သတင်းနှင့် လှုပ်ရှားမှုများ

     ၂၀၂၄ ခုနှစ်၊ ဇွန်လ ၅ ရက်နေ့၊နေ့လယ် (၁၅:၀၀)အချိန်တွင် တနင်္သာရီတိုင်းဒေသကြီး၊ မြိတ်မြို့ သို့ရောင်းချပေးသော စားအုန်းဆီ ပေပါ၅၀ (သို့) ပိဿာ ၅၅၀၀ သည် ရန်ကုန်မြို့မှ 2G-6407 မော်တော်ယာဥ်ဖြင့် မြိတ်မြို့၊ ရှမ်းချောင်းရပ်ရှိ အန်တီဝင်းကုန်စည်ပို့ဆောင်ရေးသို့ ရောက်ရှိလာခဲ့သဖြင့် မြိတ်ခရိုင်စားသုံးသူရေးရာဦးစီးဌာနမှ တာဝန်ရှိသူများက သွားရောက်စစ်ဆေးခဲ့ပါသည်။ အဆိုပါစားအုန်းဆီများသည် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှ မြိတ်ခရိုင်ဆီ ကုန်သည်နှင့် ဆီလုပ်ငန်းရှင်များအသင်းသို့ရောင်းချပေးသော စားအုန်းဆီဖြစ်ပြီး ၎င်းစားအုန်းဆီများအား မြိတ်မြို့အတွင်းရှိ လက်လီအထိုင်စနစ်ဖြင့် ရောင်းချနေသည့် စားသုံးဆီဆိုင် (၄၁) ဆိုင်သို့ ခွဲဝေရောင်းချပေးမည်ဖြစ်ကြောင်းနှင့် သတ်မှတ်ရည်ညွှန်းစျေးဖြင့် ပြည်သူများသို့ ရောင်းချပေးသွားမည် ဖြစ်ကြောင်း သိရှိရပါသည်။  

DOCA(တနင်္သာရီ)

   ကော့သောင်းခရိုင် ကုန်ဈေးနှုန်းတည်ငြိမ်ရေးလုပ်ငန်းအဖွဲ့ဖြင့် ၂၀၂၄ခုနှစ်၊ ဇွန် လ ၅ ရက်နေ့၊ နေ့လယ်(၁၅:၀၀)နာရီတွင် ခရိုင်စီမံအုပ်ချုပ်ရေးအဖွဲ့၏ လမ်းညွှန်ချက်အရ ကော့သောင်းမြို့ပေါ်ရှိ စားအုန်းဆီလက်လီအရောင်းဆိုင်(၂၆)ဆိုင်အား ကွင်းဆင်းစစ်ဆေးကြပ်မတ်ဆောင်ရွက်ခဲ့ပါသည်။

   အဆိုပါ ကွင်းဆင်းစစ်ဆေးခြင်းတွင် ကော့သောင်းခရိုင် စားသုံးသူရေးရာဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ မြို့နယ်အထွေထွေအုပ်ချူပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ ကော့သောင်းမြို့ပေါ်ရှိ စားအုန်းဆီလက်လီအရောင်းဆိုင်များမှ ပြည်သူများကို စားအုန်းဆီများ ရောင်းချပေးခဲ့ရာတွင် ဈေးနှုန်းမြှင့်တင်ရောင်းချခြင်း၊ သိုလှောင်ထားခြင်း၊ အလေးချိန်တွယ်မှန်ကန်မှု ရှိ/မရှိ အခြေအနေတို့အား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(တနင်္သာရီ)

     ဧရာဝတီတိုင်းဒေသကြီးအတွင်းရှိ စားသုံးသူများအနေဖြင့် ဒေသထွက်ကုန်များ စိတ်ချယုံကြည်စွာ စားသုံးနိုင်ရန်အတွက် ညွှန်ကြားချက် ၂/၂၀၁၉ ပါ ကုန်စည်အုပ်စု (၈) စုတွင် ပါဝင်သည့် ကုန်စည်အမျိုးအစားအလိုက်ဖော်ပြရမည့် အချက်(၇)ချက်ဖြစ်သည့် ကုန်စည် အမျိုးအမည်၊ အရွယ်အစားအရေအတွက်နှင့် အသားတင်ပမာဏ ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း ၊ ကျန်းမာရေးဆိုင်ရာ ဘေးထွက်ဆိုးကျိုး၊ ဓါတ်မတည့်ကြောင်းဖော်ပြချက်၊ ကြိုတင် သတိပေးချက်များကို ကုန်စည်များတွင် မြန်မာဘာသာဖြင့်ဖြစ်စေ ၊ မြန်မာဘာသာနှင့်  အခြား ဘာသာတစ်ခု သို့မဟုတ်  တစ်ခုထက်ပို၍  တွဲလျက်ဖြစ်စေ ဖော်ပြရမည့်အချက်များပြည့်စုံမှု ရှိ/မရှိ  ကို စစ်ဆေး၍ ခွင့်ပြုခဲ့သော ဒေသထွက်ကုန် ကုန်စည်အမျိုးပေါင်း (၁၀၀၀) ကျော်ရှိပါသည်။

   ဧရာဝတီတိုင်းဒေသကြီးအတွင်းရှိ ဦးစီးဌာနမှ သတ်မှတ်ထားသောကုန်စည်အုပ်စု (၈) စုအနက် လာရောက်လျှောက်ထားသည့်ကုန်စည်များတွင်  အစားအသောက်များ ၊ အလှကုန်များ ၊ လူသုံးကုန်ပစ္စည်များကို အများဆုံးစိစစ်ခွင့်ပြုခဲ့ရာ ပုသိမ်ခရိုင်မှ ပထမအများဆုံးဖြစ်ပြီး ဒုတိယအများဆုံးမှာ ဟင်္သာတခရိုင်မှဖြစ်ပါသည်။

DOCA(ဧရာဝတီ)

     ဧရာဝတီတိုင်းဒေသကြီး စားသုံးသူရေးရာဦးစီးဌာန တိုင်းဦးစီးမှူးသည် ဇွန်လ ၃ရက်နေ့ စားသုံးသူရေးရာဦးစီးဌာန ရုံးချုပ်နေပြည်တော်တွင် ဒုတိယညွှန်ကြားရေးမှူးချုပ် ဦးဆောင်၍ ကျင်းပသောနေပြည်တော်အပါအဝင် တိုင်းဒေသကြီး၊ ပြည်နယ်အလိုက် စားအုန်းဆီ ဖြန့်ဖြူးရောင်းချမှုနှင့် စပ်လျဉ်းသည့် ညှိနှိုင်းအစည်းအဝေးကို Virtual စနစ်ဖြင့် တက်ရောက် ခဲ့ပါသည်၊၊

    အဆိုပါအစည်းအဝေးကို ရုံးချုပ် သတင်းအချက်အလက်နည်းပညာနှင့်အရည်အသွေး စီမံခန့်ခွဲရေးရာဌာနခွဲ၊ ပြည်တွင်းကုန်သွယ်ရေးဖွံ့ဖြိုးမှုနှင့်သုတေသနဌာနခွဲ မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း စားအုန်းဆီတင်သွင်းသည့် ကုမ္ပဏီများ တက်ရောက်ခဲ့ပြီး စားအုန်းဆီတင်သွင်းသည့်ကုမ္ပဏီများမှ စားအုန်းဆီတင်သွင်းမှုဖြန့်ဖြူးရောင်းချမှု သက်ဆိုင်ရာ ကဏ္ဍအလိုက်ဆွေးနွေး၍ ဒုတိယညွှန်ကြားရေးမှူးချုပ်မှ ကုမ္ပဏီများက သက်ဆိုင်ရာ တိုင်းဒေသကြီး/ပြည်နယ် အလိုက်ဖြန့်ဖြူးပေးရမည့် စားအုန်းဆီများကိုအချိန်မီ ဖြန့်ဖြူးပေးနိုင်ရေး မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းနှင့် ချိတ်ဆက်ဆောင်ရွက်သွားရန် သက်ဆိုင်ရာ တိုင်း/ပြည်နယ်ဦးစီးမှူးများကလည်း အရေအတွက်ပြည့်မီရေး အချိန်မီရောက်ရှိရေးနှင့် အထက်ဌာနများသို့ ပြန်လည်တင်ပြသွားရန်နှင့်ထူးခြားဖြစ်စဉ်များ ပေါ်ပေါက်လာပါက အချိန်နှင့် တစ်ပြေးညီတင်ပြရန်ဆွေးနွေးခဲ့ကြောင်း သိရသည်၊၊

DOCA(ဧရာဝတီ)

     မွန်ပြည်နယ်၊ ကျိုက်မရောမြို့နယ်တွင် ၂၀၂၄ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အဖြစ် မြို့နယ်သစ်တောဦးစီးဌာနက ကြီးမှူး၍ သဘာဝပတ်ဝန်းကျင် စိမ်းလန်းစိုပြေရေးအတွက် မိုးရာသီ စုပေါင်းသစ်ပင်စိုက်ပျိုးပွဲတော်ကို ၅.၆.၂၀၂၄ ရက်နေ့ နံနက် ၈ နာရီက ပိန္နဲကုန်းကျေးရွာ သီဟိုဠ်စမ်းတောရကျောင်းဝင်း၌ ကျင်းပခဲ့ရာ စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံတက်ရောက်၍ ပူးပေါင်းပါဝင်ဆောင်ရွက်ခဲ့ကြောင်း သိရှိရသည်။

     ဦးစွာ စိုက်ပျိုးမည့် ပျိုးပင်များကို မြို့နယ်စီမံအုပ်ချုပ်ရေးအဖွဲ့ဥက္ကဌ. ဦးကျော်စိုးဦးနှင့် သစ်တောဦးစီးဌာန ဦးစီးအရာရှိ ဦးဇော်မိုးဦးတို့က တက်ရောက်လာသူများထံ အပင်များ ပေးအပ်၍ စုပေါင်းသစ်ပင်စိုက်ပျိုးပွဲတော်ကို ကျင်းပခဲ့ကြသည်။

   အဆိုပါ စုပေါင်းသစ်ပင်စိုက်ပျိုးပွဲသို့ မြို့နယ်စီမံအုပ်ချုပ်ရေးအဖွဲ့ ဥက္ကဌနှင့် အဖွဲ့ဝင်များ၊ မြို့နယ်ရဲတပ်ဖွဲမှူး ရဲမှူးနော်ခမ်းနှင့်ဌာနဆိုင်ရာ တာဝန်ရှိသူများ၊ မြို့နယ်အမျိုးသမီးရေးရာ၊ မိခင်နှင့်ကလေးစောင့်ရှောက်ရေးအသင်းဝင်များ၊ သစ်တောဦးစီးဌာနမှဝန်ထမ်းများ၊ စားသုံးသူရေးရာဦးစီးဌာနမှ ဝန်ထမ်းများ၊ ကျေးရွာအုပ်ချုပ်ရေးမှူးများ၊ ဒေသခံပြည်သူ (၁၅၀) ခန့် ဖြင့်  ကျွန်းပင် ၅၀၊ ပျဥ်းကတိုး၂၀၀၊ မဟော်ဂနီ ၁၅၀ ပင်၊ စိန်ပန်း ၃၀ ပင်၊ အော်ရေးရှား၂၇၀ ပင်၊ စုစုပေါင်း ပျိုးပင် ၇၀၀ ကို စုပေါင်းစိုက်ပျိုးခဲ့ကြောင်း သိရှိရပါသည်။

DOCA(မွန်)