးသူနှင့်သဘောတူညီထားသည့် ဝန်ဆောင်မှုတန်ဖိုးအတိုင်းပေးအပ်စေခြင်းများကို အာမခံရမည်ဖြစ်ကြောင်း၊ ဝန်ဆောင်မှုနှင့်စပ်လျဉ်း၍ စားသုံးသူနစ်နာဆုံးရှုံးမှုရှိပါက ပြည်တွင်း၌ဖြစ်စေ၊ ပြည်ပနိုင်ငံတစ်ခုခု၌ဖြစ်စေ ဝန်ဆောင်မှုကိုပြည်တွင်းစားသုံးသူများအတွက် ကြားခံဝန်ဆောင်မှုပေးသည့် လုပ်ငန်းလုပ်ကိုင်သူတွင်လည်းတာဝန်ရှိကြောင်း၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက် များ၊ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခံရလျှင် ချမှတ်နိုင်သည့်ပြစ်မှုပြစ်ဒဏ်များ၊ စီးပွားရေးလုပ်ငန်းရှင်များသည် ကောင်းမွန်သော စီးပွားရေးလုပ်ငန်းရှင် ကျင့်ဝတ်၊ စည်းကမ်းချက်နှင့်အညီတာဝန်ယူမှု၊ တာဝန်ခံမှုအပြည့်အဝဆောင်ရွက်သွားရမည်ဖြစ်ကြောင်း ရှင်းလင်းဆွေးနွေးခဲ့ပါသည်။

DOCA(ကချင်)

          မကွေးတိုင်းဒေသကြီး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူး၏ လမ်းညွှန်မှုအရ ဒုတိယတိုင်းဒေသကြီးဦးစီးမှူး ဦးဆောင်သော ဝန်ထမ်းများသည် ၂၀၂၂ ခုနှစ်၊ ဧပြီလ (၇)ရက်နေ့ နေ့လည် (၁၃:၃၀)နာရီအချိန်တွင် မကွေးမြို့၊ ရန်ပယ်ဈေး၊ ဈေးတာဝန်ခံရုံး၌ ရန်ပယ် ဈေးတွင်း/ ဈေးပြင် စားသုံးဆီရောင်းချနေသော ဆီအရောင်းဆိုင်လုပ်ငန်းရှင်များနှင့် ဟင်းသီးဟင်းရွက်ဆီများတွင် ကုန်အညွှန်းအမှတ်အသား ပြည့်စုံစွာဖော်ပြလာရေး အသိပေးရှင်းလင်း ဆွေးနွေးခြင်းများ ဆောင်ရွက်ခဲ့ ပါသည်။

          ထိုသို့ အသိပေးရှင်းလင်းရာတွင် ဒုတိယတိုင်းဒေသကြီးဦးစီးမှူး ဒေါ်အေးအေးမိုးမှ စားသုံးဆီ ရောင်းချဖြန့်ဖြူးသော လုပ်ငန်းရှင်များအား ညွှန်ကြားချက်အမှတ် ၁/၂၀၂၁ အရ ဟင်းသီးဟင်းရွက်ဆီ (Vegetable Oil, Cooking Oil) နှင့်စပ်လျဉ်း၍ ကုန်အညွှန်းအမှတ်အသား ဖော်ပြရာတွင် စီးပွားရေး လုပ်ငန်းရှင်များ လိုက်နာဆောင်ရွက်ရန် ညွှန်ကြားချက်များအား အသေးစိတ်ရှင်းလင်း ဆွေးနွေးခဲ့ပြီး ညွှန်ကြားချက်ကို (၂၀.၁၂.၂၀၂၁)တွင် ထုတ်ပြန်ခဲ့ပြီးဖြစ်ရာ (၆)လပြည့်သည့်နေ့မှစ၍ အရေးယူ ဆောင်ရွက်တော့မည်ဖြစ်ကြောင်း၊ စားသုံးဆီဖြန့်ဖြူးရောင်းချသူများအနေဖြင့်လည်း ယခုချိန်မှစ၍ ပြင်ဆင်ရန်လိုအပ်ပါကြောင်း၊ စားသုံးဆီဖြန့်ဖြူးသော ကုမ္ပဏီများ၏ ကိုယ်စားလှယ်များကိုလည်း အသိပေးရှင်းလင်းခြင်းများ ဆောင်ရွက်ပြီးဖြစ်ကြောင်း၊ အချိန်အတွယ်ဖြင့် ရောင်းချသော ဆီဆိုင်များ အနေဖြင့်လည်း ဘေးအန္တရာယ် ကင်းရှင်းအောင် စတီးအိုး၊ ကြွေအိုး၊ စဉ့်အိုး၊ ပလတ်စတစ်ပုံးများဖြင့် သိုလှောင်ရောင်းချရန်၊ ဈေးကွက်တွင် စားအုံးဆီနှင့် ပဲဆီ၊ နှမ်းဆီကို ရောစပ်၍ ရောင်းချနေခြင်းများ လည်းရှိရာ စားသုံးသူများ ရှင်းရှင်းလင်းလင်း သိစေရန် ရောစပ်မှုအချိုးကို ပွင့်လင်းမြင်သာစွာ ဖော်ပြ ရောင်းချသွားရန် အသေးစိတ် ရှင်းလင်းခဲ့ပြီး စားသုံးဆီရောင်းချသူလုပ်ငန်းရှင်များမှ သိလိုသည်များ မေးမြန်းခဲ့မှုအပေါ် ပြန်လည်ရှင်းလင်းခြင်းများ ဆောင်ရွက်ခဲ့ပြီး တက်ရောက်လာသော လုပ်ငန်းရှင်များ အား (၂၀.၁၂.၂၀၂၁)ရက်နေ့တွင် ထုတ်ပြန်ခဲ့သည့် ညွှန်ကြားချက်အမှတ် (၁/၂၀၂၁)နှင့် လက်ကမ်း စာစောင်များ ဝေငှခဲ့ပါသည်။

          ဆက်လက်၍ နေ့လည် (၁၄:၀၀)နာရီတွင် မကွေးတိုင်းဒေသကြီးအတွင်း ကိုယ်စားလှယ် ဖြန့်ဖြူး ရောင်းချနေသည့် Cook အမှတ်တံဆိပ် စားသုံးဆီ ဖြန့်ဖြူးရောင်းချသော အရောင်းဆိုင်သို့ သွားရောက်၍   ဟင်းသီး ဟင်းရွက်ဆီ (Vegetable Oil, Cooking Oil) နှင့်စပ်လျဉ်း၍ ညွှန်ကြားချက်အမှတ် (၁/၂၀၂၁) အား အသိပေးရှင်းလင်းခြင်းများ ဆောင်ရွက်ခဲ့ကြပါကြောင်း သတင်းရရှိပါသည်။

DOCA(မကွေး)

                  စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံး၊ ခရိုင်ဦးစီးမှူး နှင့်ဝန်ထမ်းများသည် ၂၀၂၂ ခုနှစ်၊ မတ်လအတွင်း မုံရွာမြို့ပေါ်ရှိ စားသုံးဆီအရောင်း ဆိုင်(၁၄)ဆိုင်များအား ဟင်းဆီဟင်းရွက်ဆီ (Vegetable Oil, Cooking Oil)နှင့်စပ်လျဉ်း၍ ညွှန်ကြားချက်များအား ကုန်အညွှန်းအမှတ်အသားဖော်ပြရာတွင် လိုက်နာဆောင်ရွက်မှုရှိစေရေး ကွင်းဆင်းစစ်ဆေးဆွေးနွေးခဲ့ပါသည်။

          ထို့သို့ ကွင်းဆင်းစစ်ဆေးဆွေးနွေးရာတွင် စားသုံးဆီအရောင်းဆိုင်လုပ်ငန်းရှင်များအား  ဟင်းဆီ ဟင်းရွက်ဆီ( Vegetable Oil, Cooking Oil)နှင့် စပ်လျဉ်း၍ ကုန်အညွှန်းအမှတ် အသားဖော်ပြရာတွင် “ပင်ရင်းပါဝင်ပစ္စည်းကို အခြေခံသောကုန်စည်၏ အမျိုးအစားကို တိကျစွာ မြန်မာဘာသာဖြင့် ဖော်ပြရန်(ဥပမာ- ဟင်းသီးဟင်းရွက်ဆီ(စားအုန်းဆီ)၊ ဟင်းသီးဟင်းရွက်ဆီ(အဆင့်မြင့်စားအုန်းဆီ) နှင့်  ကုန်စည်၏ အသားတင်ပမာဏနှင့် အရွယ်အစားတို့အား မြန်မာ့အလေးချိန် ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့်ဖော်ရန် ၂၀၂၁ ခုနှစ်၊ ဒီဇင်ဘာလ ၂၀ ရက်နေ့တွင် ညွှန်ကြားချက်အားထုတ်ပြန်ခဲ့ကြောင်း၊ ညွှန်ကြားချက်သည် စတင်ထုတ်ပြန်ပြီး ၆ လပြည့် မြောက်ပြီးသည့် ၂၀၂၂ ခုနှစ်၊  ဇွန်လ၂၀ နေ့ရက်မှ စတင်အာဏာသက်ရောက်မည်ဖြစ်ကြောင်းနှင့်  စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များနှင့် စားသုံးသူကာကွယ်ရေး ဥပဒေ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည့်သည့်စီးပွားရေး လုပ်ငန်း ရှင်မဆို ပုဒ်မ၄၁။(ခ)နှင့်(ဆ)တို့တွင်ဖော်ပြထားသည့် ကုန်စည်၏ အမျိုးအမည်၊ အရွယ်အစား၊ အရေ အတွက်နှင့်အသားတင်ပမာဏ၊ ထားသိုသိမ်းဆည်းမှု အညွှန်း၊ သုံးစွဲပုံနည်းလမ်း၊ ကျန်းမာ‌ရေးဆိုင် ရာဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက် နှင့် ကြိုတင်သတိ ပေးချက်တို့ကို ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု သို့မဟုတ် တစ်ခုထက်ပို၍ ဖော်ပြရန်နှင့် ထုတ်လုပ်သည့် ကုန်စည်အမျိုးအစား အလိုက် သတ်မှတ်ချက်နှင့်အညီ ဖော်ပြနိုင်စေရန်အတွက်  မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)များနှင့် (၁/၂၀၂၁)များပါရှိသည့် လက်ကမ်းစာစောင်များဖြန့် ဝေခဲ့ပါသည်။

DOCA(စစ်ကိုင်း)